ရှင်ယောဟန် 7:39 - ခေတ်သစ်​မြန်မာ သမ္မာကျမ်း

³⁹ ယေရှု​မိန့်တော်မူသော အသက်စမ်းရေ​သည် ယုံကြည်သော​သူတို့ လက်ခံရရှိ​မည့် သန့်ရှင်းသော​ဝိညာဉ်တော်​ကို ရည်ညွှန်းခြင်း​ဖြစ်၏။ သို့ရာတွင် ယေရှု​သည် ဘုန်းပွင့်တော်မမူ​သေး​သောကြောင့် သန့်ရှင်းသော​ဝိညာဉ်တော်​ကို ထို​သူတို့​အပေါ် သက်ရောက်စေတော်​မမူသေးပေ။

Common Language Bible

³⁹ သ​ခင်​ယေ​ရှု​သည်​ဘုန်း​အ​သ​ရေ​ပွင့်​တော်​မ​မူ သေး​သ​ဖြင့် ဝိ​ညာဉ်​တော်​ကို​လည်း​ကိုယ်​တော် ကို​သက်​ဝင်​ယုံ​ကြည်​သူ​တို့​အား​မ​ပေး​မ​အပ် ရ​သေး​ပေ။ သို့​ဖြစ်​၍​ထို​သူ​တို့​ခံ​ယူ​ကြ​ရ မည့်​ဝိ​ညာဉ်​တော်​ကို​ရည်​မှတ်​၍ ဤ​သို့​ကြွေး ကြော်​တော်​မူ​ခြင်း​ဖြစ်​၏။

Garrad Bible

³⁹ ယေရှု၌ဘုန်းထင်ရှားတော်မမူသေးသောကြောင့် ဝိညာဉ်တော်ဆုကျေးဇူးကိုမခံကြရ သေးသည့်အလျောက် ကိုယ်တော်ကိုယုံကြည်သူတို့ရမည့်ဝိညာဉ်တော်ကိုရည်ဆောင်၍ ထိုသို့မိန့်တော်မူသတည်း။

Judson Bible

³⁹ ထို​သို့​မိန့်​တော်​မူ​သော်၊ ယုံ​ကြည်​သော​သူ​တို့​သည် ခံ​ရ​လ​တ္တံ့​သော​ဝိ​ညာဉ်​တော်​ကို ရည်​မှတ်၍ မိန့်​တော်​မူ၏။ ယေ​ရှု​သည် ဘုန်း​ပွင့်​တော်​မ​မူ​သေး​သော​ကြောင့် သန့်​ရှင်း​သော​ဝိ​ညာဉ်​တော်​ကို ပေး​တော်​မ​မူ​သေး။

မြန်​​​မာ့​​​စံ​​​မီ​​​သမ္မာ​​​ကျမ်း​​

³⁹ ဤသည်ကား ကိုယ်တော်​ကို​ယုံကြည်​သော​သူ​တို့​ခံယူ​ရရှိ​မည့် ဝိညာဉ်​တော်​ကို​ရည်ညွှန်း​၍ မိန့်​တော်မူ​ခြင်း​ဖြစ်​၏။ အကြောင်းမူကား ယေရှု​သည် ဘုန်း​တော်​ထင်ရှား​ခြင်း​မ​ရှိ​သေး​သဖြင့် ဝိညာဉ်​တော်​ကို​ပေး​တော်​မ​မူ​သေး။

မြန်မာ

³⁹ ထို​သို့​မိန့်​တော်​မူ​သော်၊ ယုံ​ကြည်​သော​သူ​တို့​သည် ခံ​ရ​လ​တ္တံ့​သော​ဝိ​ညာဉ်​တော်​ကို ရည်​မှတ်၍ မိန့်​တော်​မူ၏။ ယေ​ရှု​သည် ဘုန်း​ပွင့်​တော်​မ​မူ​သေး​သော​ကြောင့် သန့်​ရှင်း​သော​ဝိ​ညာဉ်​တော်​ကို ပေး​တော်​မ​မူ​သေး။

