ရှင်ယောဟန် 10:10 - ခေတ်သစ်​မြန်မာ သမ္မာကျမ်း

¹⁰ သူခိုး​သည် ခိုးဝှက်​ရန်၊ သတ်ဖြတ်​ရန်​နှင့် ဖျက်ဆီး​ရန်အတွက်​သာ လာ၏။ ငါ​သည် သိုးတို့​ကို အသက်​ကို ရရှိ​စေရန်​သာမက ထို​အသက်​ကို ကြွယ်ဝပြည့်စုံ​စွာ ရရှိ​စေရန်​လည်း လာ၏။

Common Language Bible

¹⁰ သူ​ခိုး​သည်​ခိုး​ယူ​သတ်​ဖြတ်​ဖျက်​ဆီး​ရန်​သာ လာ​၏။ ငါ​မူ​ကား​သင်​တို့​အ​သက်​ရှင်​ကြ​စေ​ရုံ မျှ​သာ​မ​က ကြွယ်​ဝ​ပြည့်​စုံ​သော​အ​သက်​ကို ရှင်​နိုင်​ကြ​စေ​ရန်​လာ​သ​တည်း။

Garrad Bible

¹⁰ သူခိုးဖြစ်သူသည် ခိုးယူသတ်ဖြတ်ဖျက်ဆီးရန်သာ လာရောက်တတ်၏။ ငါမူကား အသက်ကိုရစေ၍ ကြွယ်ဝစေခြင်းငှါရောက်လာခဲ့ပြီ။

Judson Bible

¹⁰ သူ​ခိုး​သည်​ခိုး​ခြင်း၊ သတ်​ခြင်း၊ ဖျက်​ဆီး​ခြင်း​ငှာ​သာ လာ​တတ်၏။ ငါ​မူ​ကား၊ သိုး​တို့​သည် အ​သက်​လွတ်​ရုံ​မျှ​မ​က အ​ထူး​သ​ဖြင့် အ​သက်​နှင့် ပြည့်​စုံ​စေ​ခြင်း​ငှာ လာ​သ​တည်း။

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁰ သူခိုး​သည် ခိုးယူ၊ သတ်ဖြတ်၊ ဖျက်ဆီး​ရန်​သာ လာ​တတ်​၏။ ငါ​မူကား သိုး​တို့​အား အသက်​ကို​ရရှိ​စေရန်​သာမက ထို​အသက်​ကို ကြွယ်ဝ​ပြည့်စုံ​စွာ​ရရှိ​စေရန်​လာ​၏။

မြန်မာ

¹⁰ သူ​ခိုး​သည်​ခိုး​ခြင်း၊ သတ်​ခြင်း၊ ဖျက်​ဆီး​ခြင်း​ငှာ​သာ လာ​တတ်၏။ ငါ​မူ​ကား၊ သိုး​တို့​သည် အ​သက်​လွတ်​ရုံ​မျှ​မ​က အ​ထူး​သ​ဖြင့် အ​သက်​နှင့် ပြည့်​စုံ​စေ​ခြင်း​ငှာ လာ​သ​တည်း။

ရှင်ယောဟန် 10:10 Referencias Cruzadas

မဿဲ 18:10

ကလေးငယ်​တစ်ဦးတစ်ယောက်​အပေါ်​၌ မထီမဲ့မြင်​မပြုမိ​စေရန် သတိပြုကြလော့။ ကောင်းကင်ဘုံ​တွင်​ရှိသော ထို​ကလေးငယ်တို့​၏ ကောင်းကင်တမန်များ​သည် ကောင်းကင်ဘုံ​၌ ရှိတော်မူသော ငါ့​ခမည်းတော်​၏ မျက်နှာတော်​ကို အစဉ်မပြတ် ဖူးမြော်​ကြရသည်​ဟု သင်တို့​အား ငါ​ပြောဆို၏။

မဿဲ 18:11

လူသား​သည် ပျောက်သောသူ​ကို ကယ်တင်​ရန် ကြွလာခြင်း​ဖြစ်၏။

မဿဲ 20:28

လူသား​ပင်လျှင် သူတစ်ပါး​ကို​စေခိုင်း​ရန် ကြွလာသည်​မဟုတ်။ သူတစ်ပါး​အား အစေခံ​ရန်​နှင့် မိမိ​အသက်​ကို စွန့်​၍ လူများ​အား ရွေးနုတ်​ရန် ကြွလာသည်” ဟု မိန့်တော်မူ၏။

