JOEL 2:3 - BUKUIT NE TILIL

³ Amisiei mat eng’ tainywa; ak lalei liblibenetab mat eng’ let: u emet mbaretab Eden eng’ tainywa, ak kagoek ong’atet kityo ole bo let; ee, ma biit ne kachilile ichek.

Bukuit Ne Tilil

³ Amisyei maat eng' tainnywa; ak lalei liplibenetap maat eng' let. Eng' tainnywa ko uu emet mbareetap Eden, ak kagoek surkwen kityo ole po let; ak ma piitu ne kachilile icheek.

BUKUIT NE TILIIL Sireet ne Dutero Kanon

³ Amisyei maat eng' tainnywa; ak lalei liplibenetap maat eng' let. Eng' tainnywa ko uu emet mbareetap Eden, ak kagoek surkwen kityo ole po let; ak ma piitu ne kachilile icheek.

JOEL 2:3 Referencias Cruzadas

TAUNET 13:10

Kitobendo anyun Lot kogeerot atebwet komugul ne bo Jordan, kole emet ne tinyei beek eng’ olda tugul, ko u mbaretab Jehovah, ko u emetab Misri, ne tokyingei komostab Soar; ye ki tomo kong’em Jehovah Sodom ak Gomora.

TAUNET 2:8

Kigol Jehovah Kamuktaindet mbaret eng’ Eden eng’ komostab kong’asis, ak konde oloto chichoto kiga koyai.

TIENWOGIKAL 50:3

Nyonei Kamuktaindennyo, ama sisei: Beelei mat eng’ tainnyi kowong’u, Ak komuut inendet usonet ne o.

TIENWOGIKAL 97:3

Indoi mat eng’ inendet, Ak beelei bunikyik eng’ komoswek tugul.

KOMONG'U 10:15

Amu kituch emet komugul, kot koimenit emet; ak kiam ket age tugul ne tuon ne mi emet, ak logoek tugul che bo ketik che king’etune koikab ropta: ak kima ng’et ket age tugul ne nyalil, anan ket age tugul ne tuon ne mi timin, eng’ emet komugul ne bo Misri.

KOMONG'U 10:5

ak tuchei emet, kot ko maimuchi chi kogeer emet: ak koam tuguk tugul che ng’etu, che kong’etwok eng’ koikab ropta, ak koam ketit age tugul, ketikwok che bitos eng’ emet:

ISAIAH 14:17

ne kiyai ng’ony koek ong’atet, ak koluul nganasokyik; ne ma itiach kimonjororinikyik koba gorikwak?

ISAIAH 15:6

Amu tendos beekab Nimrim: amu kagoresyo suswek, ma kobitos suswek che ng’orng’or, ma komi kiy age tugul ne tuon.

ISAIAH 33:4

Ak kiyumi barunenik ko u ye iyumisiei kutik: torombenjin ko u ye torombeni chereng’enyinik.

ISAIAH 51:3

Amu kagogaigai Jehovah Sion: kagogaigai komoswekyik tugul che kigemeto, ak kigoyai ong’atennyi koigei Eden, ak koyai surkwenennyi koigei mbaretab Jehovah; kinyorjin oloto boiboiyet ak kagasetab ge, koboto kongoi ak tienwogik che rurei komie.

ISAIAH 9:18

Amu lalei yaitiet ko u mat; igesu katablelinik ak katok: ee, lalei eng’ osnet ne o, ak koiyen iyeto ne o ne u bolik che nyigisen.

ISAIAH 9:19

Kigolal emet eng’ neregekab Jehovah ne bo lugosiek: kagoigei bik kwenik che kilaali; marire chi ng’etab kamet.

JEREMIA 5:17

Ak koam beguk, ak amitwogiguk, che kita nyoljin koam weriguk ak tibiguk: ak koam ichek kechireguk ak akwotisieguk: amei ketiguk che bo sabibuk ak mogooniguk: ak kobut eng’ rotwetab chok nganasoguk che ng’ototin, che imang’u.

EZEKIEL 36:35

Ak tun mwaei kole, kaigei emoni kiga koguber, mbaretab Eden; ak kageng’ot ak kemeny nganasok che kiga koek karatwek, ak koguber, ak kong’emak.

AMOS 7:4

Kiiborua Kiptaiyat Jehovah ko u ni: ogeero, kiguur Kiptaiyat Jehovah mat kobelisie; ak kibeel riret ne o, ak komach koam emet.

HABAKUK 1:6

Amu, keero, ang’eeti Kaldeik, bororiet ne korom ne choktoi; che bunei kwenutab emet, si konam meng’otosiek che ma chechuak kobunji.

SEKARIA 7:14

ago aiyestoi ichek eng’ kipchurjuriet eng’ bororiosiek tugul che kitomo konai. Kiek anyun emet karatia eng’ let, kot ko mata kobun chi yoto anan koweegegei: amu kiigochi emet ne ki kararan koguber.