ရှင်ယောဟန် 7:39 Referencias Cruzadas

မဿဲ 16:14

တပည့်တော်တို့​က “တချို့​က ကိုယ်တော်​သည် နှစ်ခြင်းဆရာ​ယောဟန်၊ တချို့​က ဧလိယ၊ တချို့​က ယေရမိ၊ သို့မဟုတ် အခြား​ပရောဖက်​တစ်ပါးပါး ဖြစ်သည်​ဟူ၍ ဆိုကြ၏” ဟု လျှောက်ကြ၏။

မဿဲ 21:11

လူထု​ပရိသတ်များ​က “ဤ​သူ​သည် ဂါလိလဲပြည် နာဇရက်မြို့​မှ ပရောဖက်၊ ယေရှု​ဖြစ်သည်” ဟု ဖြေဆိုကြ၏။

လုကာ 24:49

ငါ​သည် ငါ့​ခမည်းတော် ကတိ​ထားတော်မူသည့်​အတိုင်း သန့်ရှင်းသော​ဝိညာဉ်တော်​ကို သင်တို့​ထံသို့ စေလွှတ်မည်။ သို့ရာတွင် သင်တို့​သည် ကောင်းကင်​မှ​တန်ခိုးတော် မရရှိ​မီ​အထိ မြို့​ထဲတွင်​နေကြ​ရမည်” ဟု မိန့်တော်မူ၏။

လုကာ 3:16

ယောဟန်​ကလည်း “ငါ​သည် သင်တို့​အား ရေ​၌ နှစ်ခြင်းမင်္ဂလာ​ပေး၏။ သို့ရာတွင် ငါ့​ထက်​ကြီးမြတ်သော​အရှင်​သည် မကြာမီ​ကြွလာမည်။ ငါ​သည် ထို​အရှင်​၏​ဖိနပ်ကြိုး​ကို ဖြေပေး​ရန်​ပင် မထိုက်တန်ပါ။ ထို​အရှင်​သည် သင်တို့​ကို သန့်ရှင်းသော​ဝိညာဉ်တော်​၌​လည်းကောင်း၊ မီး​၌​လည်းကောင်း နှစ်ခြင်းမင်္ဂလာ​ပေးတော်မူ​လိမ့်မည်။

လုကာ 7:16

လူအပေါင်းတို့​သည်လည်း အံ့သြ​ထိတ်လန့်​၍ “ငါတို့​အထဲ​တွင် ထူဆန်းသော​ပရောဖက်​တစ်ပါး ပေါ်ထွန်းလေပြီ။ ဘုရားသခင်​သည် မိမိ​လူမျိုး​အား အကူအညီ​ပေးတော်မူ​ရန် ကြွလာတော်မူပြီ” ဟူ၍ ဘုရားသခင်​၏​ဂုဏ်တော်​ကို ချီးမွမ်းကြ၏။

ရှင်ယောဟန် 1:21

ထို​သူတို့​က “သို့ဖြစ်လျှင် သင်​သည် မည်သူနည်း။ ဧလိယ​လော” ဟု မေးကြ၏။ ယောဟန်​က “မဟုတ်ပါ” ဟု ဖြေ၏။ သူတို့​က “သင်​သည် ငါတို့​စောင့်မျှော်နေသော​ပရောဖက်​လော” ဟု မေးကြပြန်​လျှင် ယောဟန်​က “မဟုတ်ပါ” ဟု ဖြေပြန်၏။

ရှင်ယောဟန် 1:25

“သင်​သည် ခရစ်တော်​လည်း​မဟုတ်၊ ဧလိယ​လည်း​မဟုတ်၊ ထို​ပရောဖက်​လည်း​မဟုတ်​လျှင် အဘယ်ကြောင့် နှစ်ခြင်းမင်္ဂလာ​ပေးသနည်း” ဟု မေးကြပြန်၏။