မဿဲ 21:13

ယေရှု​က “ကျမ်းစာ​တွင် ‘ငါ​၏ အိမ်တော်​သည် ဆုတောင်းရာ​အိမ်တော်​ဟု ခေါ်ဆို​ရမည်’ ဟူ၍ ရေးသားထား​သော်လည်း သင်တို့​သည် အိမ်တော်​ကို ဓားပြစခန်း​ဖြစ်စေကြပြီ” ဟု သူတို့​အား မိန့်တော်မူ၏။

မဿဲ 23:13

သူတော်ကောင်း​ယောင်ဆောင်သော ကျမ်းတတ်ဆရာများ​နှင့် ဖာရိရှဲတို့… သင်တို့​သည် အမင်္ဂလာ​ရှိကြ၏။ အဘယ်ကြောင့်ဆိုသော် သင်တို့​သည် ကောင်းကင်​နိုင်ငံတော်​၏​တံခါး​ကို လူတို့​ရှေ့​မှ ပိတ်ထား​၍ သင်တို့​ကိုယ်တိုင်​လည်း​မဝင်၊ ဝင်လိုသည့်​သူများ​ကိုလည်း ဝင်ခွင့်​မပေးဘဲ နေကြ​သောကြောင့်​ဖြစ်၏။

ရှင်မာကု 11:17

ကိုယ်တော်​က “ကျမ်းစာ​တွင် ‘ငါ​၏ အိမ်တော်​သည် လူမျိုး​အပေါင်းတို့​၏ ဆုတောင်းရာ​အိမ်တော်​ဟု ခေါ်ဆို​ရမည်’ ဟူ၍ ရေးသားထား​သော်လည်း သင်တို့​သည် အိမ်တော်​ကို ဓားပြစခန်း​ဖြစ်စေကြပြီ” ဟု သူတို့​အား သွန်သင်​လျက် မိန့်တော်မူ၏။

လုကာ 19:10

အဘယ်ကြောင့်ဆိုသော် လူသား​သည် ပျောက်ဆုံးနေသော​သူများ​ကို ရှာဖွေ​၍ ကယ်တင်​ရန် ကြွလာ​သောကြောင့်​ဖြစ်သည်” ဟု မိန့်တော်မူ၏။

ရှင်ယောဟန် 10:1

“သင်တို့​အား ငါ​အမှန်​ဆို၏။ သိုးခြံ​ထဲသို့ ဝင်းတံခါး​မှ မဝင်ဘဲ ခြံ​ကို​ကျော်​၍ ဝင်သော​သူ​သည် သူခိုး၊ ဓားပြ​ဖြစ်၏။

ရှင်ယောဟန် 10:11

ငါ​သည် သိုးထိန်းကောင်း​ဖြစ်၏။ သိုးထိန်းကောင်း​သည် သိုးတို့​အတွက် မိမိ​အသက်​ကို စွန့်တတ်၏။

ရှင်ယောဟန် 12:47

ငါ့​စကား​ကို ကြား​၍ မလိုက်နာသောသူ​ကို ငါ​သည် အပြစ်​မစီရင်။ အဘယ်ကြောင့်ဆိုသော် ငါ​သည် လောကီသားတို့​ကို တရားစီရင်​ရန် ကြွလာသည်​မဟုတ်။ ကယ်တင်​ရန် ကြွလာ၏။

ရှင်ယောဟန် 12:6

ဤသို့​ပြောဆိုရာ​တွင် သူ​သည် ဆင်းရဲသားများ​ကို စာနာထောက်ထား​၍ ပြောဆိုခြင်း​မဟုတ်ဘဲ ခိုးဝှက်တတ်သူ​တစ်ဦး​ဖြစ်သောကြောင့် ပြောဆိုခြင်း​သာ ဖြစ်၏။ သူ​သည် တပည့်တော်တို့​၏ ငွေ​ကို စီမံရသူ​ဖြစ်​၍ ငွေအိတ်​ထဲမှ ငွေ​တချို့​ကို နှိုက်ယူ​သုံးစွဲတတ်၏။

