ဖိ​လိပ္ပိ 2:6 - ခေတ်သစ်​မြန်မာ သမ္မာကျမ်း

⁶ ယေရှု​ခရစ်တော်​သည် မိမိ​၌ ဘုရားသခင်​၏ အသွင်​သဏ္ဌာန်တော်​ရှိ​သော်လည်း ထိုသို့​ဘုရားသခင်​နှင့် တန်းတူ​ဖြစ်ခြင်း​ကို ကိုယ်ကျိုး​အတွက် အသုံးပြု​ရမည်​ဟု မှတ်ယူတော်မမူဘဲ

Common Language Bible

⁶ ကိုယ်​တော်​သည်​ဘု​ရား​ဇာ​တိ​တော်​နှင့် ထာ​ဝ​စဉ်​ပြည့်​စုံ​တော်​မူ​၏။ သို့​ရာ​တွင်​အ​ဋ္ဌမ္မ​နည်း​ဖြင့်​ဘု​ရား​သ​ခင်​နှင့် ဂုဏ်​ရည်​တူ​ရန်​ကြိုး​စား​သင့်​သည်​ဟု ထင်​မှတ်​တော်​မ​မူ။

Garrad Bible

⁶ ထို အ ရှင် သည် ဘု ရား သ ခင့် သ ဏ္ဌာန် တော် ရှိ လျက် ဘု ရား သ ခင် နှင့် ဂုဏ် ရည် တူ ခြင်း ကို ခင် မင် ရာ ဟု မ မှတ် ဘဲ ထို သ ဏ္ဌာန် တော် ကို ပယ် ပြီး လျင်၊

Judson Bible

⁶ ထို​သ​ခင်​သည် ဘု​ရား​သ​ခင်၏ သ​ဏ္ဌာန်​တော်​နှင့် ပြည့်​စုံ​တော်​မူ​သည်​ဖြစ်၍၊ ဘု​ရား​သ​ခင်​နှင့် ပြိုင်​သော​အ​မှု​ကို လု​ယူ​ခြင်း​အ​မှု​ဟူ၍ မ​ထင်​မ​မှတ်​လျက်​ပင်၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ ခရစ်တော်​သည် ဘုရားသခင်​၏​အသွင်​သဏ္ဌာန်​ရှိ​သော်လည်း ဘုရားသခင်​နှင့်​တန်းတူ​ဖြစ်​ခြင်း​ကို ဆုပ်ကိုင်​ထား​ရ​မည့်​အရာ​ဟု မ​မှတ်ယူ​ဘဲ

ဖိ​လိပ္ပိ 2:6 Referencias Cruzadas

မဿဲ 1:23

ဗျာဒိတ်တော်​စကား​မှာ “အပျိုစင်​တစ်ဦး​သည် ကိုယ်ဝန်ဆောင်​၍ သား​ယောက်ျား​ကို မွေးဖွား​လိမ့်မည်။ ထို​သား​ကို ဧမာနွေလ​ဟု ခေါ်ဝေါ်ကြ​လိမ့်မည်” ဟူ၍ ဖြစ်၏။ ဧမာနွေလ​၏ အနက်အဓိပ္ပာယ်​မှာ “ကျွန်ုပ်တို့​နှင့်အတူ​ရှိတော်မူသော​ဘုရားသခင်” ဟူ၍ ဖြစ်၏။

ရှင်ယောဟန် 1:18

ဘုရားသခင်​ကို မည်သူ​မျှ မမြင်ဖူးချေ။ သို့သော် ခမည်းတော်​၏ ရင်ခွင်တော်​၌ ရှိသည့် တစ်ပါးတည်းသော​သားတော်​သည် ဘုရားသခင်​ကို ကျွန်ုပ်တို့​သိမြင်​နိုင်ရန် ဖော်ပြတော်မူပြီ။

ရှင်ယောဟန် 10:30

ခမည်းတော်​နှင့် ငါ​သည် တစ်သားတည်း​ဖြစ်၏” ဟု မိန့်တော်မူ၏။

ရှင်ယောဟန် 10:33

ဂျူးတို့​က “ကောင်းသော​အမှု​ကို သင်​ပြု​သောကြောင့် သင့်​ကို ခဲ​နှင့် ပေါက်သတ်မည်​မဟုတ်။ သင်​သည် သာမန်လူ​ဖြစ်လျက်​နှင့်​ပင် သင့်​ကိုယ်​သင် ဘုရားသခင်​အဖြစ် ကြွေးကြော်​၍ ဘုရားသခင်​ကို စော်ကား​သောကြောင့် ခဲ​နှင့်​ပေါက်သတ်မည်” ဟု ဆိုကြ၏။