ရှင်ယောဟန် 1:33

ထို​အရှင်​ကို ယခင်က ငါ​မသိခဲ့။ သို့သော်လည်း ရေ​ဖြင့်​နှစ်ခြင်းမင်္ဂလာ​ပေး​ရန် ငါ့​ကို စေလွှတ်တော်မူသော​ဘုရားသခင်​က ‘တစ်စုံတစ်ဦး​အပေါ်​သို့ ဝိညာဉ်တော်​ဆင်းသက်​၍ နားတော်မူသည်​ကို သင်​မြင်​လျှင် ထို​သူ​သည် သန့်ရှင်းသော​ဝိညာဉ်တော်​၌ နှစ်ခြင်းမင်္ဂလာ​ပေးသော​သူ​ဖြစ်သည်’ ဟု ငါ့​ကို မိန့်တော်မူ၏။

ရှင်ယောဟန် 12:16

ဤအရာ​သည် ပရောဖက်​ဟောပြောချက်​အတိုင်း ဖြစ်လာသည်​ကို တပည့်တော်တို့​သည် ထို​အခါ​က နားမလည်ကြ။ သို့သော် ယေရှု ဘုန်းပွင့်တော်မူ​ပြီးနောက်​မှသာ ဤ​အကြောင်းအရာများ​သည် ကိုယ်တော်​ကို ရည်ညွှန်း​၍ ထိုသို့​ရေးသားထားကြောင်း​ကို​လည်းကောင်း၊ ကိုယ်တော်​ကို ထိုသို့​ပြုခဲ့ကြကြောင်း​ကို​လည်းကောင်း တပည့်တော်တို့​သည် ပြန်လည်​သတိရကြ၏။

ရှင်ယောဟန် 12:23

ထိုအခါ ယေရှု​က “လူသား​ဘုန်းပွင့်မည့်​အချိန် ကျရောက်ပြီ။

ရှင်ယောဟန် 14:13

ခမည်းတော်​သည် သားတော်​အားဖြင့် ဘုန်းကြီးတော်မူ​စေရန် ငါ​၏​အမည်​နာမ​ကို အမှီပြု​၍ သင်တို့​တောင်းလျှောက်​လျှင် တောင်းလျှောက်​သမျှ​ကို ငါ​ပေးမည်။

ရှင်ယောဟန် 14:26

သို့ရာတွင် ခမည်းတော်​သည် ငါ့​ကိုယ်စား ကူညီမစတော်မူသော​အရှင်​ဖြစ်သည့် သန့်ရှင်းသော​ဝိညာဉ်တော်​ကို စေလွှတ်တော်မူ​သောအခါ ထို​အရှင်​သည် သင်တို့​အား အရာ​အားလုံး သွန်သင်​၍ ငါ​ပြောခဲ့သမျှ​ကို ပြန်လည်​သတိရစေတော်မူ​လိမ့်မည်။

ရှင်ယောဟန် 16:14

ထို​ဝိညာဉ်တော်​သည် ငါ့​ထံမှ ရရှိသော​သမ္မာတရား​ကို သင်တို့​အား ဖော်ပြပေးခြင်း​အားဖြင့် ငါ့​ဘုန်း​ကို ထင်ရှားစေတော်မူ​လိမ့်မည်။

ရှင်ယောဟန် 16:7

သင်တို့​အား ငါ​အမှန်​ဆို၏။ ထိုသို့​ငါ​သွားရခြင်း​သည် သင်တို့​အတွက် အကျိုး​ရှိ၏။ ငါ​မသွား​လျှင် ကူညီမစမည့်​အရှင်​သည် ကြွလာမည်​မဟုတ်။ ငါ​သွား​လျှင် ထို​အရှင်​ကို သင်တို့​ထံသို့ ငါ​စေလွှတ်မည်။

ရှင်ယောဟန် 17:1

ဤ​အကြောင်းအရာများ​ကို မိန့်တော်မူပြီး​သောအခါ ယေရှု​သည် ကောင်းကင်​သို့ မျှော်ကြည့်​လျက် “အို အဖ… အချိန်​ကျပါပြီ။ သားတော်​သည် ကိုယ်တော်​၏​ဘုန်းတော်​ကို ထင်ရှား​စေနိုင်ရန် ကိုယ်တော်​သည် သားတော်​၏​ဘုန်း​ကို ထင်ရှားစေတော်မူပါ။

