ရှင်ယောဟန် 10:18 - ခေတ်သစ်​မြန်မာ သမ္မာကျမ်း

¹⁸ မည်သူ​ကမျှ ငါ့​အသက်​ကို စွန့်စေသည်​မဟုတ်။ မိမိ​သဘော​ဖြင့်သာ ငါ​စွန့်၏။ အဘယ်ကြောင့်ဆိုသော် ငါ့​အသက်​ကို စွန့်​ရန်​နှင့် ပြန်ယူ​ရန် ငါ့​ထံ၌ အခွင့်အာဏာ​ရှိ​သောကြောင့်​ဖြစ်၏။ ထို​အမိန့်​ကို ခမည်းတော်​ထံမှ ငါ​ရရှိ၏” ဟု မိန့်တော်မူ၏။

Common Language Bible

¹⁸ အ​ဘယ်​သူ​မျှ​ငါ့​အသက်​ကို​စွန့်​စေ​သည်​မ​ဟုတ်။ ငါ့​အ​လို​အ​လျောက်​စွန့်​ခြင်း​ဖြစ်​၏။ ငါ့​မှာ အ​သက်​ကို​စွန့်​ပိုင်​ခွင့်၊ ပြန်​ယူ​ပိုင်​ခွင့်​ရှိ​၏။ ဤ သို့​ပြု​ရန်​ခ​မည်း​တော်​က​ငါ့​အား​စေ​ခိုင်း တော်​မူ​၏'' ဟု​မိန့်​တော်​မူ​၏။

Garrad Bible

¹⁸ ငါ့ခမည်းတော်ထံ ခံခဲ့သောအမိန့်တော်အရ ကိုယ့်အသက်ကိုစွန့်ထားခွင့်၊ ယူပြန်ခွင့်အာဏာကို ငါပိုင်သည့်အတိုင်း မည်သူမျှငါမှလုယူသည်မဟုတ်။ ကိုယ့်အလိုအလျောက်စွန့်သည်ဟု မိန့်တော်မူ၏။

Judson Bible

¹⁸ ငါ့​အ​သက်​ကို အ​ဘယ်​သူ​မျှ မ​လု​မ​ယူ။ ကိုယ်​အ​လို​အ​လျောက် ငါ​စွန့်၏။ ကိုယ်​အ​သက်​ကို စွန့်​ရ​သော​အ​ခွင့်​နှင့် နောက်​တစ်​ဖန် ကိုယ်​အ​သက်​ကို ယူ​ပြန်​ရ​သော​အ​ခွင့်​သည် ငါ၌​ရှိ၏။ ထို​အ​ခွင့်​ကို ခ​မည်း​တော်​သည် ပေး​တော်​မူ​ပြီ​ဟု မိန့်​တော်​မူ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁸ မည်သူ​က​မျှ​ငါ့​အသက်​ကို ငါ့​ထံမှ​နုတ်ယူ​သည်​မ​ဟုတ်။ ငါ့​ဆန္ဒ​အလျောက် ငါ့​အသက်​ကို​ငါ​စွန့်​၏။ ငါ​၌ ကိုယ့်​အသက်​ကို​စွန့်​ပိုင်ခွင့်​ရှိ​၍ ၎င်း​ကို ပြန်လည်​ရယူ​ပိုင်ခွင့်​ရှိ​၏။ ငါ​သည် ဤ​အမိန့်​ကို ငါ့​ခမည်းတော်​ထံမှ​ရရှိ​၏”​ဟု မိန့်​တော်မူ​၏။

မြန်မာ

¹⁸ ငါ့​အ​သက်​ကို အ​ဘယ်​သူ​မျှ မ​လု​မ​ယူ။ ကိုယ်​အ​လို​အ​လျောက် ငါ​စွန့်၏။ ကိုယ်​အ​သက်​ကို စွန့်​ရ​သော​အ​ခွင့်​နှင့် နောက်​တစ်​ဖန် ကိုယ်​အ​သက်​ကို ယူ​ပြန်​ရ​သော​အ​ခွင့်​သည် ငါ၌​ရှိ၏။ ထို​အ​ခွင့်​ကို ခ​မည်း​တော်​သည် ပေး​တော်​မူ​ပြီ​ဟု မိန့်​တော်​မူ၏။-

ရှင်ယောဟန် 10:18 Referencias Cruzadas

ရှင်ယောဟန် 10:11

ငါ​သည် သိုးထိန်းကောင်း​ဖြစ်၏။ သိုးထိန်းကောင်း​သည် သိုးတို့​အတွက် မိမိ​အသက်​ကို စွန့်တတ်၏။

ရှင်ယောဟန် 10:17

ငါ​သည် အသက်​ကို ပြန်လည်ရယူ​ရန် ကိုယ့်​အသက်​ကို စွန့်​သောကြောင့် ခမည်းတော်​သည် ငါ့​ကို ချစ်တော်မူ၏။

ရှင်ယောဟန် 14:31

ငါ​သည် ခမည်းတော်​ကို​ချစ်ကြောင်း လောကီသားတို့​သိ​စေရန် ခမည်းတော်​မှာကြားတော်မူသည့်​အတိုင်း ဆောင်ရွက်မည်။ လာကြ၊ သွားကြစို့” ဟု မိန့်တော်မူ၏။