ရှင်ယောဟန် 3:17

ဘုရားသခင်​သည် မိမိ​၏ သားတော်​ကို လောက​သို့ စေလွှတ်တော်မူသည်​မှာ လောကီသားတို့​ကို အပြစ်စီရင်​ရန် မဟုတ်။ လောကီသားတို့​ကို သားတော်​အားဖြင့် ကယ်တင်​ရန်​ဖြစ်၏။

ရှင်ယောဟန် 5:40

သို့သော် သင်တို့​သည် ထို​ထာဝရ​အသက်​ကို ရ​ရန် ငါ့​ထံသို့ မချဉ်းကပ်လိုကြပေ။

ရှင်ယောဟန် 6:33

ဘုရားသခင်​၏ စစ်မှန်သော​မုန့်​မှာ ကောင်းကင်​မှ ဆင်းသက်လာ​၍ လောကီသားတို့​အား အသက်​ကို ပေးသော​မုန့်​ဖြစ်၏” ဟု မိန့်တော်မူ၏။

ရှင်ယောဟန် 6:51

ငါ​သည် ကောင်းကင်​မှ ဆင်းသက်လာသော အသက်မုန့်​ဖြစ်၏။ ဤ​မုန့်​ကို စားသုံးသောသူ​သည် အစဉ်​ထာဝရ အသက်ရှင်​လိမ့်မည်။ ငါ​ပေးမည့် ဤ​မုန့်​သည် လောကီသားတို့ အသက်​ရှင်​ရန် ပေးသော ငါ့​အသား​ပင်​ဖြစ်၏” ဟု မိန့်တော်မူ၏။

ရော​မ 2:21

ထိုသို့ သူတစ်ပါး​ကို သွန်သင်​လျက်နှင့် သင့်ကိုယ်သင် မသွန်သင်သလော။ မခိုးယူရ​ဟု ဟောပြော​လျက်နှင့် ကိုယ်တိုင်​ခိုးယူသလော။

၁ တိ 1:15

“ယေရှု​ခရစ်တော်​သည် အပြစ်သားများ​ကို ကယ်တင်​ရန် ဤ​လောက​သို့ ဆင်းကြွလာသည်” ဟူသော စကား​သည် လုံးဝ​မှန်ကန်ပြီး အပြည့်အဝ​လက်ခံ​ထိုက်၏။ ထို​အပြစ်သားများ​အနက် ကျွန်ုပ်​သည် အဆိုးဆုံး​ဖြစ်၏။

ဟေ​ဗြဲ 6:17

ထိုနည်းတူ ဘုရားသခင်​သည် မိမိ​အကြံအစည်တော်​ကို ပြောင်းလဲမည်​မဟုတ်ကြောင်း ကတိထားတော်မူသော​အရာ​ကို ရရှိမည့်​သူများ​အား ဖော်ပြ​ရန် သစ္စာဆို​၍ အာမခံတော်မူ၏။

ဟေ​ဗြဲ 7:25

ထို့ကြောင့် ကိုယ်တော်​သည် မိမိ​ကို​အမှီပြု​၍ ဘုရားသခင်​ထံသို့ ချဉ်းကပ်လာ​သူများ​ကို အပြည့်အဝ​ကယ်တင်​နိုင်တော်မူ၏။ အဘယ်ကြောင့်ဆိုသော် ကိုယ်တော်​သည် သူတို့​အတွက် အသနားခံပေး​ရန် ထာဝရ​အသက်ရှင်နေ​သောကြောင့်​ဖြစ်၏။

၂ ပေ 1:11

ထို့နောက် ဘုရားသခင်​သည် သင်တို့​အား ကျွန်ုပ်တို့​၏ သခင်​နှင့် ကယ်တင်ရှင် ဖြစ်တော်မူသော ယေရှု​ခရစ်တော်​၏ ထာဝရ​နိုင်ငံတော်​ထဲသို့ ဝင်ရောက်ခွင့်​ကို အပြည့်အဝ​ပေးသနားတော်မူ​လိမ့်မည်။