ရှင်ယောဟန် 17:5

အို အဖ… ကမ္ဘာ​မတည်ရှိ​မီက ကိုယ်တော်​နှင့်အတူ အကျွန်ုပ်​ရရှိသော ဘုန်းအသရေ​ဖြင့် အကျွန်ုပ်​ကို ရှေ့တော်​၌ ယခု​ဘုန်းကြီးစေတော်မူပါ။

ရှင်ယောဟန် 20:22

ထို့နောက် ယေရှု​သည် တပည့်တော်တို့​အပေါ် လေ​ကို မှုတ်တော်မူ​လျက် “သန့်ရှင်းသော​ဝိညာဉ်တော်​ကို ခံယူကြလော့။

ရှင်ယောဟန် 6:14

ဤသို့ ယေရှု​ပြတော်မူသော နိမိတ်​လက္ခဏာ​ကို မြင်သော​လူတို့​က “ဤ​သူ​သည် အမှန်​ပင် ကျွန်ုပ်တို့​စောင့်မျှော်နေသော ပရောဖက် ဖြစ်သည်” ဟု ဆိုကြ၏။

ရှင်ယောဟန် 7:12

လူထု အထဲ​တွင်လည်း ကိုယ်တော်​အကြောင်း​ကို အမျိုးမျိုး​တီးတိုး​ပြောဆို​လျက်​ရှိကြ၏။ တချို့​က “သူ​သည် သူတော်ကောင်း​တစ်ဦး​ဖြစ်သည်” ဟု ဆိုကြ၏။ တချို့​ကမူ “သူတော်ကောင်း မဟုတ်။ သူ​သည် လူထု​ကို လှည့်ဖြားသူ​ဖြစ်သည်” ဟု ဆိုကြ၏။

ရှင်ယောဟန် 8:54

ယေရှု​က “ငါ​သည် ကိုယ့်ကိုယ်ကိုယ် ဘုန်းကြီး​စေလျှင် ငါ့​ဘုန်း​သည် အချည်းနှီး​ဖြစ်၏။ ငါ့​ကို ဘုန်းကြီးစေသော​အရှင်​သည် ငါ့​ခမည်းတော်​ဖြစ်၏။ သင်တို့​က ထို​အရှင်​ကို ‘ငါတို့​၏ ဘုရားသခင်’ ဟု ဆိုကြ၏။

တမန်တော်ဝတ္ထု 19:2

ပေါလု​က “သင်တို့​သည် ယုံကြည်သူများ ဖြစ်လာကြ​သောအခါ သန့်ရှင်းသော​ဝိညာဉ်တော်​ကို လက်ခံ​ရရှိကြသလော” ဟု မေး၏။ ထို​သူတို့​က “မရကြပါ။ သန့်ရှင်းသော​ဝိညာဉ်တော်​ဟူ၍ ရှိသည်​ကိုပင် ကျွန်ုပ်တို့​မကြားဖူးသေးပါ” ဟု ပြန်ဖြေကြ၏။

တမန်တော်ဝတ္ထု 2:17

‘ဘုရားသခင်​က “နောက်ဆုံးသော​နေ့ရက်များ​၌ ငါ​၏​ဝိညာဉ်တော်​ကို လူ​အပေါင်းတို့​အပေါ် သွန်းလောင်း​၍ သင်တို့​၏​သားသမီးတို့​သည် ပရောဖက်ပြု​ဟောပြောကြ​လိမ့်မည်။ အသက်ငယ်သော​သူတို့​သည် ရူပါရုံ​ကို မြင်​၍ အသက်ကြီးသော​သူတို့​သည် အိပ်မက်များ​ကို မက်ကြ​လိမ့်မည်။

တမန်တော်ဝတ္ထု 2:33

ထိုသို့​ယေရှု​သည် ဘုရားသခင်​၏​လက်ယာတော်ဘက်​၌ ချီးမြှောက်တော်မူခြင်း​ခံရ၏။ ထို့နောက် ကတိထားတော်မူသည့် သန့်ရှင်းသော​ဝိညာဉ်တော်​ကို အဖဘုရား​ထံမှ ခံယူသည်​နှင့်အညီ၊ ထို​သခင်​သည် သင်တို့​မြင်တွေ့ကြားသိသည့်​အတိုင်း ဤ​သန့်ရှင်းသော​ဝိညာဉ်တော်​ကို သွန်းလောင်းတော်မူပြီ။

