ရှင်ယောဟန် 9:16 - ခေတ်သစ်​မြန်မာ သမ္မာကျမ်း

¹⁶ ထို့ကြောင့် ဖာရိရှဲ​တချို့​က “သူ​သည် ဥပုသ်နေ့​တွင် အလုပ်လုပ်​သောကြောင့် ဘုရားသခင်​ထံတော်မှ လာသော​သူ မဖြစ်နိုင်” ဟု ဆိုကြ၏။ သို့သော် တချို့​က “သာမန်လူ အပြစ်သား​တစ်ဦး​သည် ထိုကဲ့သို့သော နိမိတ်​လက္ခဏာ​ကို မည်သို့ ပြုနိုင်မည်နည်း” ဟု ဆိုကြ၏။ ဤသို့ဖြင့် သူတို့​အချင်းချင်း သဘောထား​ကွဲလွဲကြ၏။

Common Language Bible

¹⁶ အ​ချို့​သော​ဖာ​ရိ​ရှဲ​တို့​က ``ထို​သူ​သည်​ဥ​ပုသ် မ​စောင့်​သ​ဖြင့်​ဘု​ရား​သ​ခင်​ထံ​မှ​ကြွ​လာ သူ​မ​ဟုတ်'' ဟု​ဆို​ကြ​၏။ အ​ချို့​က​မူ ``အ​ပြစ်​ကူး​သူ​တစ်​စုံ​တစ်​ယောက် သည်​အ​ဘယ်​သို့​လျှင် ဤ​သို့​သော​အံ့​သြ​ဖွယ် နိ​မိတ်​လက္ခ​ဏာ​များ​ကို​ပြ​နိုင်​ပါ​မည်​နည်း'' ဟု​ဆို​ကြ​၏။ ဤ​သို့​လျှင်​ထို​သူ​တို့​သည် အ​ချင်း​ချင်း​စိတ်​သ​ဘော​ကွဲ​လွဲ​လျက်​နေ ကြ​၏။

Garrad Bible

¹⁶ ထိုအခါဖာရိရှဲအချို့က ဤသူသည်ဥပုသ်နေ့ကိုမစောင့်သောကြောင့် ဘုရားသခင့်အထံတော်မှ မဟုတ်ဟူ၍လည်းကောင်း၊ အချို့က အပြစ်သားဖြစ်သူသည် ဤသို့သောနိမိတ်လက္ခဏာများကို အသို့ပြုနိုင်သနည်းဟူ၍လည်းကောင်း ဆိုလျက်ကွဲပြားကြသည်ဖြစ်၍၊

Judson Bible

¹⁶ ဖာ​ရိ​ရှဲ​အ​ချို့​တို့​က၊ ထို​သူ​သည် ဥ​ပုသ်​မ​စောင့်။ ဘု​ရား​သ​ခင်​စေ​လွှတ်​တော်​မူ​သော​သူ မ​ဟုတ်​ဟု ဆို​ကြ၏။ အ​ချို့​တို့​က၊ ဆိုး​သော​သူ​သည် ဤ​သို့​သော နိ​မိတ်​လ​က္ခ​ဏာ​တို့​ကို အ​ဘယ်​သို့​ပြ​နိုင်​သ​နည်း​ဟု ဆို​ကြ၏။ ထို​သို့​အ​ချင်း​ချင်း မ​သင့် ကွဲ​ပြား​ခြင်း​သို့​ရောက်၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ ထိုအခါ ဖာရိရှဲ​အချို့​တို့​က “ဤ​သူ​သည် ဥပုသ်နေ့​ကို​မ​စောင့်ထိန်း​သောကြောင့် ဘုရားသခင်​ထံမှ​လာ​သော​သူ​မ​ဟုတ်”​ဟု ဆို​ကြ​၏။ သို့သော် အချို့​တို့​က “အပြစ်သား​ဖြစ်​သော​သူ​တစ်​ဦး​သည် ဤသို့​သော​နိမိတ်​လက္ခဏာ​များ​ကို မည်သို့​ပြု​နိုင်​မည်နည်း”​ဟု ဆို​ကြ​သဖြင့် သူ​တို့​ထဲတွင်​ကွဲပြား​ခြင်း​ရှိ​၏။

မြန်မာ

¹⁶ ဖာ​ရိ​ရှဲ​အ​ချို့​တို့​က၊ ထို​သူ​သည် ဥ​ပုသ်​မ​စောင့်။ ဘု​ရား​သ​ခင်​စေ​လွှတ်​တော်​မူ​သော​သူ မ​ဟုတ်​ဟု ဆို​ကြ၏။ အ​ချို့​တို့​က၊ ဆိုး​သော​သူ​သည် ဤ​သို့​သော နိ​မိတ်​လ​က္ခ​ဏာ​တို့​ကို အ​ဘယ်​သို့​ပြ​နိုင်​သ​နည်း​ဟု ဆို​ကြ၏။ ထို​သို့​အ​ချင်း​ချင်း မ​သင့် ကွဲ​ပြား​ခြင်း​သို့​ရောက်၏။-