ရှင်ယောဟန် 10:38

ငါ​လုပ်ဆောင်​ပါက ငါ့​ကို မယုံ​သော်လည်း ငါ​လုပ်ဆောင်ခဲ့သော​အမှုတော်တို့​ကို ယုံလော့။ ထိုသို့ ယုံကြည်​လျှင် ခမည်းတော်​သည် ငါ​၌ တည်တော်မူသည်​ကို​လည်းကောင်း၊ ငါ​သည် ခမည်းတော်​၌ တည်သည်​ကို​လည်းကောင်း သင်တို့​သိကြ​လိမ့်မည်” ဟု မိန့်တော်မူ၏။

ရှင်ယောဟန် 14:28

‘ယခု ငါ​သွားမည်။ သို့သော် သင်တို့​ထံသို့ ပြန်လာ​ဦးမည်’ ဟူ၍ ငါ​ပြောခဲ့သော​စကား​ကို သင်တို့​ကြားခဲ့ပြီ။ သင်တို့​သည် ငါ့​ကို အမှန်တကယ်​ချစ်​လျှင် ငါ့​ထက် ပို​၍ ကြီးမြတ်သော​ခမည်းတော်​ထံသို့ ငါ​သွားသည့်​အတွက် ဝမ်းမြောက်ကြ​လိမ့်မည်။

ရှင်ယောဟန် 14:9

ယေရှု​က “ဖိလိပ္ပု… ငါ​သည် သင်​နှင့်အတူ အမြဲ​ရှိနေခဲ့​ပါလျက်​နှင့် ငါ​မည်သူ​ဖြစ်သည်​ကို ယခု​တိုင်အောင် မသိသေးသလော။ ငါ့​ကို မြင်သောသူ​သည် ခမည်းတော်​ကို မြင်၏။ သို့ဖြစ်လျှင် သင်​သည် ခမည်းတော်​ကို အကျွန်ုပ်တို့​အား ပြပါ​ဟု အဘယ်ကြောင့်​ဆိုသနည်း။

ရှင်ယောဟန် 17:5

အို အဖ… ကမ္ဘာ​မတည်ရှိ​မီက ကိုယ်တော်​နှင့်အတူ အကျွန်ုပ်​ရရှိသော ဘုန်းအသရေ​ဖြင့် အကျွန်ုပ်​ကို ရှေ့တော်​၌ ယခု​ဘုန်းကြီးစေတော်မူပါ။

ရှင်ယောဟန် 20:28

သောမ​က “အကျွန်ုပ်​၏​သခင်… အကျွန်ုပ်​၏​ဘုရား​ပင် ဖြစ်ပေ၏” ဟု ပြန်၍​လျှောက်၏။

ရှင်ယောဟန် 5:18

ထိုအခါ ဂျူး​ခေါင်းဆောင်တို့​က ယေရှု​ကို သတ်​ရန် ပို၍​အားထုတ်ကြ၏။ အဘယ်ကြောင့်ဆိုသော် ယေရှု​သည် ဥပုသ်​စည်းကမ်း​ကို ချိုးဖောက်သည်​သာမက ဘုရားသခင်​ကိုလည်း ခမည်းတော်​ဟု ခေါ်​၍ မိမိ​ကိုယ်​မိမိ ဘုရား​နှင့် တန်းတူထားတော်မူ​သောကြောင့်​ဖြစ်၏။

ရော​မ 9:5

အာဗြဟံ၊ ဣဇာက်​နှင့် ယာကုပ်​တို့​သည် သူတို့​၏ ဘိုးဘေးများ​ဖြစ်၏။ ခရစ်တော်​ကိုယ်တိုင်​သည်လည်း လူသား​အနေဖြင့် သူတို့​၏ အမျိုး​ဖြစ်၏။ ခရစ်တော်​သည် အရာခပ်သိမ်း​ကို အုပ်စိုး​၍ ထာဝရ​မင်္ဂလာရှိသော ဘုရားသခင်​လည်း ဖြစ်တော်မူ၏။ အာမင်။

၂ ကော 4:4

ဤ​လောက​၏ ဘုရား​ဖြစ်သော စာတန်​သည် မယုံကြည်သောသူတို့​၏ စိတ်နှလုံး​ကို ကွယ်စေခဲ့၏။ ထို့ကြောင့် သူတို့​သည် ဘုရားသခင်​၏ ပုံသဏ္ဌာန်တော်​ဖြစ်သည့် ခရစ်တော်​၏ ဘုန်းအသရေ​နှင့်​ပြည့်စုံသော သတင်းကောင်း​၏​အလင်း​ကို မမြင်နိုင်ခြင်း​ဖြစ်၏။

၂ ကော 8:9

ကျွန်ုပ်တို့​သခင်​ယေရှု​ခရစ်တော်​၏ ကျေးဇူးတော်​ကို သင်တို့​သိကြ၏။ ကိုယ်တော်​သည် ချမ်းသာ​သော်လည်း သင်တို့​၏ အကျိုး​ကို​ထောက်​၍ ဆင်းရဲ​ခံတော်မူ၏။ ထိုသို့​ဆင်းရဲ​ခံတော်မူခြင်း​မှာ သင်တို့ ချမ်းသာလာ​စေရန် ဖြစ်၏။