ရှင်ယောဟန် 15:10

ငါ​သည် ခမည်းတော်​၏ ပညတ်တော်တို့​ကို လိုက်နာ​၍ ခမည်းတော်​၏​ချစ်ခြင်းမေတ္တာ​၌ တည်နေ​သကဲ့သို့ သင်တို့​သည်လည်း ငါ့​ပညတ်တို့​ကို လိုက်နာ​လျှင် ငါ​၏​ချစ်ခြင်းမေတ္တာ​၌ တည်နေကြ​လိမ့်မည်။

ရှင်ယောဟန် 19:11

ထိုအခါ ယေရှု​က “သင့်​ကို ဘုရားသခင် အခွင့်မပေး​လျှင် သင်​သည် ငါ့​ကို မည်သို့​မျှ မပြုနိုင်။ ထို့ကြောင့် ငါ့​ကို သင့်​ထံ အပ်နှံသော​သူ​သည် ပို​၍ အပြစ်ကြီး၏” ဟု ဖြေတော်မူ၏။

ရှင်ယောဟန် 5:26

အဘယ်ကြောင့်ဆိုသော် ခမည်းတော်​သည် မိမိ​၌ အသက်ပေးပိုင်သော​တန်ခိုး​ရှိတော်မူသည့်​အတိုင်း ထို​အသက်ပေးပိုင်သော​တန်ခိုး​ကို သားတော်​အားလည်း ပေးတော်မူ​သောကြောင့်​ဖြစ်၏။

ရှင်ယောဟန် 5:30

ငါ​သည် မည်သည့်​အမှု​ကိုမျှ မိမိ​သဘောဆန္ဒ​အလျောက် မပြုနိုင်။ ခမည်းတော်​မိန့်တော်မူသည့်​အတိုင်း ငါ​တရားစီရင်၏။ ငါ့​တရားစီရင်ခြင်း​သည် တရားမျှတ၏။ ငါ​သည် မိမိ​အလို​အတိုင်း မဆောင်ရွက်ဘဲ ငါ့​ကို​စေလွှတ်တော်မူသော ခမည်းတော်​၏ အလိုတော်​အတိုင်း​ဆောင်ရွက်​သောကြောင့် ငါ့​တရားစီရင်ခြင်း​သည် မှန်ကန်၏။

ရှင်ယောဟန် 6:38

အဘယ်ကြောင့်ဆိုသော် ငါ​သည် မိမိ​အလို​ကို လုပ်ဆောင်​ရန် မဟုတ်ဘဲ ငါ့​ကို စေလွှတ်တော်မူသော ဘုရားသခင်​၏ အလိုတော်​ကို လုပ်ဆောင်​ရန် ဆင်းသက်လာ​သောကြောင့် ဖြစ်၏။

တမန်တော်ဝတ္ထု 2:24

သို့သော်လည်း ဘုရားသခင်​သည် ထို​အရှင်​ကို သေခြင်းမှ​ရှင်ပြန်​ထမြောက်စေတော်မူ​၍ သေခြင်းနှင့်​ဆိုင်သော​ဝေဒနာ​မှ ကင်းလွတ်စေတော်မူ၏။ အဘယ်ကြောင့်ဆိုသော် သေခြင်းတန်ခိုး​သည် ထို​အရှင်​ကို အစဉ်​ချုပ်နှောင်ထား​ရန် မဖြစ်နိုင်​သောကြောင့်​ပင်။

တမန်တော်ဝတ္ထု 2:32

ဘုရားသခင်​သည် ယေရှု​အား သေခြင်း​မှ ရှင်ပြန်​ထမြောက်စေတော်မူ​၍ ငါတို့​သည်လည်း ထို​ထမြောက်ခြင်း​၏​သက်သေများ​ဖြစ်ကြ၏။

တမန်တော်ဝတ္ထု 3:15

သင်တို့​သည် အသက်​၏​အရှင်သခင်​ကို သတ်​၍ ဘုရားသခင်​သည် ထို​သခင်​ကို သေခြင်း​မှ ရှင်ပြန်​ထမြောက်စေတော်မူ၏။ ထိုသို့ ထမြောက်စေတော်မူသည်​ကို ငါတို့​သည် ကိုယ်တိုင်​မြင်တွေ့ကြ၏။

တိ​တု 2:14

သခင်​ယေရှု​သည် ကျွန်ုပ်တို့​အား ဒုစရိုက်​အမျိုးမျိုး​မှ ရွေးနုတ်​ရန်​နှင့် ကျွန်ုပ်တို့​အား မိမိ​အတွက် စင်ကြယ်​စေရန် မိမိ​အသက်​ကို ပေးတော်မူ၏။ ဤ​သည်မှာ ကျွန်ုပ်တို့​သည် ကိုယ်တော်​၏ လူများ​ဖြစ်လာ​၍ ကောင်းမှု​ပြုရာ​တွင် စိတ်အား​ထက်သန်ကြ​ရန် ဖြစ်၏။

ဟေ​ဗြဲ 2:9

သို့သော် ဘုရားသခင်​၏​ကျေးဇူးတော်​အားဖြင့် ယေရှု​ခရစ်တော်​သည် လောကီသားများ​အတွက် အသက်စွန့်​နိုင်ရန် ကောင်းကင်တမန်များ​ထက် ယာယီ​နိမ့်ကျစေခြင်း​ကို ခံ​၍ အသေခံရ​သောကြောင့် ဘုန်းအသရေ​နှင့် ဂုဏ်အသရေတို့​ဖြင့် ချီးမြှောက်ခံရကြောင်း ကျွန်ုပ်တို့​မြင်ကြရ၏။