ရှင်ယောဟန် 9:16 Referencias Cruzadas

မဿဲ 12:10

ထို​နေရာ​၌ လက်တစ်ဖက်​သေသော လူ​တစ်ဦး​ကို ယေရှု​သည် တွေ့မြင်တော်မူ၏။ ဖာရိရှဲတို့​ကလည်း ယေရှု​ကို ပြစ်တင်​စွပ်စွဲ​လို​သဖြင့် “ဥပုသ်နေ့​၌ အနာရောဂါ​ကို ကုသပေးခြင်း​သည် ပညတ်တော်​နှင့် ကိုက်ညီသလော၊ မကိုက်ညီသလော” ဟု မေးလျှောက်ကြ၏။

မဿဲ 12:2

သို့သော် ဖာရိရှဲ​တချို့​သည် တပည့်တော်တို့​ပြုသော အရာ​ကို မြင်​သောအခါ “သင်​၏ တပည့်တော်တို့​သည် ပညတ်တရား​အရ ဥပုသ်နေ့​၌ မပြုသင့်သော​အမှု​ကို အဘယ်ကြောင့်​ပြုကြသနည်း” ဟု ကိုယ်တော်​အား လျှောက်ကြ၏။

လုကာ 13:14

ထိုအခါ ဥပုသ်နေ့​တွင် ထို​အမျိုးသမီး​အား ယေရှု​ကျန်းမာစေ​သောကြောင့် ဝတ်ပြုဆောင်မှူး​သည် စိတ်ဆိုး​လျက် “အလုပ်လုပ်​ရန် ခြောက်ရက်​ရှိသည် ဖြစ်​၍ ဥပုသ်နေ့​တွင် မဟုတ်ဘဲ ကျန်သည့်​နေ့များ​တွင် ကုသမှု​ခံယူ​ရန်​လာကြလော့” ဟု ပရိသတ်များ​ကို ပြောလေ၏။

ရှင်ယောဟန် 10:19

ထို​စကားတော်တို့​ကြောင့် ယေရှု​အကြောင်း​နှင့်​ပတ်သက်၍ ဂျူးလူမျိုးတို့​အထဲ​တွင် သဘောထား​ကွဲလွဲကြပြန်၏။

ရှင်ယောဟန် 14:11

ငါ​သည် ခမည်းတော်​၌ တည်​၍ ခမည်းတော်​သည် ငါ​၌ တည်နေသည်​ကို ယုံကြလော့။ သို့မဟုတ်​လျှင်လည်း ငါ​ပြုသော​အမှုတို့​ကို ထောက်​၍ ယုံကြလော့။

ရှင်ယောဟန် 15:24

ငါ​သည် သူတို့​ရှေ့​တွင် မည်သူမျှ​မပြုနိုင်​သည့် နိမိတ်​လက္ခဏာများ​ကို မပြုဘဲ​နေခဲ့​လျှင် သူတို့​၌ အပြစ်​ရှိမည်​မဟုတ်။ ယခု​မှာမူ သူတို့​သည် ငါ​ပြုသည့် နိမိတ်​လက္ခဏာများ​ကို တွေ့မြင်​လျက်​နှင့် ငါ့​ကိုလည်းကောင်း၊ ငါ့​ခမည်းတော်​ကိုလည်းကောင်း မုန်းကြ၏။

ရှင်ယောဟန် 2:11

ဤသို့ဖြင့် ယေရှု​သည် ပထမဦးဆုံးသော​နိမိတ်​လက္ခဏာ​ကို ဂါလိလဲပြည်၊ ကာနမြို့​၌ ပြုတော်မူ​လျက် မိမိ​ဘုန်းတော်​ကို ဖော်ပြတော်မူ၏။ တပည့်တော်တို့​သည်လည်း ကိုယ်တော်​ကို ယုံကြည်ကြ၏။