တမန်တော်ဝတ္ထု 2:38

ပေတရု​က “သင်တို့​အပြစ်များ​ကို ခွင့်လွှတ်ခြင်း​ခံရ​ရန် နောင်တရ​လျက် ယေရှု​ခရစ်တော်​၏​အမည်​နာမ​၌ သင်တို့​အားလုံး နှစ်ခြင်းမင်္ဂလာ​ခံယူကြလော့။ ထိုသို့​ပြုလျှင် သင်တို့​သည် သန့်ရှင်းသော​ဝိညာဉ်တော်​တည်းဟူသော လက်ဆောင်​ကို လက်ခံရရှိ​လိမ့်မည်။

တမန်တော်ဝတ္ထု 2:4

ထို​သူတို့​အားလုံး​သည်လည်း သန့်ရှင်းသော​ဝိညာဉ်တော်​နှင့် ပြည့်ဝ​၍ ဝိညာဉ်တော်​ပေးသနားတော်မူသည့်​အစွမ်း​အတိုင်း အမျိုးမျိုးသော​ဘာသာစကားများ​ကို ဟောပြောကြ၏။

တမန်တော်ဝတ္ထု 3:13

အာဗြဟံ​၏​ဘုရား၊ ဣဇာက်​၏​ဘုရား၊ ယာကုပ်​၏​ဘုရား​ဖြစ်သော ငါတို့​ဘိုးဘေးများ​၏​ဘုရားသခင်​သည် မိမိ​၏​အစေခံ​ယေရှု​အား ဘုန်းကြီးစေတော်မူပြီ။ ထို​ယေရှု​မှာ ပိလတ်မင်း​လက်​သို့ သင်တို့​အပ်နှံ​၍ ပိလတ်မင်း​က လွတ်ငြိမ်းချမ်းသာခွင့်​ပေး​ရန် ဆုံးဖြတ်​သော်လည်း သင်တို့​ငြင်းပယ်ကြသော​သူ​ပင်​ဖြစ်၏။

တမန်တော်ဝတ္ထု 4:31

ထိုသို့ ဆုတောင်း​ပြီးနောက် စုရုံးနေသော​နေရာ​သည် တုန်ခါ​လျက် ထို​သူ​အားလုံးတို့​သည် သန့်ရှင်းသော​ဝိညာဉ်တော်​နှင့် ပြည့်ဝ​သဖြင့် ဘုရားသခင်​၏​နှုတ်ကပတ်​တရားတော်​ကို ရဲရင့်​စွာ ဟောပြောကြ၏။

ရော​မ 8:9

သို့သော် ဘုရားသခင်​၏ ဝိညာဉ်တော်​သည် သင်တို့​အထဲ​၌ ကိန်းဝပ်တော်မူ​လျှင် သင်တို့​သည် လူ့​ဗီဇစိတ်​၏ အလို​အတိုင်း မဟုတ်ဘဲ ဝိညာဉ်တော်​၏ အလို​အတိုင်း အသက်ရှင်ကြ၏။ ခရစ်တော်​၏ ဝိညာဉ်တော်​ကို မရသောသူ​သည် ခရစ်တော်​နှင့် မသက်ဆိုင်။

၂ ကော 3:8

အသက်​ကို ရှင်စေသည့်​သန့်ရှင်းသော​ဝိညာဉ်တော်​၏ တရား​သည် မည်မျှ​ပို၍ ဘုန်းအသရေ​နှင့် ပြည့်စုံ​လိမ့်မည်နည်း။

ဧ​ဖက် 4:30

ရွေးနုတ်ခံရမည့်​နေ့​အတွက် သင်တို့​ကို တံဆိပ်​ခတ်နှိပ်တော်မူ​သော ဘုရားသခင်​၏ သန့်ရှင်းသော​ဝိညာဉ်တော်​ကို ဝမ်းမနည်းစေကြနှင့်။