၁ တိ 1:17

ထာဝရ​ဘုရင်​ဖြစ်တော်မူသော၊ ထာဝရ​အသက်ရှင်တော်မူသော၊ လူ့​မျက်စိ​ဖြင့် မမြင်နိုင်သော၊ တစ်ဆူတည်းသော ဘုရားသခင်​သည် ကမ္ဘာ​အဆက်ဆက် ဂုဏ်သရေ၊ ဘုန်းသရေ ရှိတော်မူပါစေသော။ အာမင်။

၁ တိ 3:16

ကျွန်ုပ်တို့​၏ ယုံကြည်ခြင်း​တရား နက်နဲ​ဆန်းကြယ်ပုံ​သည် အမှန်တကယ်​ကြီးမြတ်​လှ၏။ သခင်ဘုရား​သည် လူသား​အဖြစ် ကြွလာတော်မူခဲ့ပြီး ဘုရားသခင်​၏ သားတော် စစ်မှန်ကြောင်း ဝိညာဉ်တော်​အားဖြင့် ဖော်ပြခြင်း​ခံရတော်မူ၏။ ကိုယ်တော်​ကို ကောင်းကင်တမန်တို့ မြင်ကြ၏။ ကိုယ်တော်​အကြောင်း​ကို လူမျိုးခြားတို့​ထံ ဟောပြောကြ၏။ ကိုယ်တော်​ကို ကမ္ဘာလောကသားတို့ ယုံကြည်ကြ၏။ ကိုယ်တော်​ကို ဘုန်းအသရေ​နှင့်တကွ ကောင်းကင်ဘုံ​သို့ ဘုရားသခင်​ခေါ်ယူတော်မူ၏။

တိ​တု 2:13

တစ်ချိန်တည်း​မှာပင် ကျွန်ုပ်တို့​သည် ကြီးမြတ်သည့်​ဘုရားသခင်​ဖြစ်တော်မူသော ကယ်တင်ရှင် ယေရှု​ခရစ်တော် ဘုန်းအသရေ​နှင့် ကြွလာမည့် မင်္ဂလာ​ရက်မြတ်​ကို စောင့်မျှော်နေကြ၏။

ဟေ​ဗြဲ 1:3

သားတော်​သည် ဘုရားသခင်​၏ ဘုန်းရောင်ခြည်​နှင့် ထွန်းတောက်​လျက်​ရှိပြီး ဘုရားသခင်​၏ စစ်မှန်သည့် စရိုက်​လက္ခဏာ​ကို ထင်ရှားစေတော်မူ၏။ ကိုယ်တော်​သည် မိမိ​၏​တန်ခိုးကြီးသော အမိန့်တော်​ဖြင့် အရာ​အားလုံး​ကို တည်တံ့​စေတော်မူ​ကာ လောကီသားတို့​၏ အပြစ်များ​ကို ဖယ်ရှား​ပြီးနောက် အထက်​ကောင်းကင်ဘုံ​၌ ဘုန်းကြီးသော​တန်ခိုးရှင်​၏ လက်ယာတော်​ဘက်​၌ ထိုင်တော်မူ၏။

ဟေ​ဗြဲ 1:6

ဘုရားသခင်​သည် မိမိ​၏​သားဦး​ကို ဤ​လောက​သို့ စေလွှတ်တော်မူ​သောအခါ “ဘုရားသခင်​၏ ကောင်းကင်တမန်​အားလုံးတို့​သည် ထို​အရှင်​ကို ကိုးကွယ်​ရမည်” ဟု မိန့်တော်မူ၏။

ဟေ​ဗြဲ 1:8

သို့သော် သားတော်​နှင့် ပတ်သက်၍ “အို ဘုရားသခင်… ကိုယ်တော်​၏​ရာဇပလ္လင်​သည် ထာဝရ​တည်တံ့၏။ ကိုယ်တော်​၏​နိုင်ငံတော်​သည် တရားမျှတမှု​ဖြင့် အုပ်စိုးသော​နိုင်ငံ ဖြစ်ပါ၏။

ဟေ​ဗြဲ 13:8

ယေရှု​ခရစ်တော်​သည် မနေ့၊ ယနေ့၊ နောင်​ကာလ အစဉ်​မပြောင်းလဲဘဲ ရှိတော်မူ၏။

ဗျာ​ဒိတ် 21:6

ကိုယ်တော်​က “အမှု​ပြီးပြီ။ ငါ​သည် အာလဖာ​နှင့် အိုမီဂါ၊ အစဦးဆုံးသောသူ​နှင့် နောက်ဆုံးသောသူ​ဖြစ်၏။ ရေငတ်သော​သူ​အား အသက်​စမ်းရေ​ကို အခမဲ့ ငါ​ပေးမည်။