ရှင်ယောဟန် 3:2

သူ​သည် ညအခါ ယေရှု​ထံသို့ လာပြီး​လျှင် “ဆရာတော်… ဘုရားသခင်​အတူ​ရှိတော်မမူ​လျှင် ဆရာတော်​ပြုသော​နိမိတ်​လက္ခဏာများ​ကို မည်သူ​မျှ ပြုနိုင်မည်​မဟုတ်သည်​ကို ထောက်​၍ ဆရာတော်​သည် ဘုရားသခင်​ထံတော်​မှ ကြွလာသော​ဆရာ​ဖြစ်ကြောင်း​ကို အကျွန်ုပ်တို့​သိကြပါ၏။ ဆရာတော်​ပြုတော်မူသော နိမိတ်​လက္ခဏာများ​ကို​ထောက်ရှု​၍ ဘုရားသခင်​သည် ဆရာတော်​နှင့်အတူ​ရှိတော်မူသည့် သက်သေ​ထင်ရှားပါ၏” ဟု လျှောက်လေ၏။

ရှင်ယောဟန် 5:10

ထို့ကြောင့် ဂျူး​ခေါင်းဆောင်တို့​က ရောဂါ​ပျောက်ကင်းသွားသော​သူ​အား “ယနေ့​သည် ဥပုသ်နေ့​ဖြစ်၏။ ထို့ကြောင့် သင်​၏ အိပ်ရာ​ကို သယ်ယူခြင်း​သည် ဘုရားသခင်​၏ ပညတ်တော်​နှင့်​မကိုက်ညီပါ” ဟု ပြောကြ၏။

ရှင်ယောဟန် 5:36

သို့သော် ယောဟန်​၏ သက်သေ​ထက် ကြီးမြတ်သော သက်သေ​သည် ငါ​၌ ရှိ၏။ ခမည်းတော်​သည် ငါ့​အား ထို​အမှုတို့​ကို ပြီးမြောက်​အောင် ဆောင်ရွက်​ရန် ပေးအပ်တော်မူ၏။ ထို​အမှုတို့​ကပင် ငါ့​ကို ခမည်းတော်​စေလွှတ်တော်မူကြောင်း သက်သေခံကြ၏။

ရှင်ယောဟန် 6:52

ထိုအခါ ဂျူးလူမျိုးတို့​က “ဤ​သူ​သည် သူ့​အသား​ကို ငါတို့​စား​ရန် မည်သို့​ပေးနိုင်မည်နည်း” ဟု အချင်းချင်း ငြင်းခုံကြ၏။

ရှင်ယောဟန် 7:12

လူထု အထဲ​တွင်လည်း ကိုယ်တော်​အကြောင်း​ကို အမျိုးမျိုး​တီးတိုး​ပြောဆို​လျက်​ရှိကြ၏။ တချို့​က “သူ​သည် သူတော်ကောင်း​တစ်ဦး​ဖြစ်သည်” ဟု ဆိုကြ၏။ တချို့​ကမူ “သူတော်ကောင်း မဟုတ်။ သူ​သည် လူထု​ကို လှည့်ဖြားသူ​ဖြစ်သည်” ဟု ဆိုကြ၏။

ရှင်ယောဟန် 7:23

လူတစ်ဦး​သည် ဥပုသ်နေ့​တွင် အရေပြားလှီးခြင်း​မင်္ဂလာ​ကို​ခံ​ရန် အချိန်ကျ​သော် သင်တို့​သည် မောရှေ​၏ ပညတ်ကျမ်း​ကို မချိုးဖောက်လို​သဖြင့် ထို​သူ​အား အရေပြားလှီးခြင်း​မင်္ဂလာ​ကို ပေးကြ၏။ သို့ဖြစ်လျှင် ငါ​သည် ဥပုသ်နေ့​၌ လူတစ်ဦး​ကို ကျန်းမာစေသည့်​အတွက် သင်တို့​သည် အဘယ်ကြောင့် ငါ့​ကို အမျက်ထွက်ကြသနည်း။

ရှင်ယောဟန် 7:43

ထိုသို့ ယေရှု​အကြောင်း​နှင့်​ပတ်သက်၍ လူထု​ထဲ​၌ သဘောထား​ကွဲလွဲကြ၏။

ရှင်ယောဟန် 9:24

ထို့ကြောင့် သူတို့​သည် မျက်မမြင်​ဖြစ်ခဲ့ဖူးသူ​ကို ဒုတိယအကြိမ် ခေါ်​၍ “ဤ​အရာ​အတွက် ဘုရားသခင်​ရှေ့တော်​တွင် အမှန်​အတိုင်း ပြောလော့။ ထို​ယေရှု​သည် အပြစ်သား​ဖြစ်ကြောင်း ငါတို့​သိကြ၏” ဟု ဆိုကြ၏။

တမန်တော်ဝတ္ထု 14:4

သို့သော် မြို့သူမြို့သားတို့​သည် အုပ်စုကွဲ​ကာ တချို့​မှာ ဂျူးတို့​ဘက်​ပါ​၍ တချို့​မှာ တမန်တော်တို့​ဘက်​ပါကြ၏။