ဖိ​လိပ္ပိ 1:6 - ခေတ်သစ်​မြန်မာ သမ္မာကျမ်း

⁶ သင်တို့​အထဲ​တွင် ကောင်းသော​အမှု​ကို စတင်​ဆောင်ရွက်​တော်မူသော ဘုရားသခင်​သည် ယေရှု​ခရစ်တော် ပြန်ကြွလာသည့် နေ့ရက်​တိုင်အောင် ထို​အမှု​ကို ပြီးမြောက်သည်​အထိ ဆက်​၍ ပြုတော်မူမည်​ဟု ကျွန်ုပ်​စိတ်ချ​ယုံကြည်ပါ၏။

Common Language Bible

⁶ သို့​ဖြစ်​၍​သင်​တို့​တွင်​ဤ​ကောင်း​မြတ်​သည့်​အ​မှု ကို​စ​တင်​ပြု​တော်​မူ​သော​ဘု​ရား​သ​ခင်​သည် ခ​ရစ်​တော်​ယေ​ရှု​၏​နေ့​ရက်​မ​တိုင်​မီ​ထို​အ​မှု ကို​ပြီး​စီး​သည့်​တိုင်​အောင်​ပြု​တော်​မူ​လိမ့်​မည် ဟု​ငါ​ယုံ​ကြည်​စိတ်​ချ​၏။-

Judson Bible

⁶ သင်​တို့​တွင် ကောင်း​သော​အ​မှု​ကို ပြု​စ​ပြု​တော်​မူ​သော​သူ​သည်၊ ယေ​ရှု​ခ​ရစ်၏ နေ့​ရက်​တိုင်​အောင် ပြီး​စီး​လျက် ပြု​တော်​မူ​မည်​ဟု ငါ​သ​ဘော​ကျ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

⁶ သင်​တို့​၌ ကောင်း​သော​အမှု​ကို​အစပြု​ခဲ့​သော​အရှင်​သည် ခရစ်တော်​ယေရှု​၏​နေ့ရက်​တိုင်အောင် ထို​အမှု​ကို ပြီးမြောက်​စေ​တော်မူ​လိမ့်မည်​ဟု ငါ​ယုံကြည်​စိတ်ချ​၏။

ဖိ​လိပ္ပိ 1:6 Referencias Cruzadas

ရှင်ယောဟန် 6:29

ယေရှု​က “သင်တို့​ထံမှ ဘုရားသခင်​အလိုရှိတော်မူသော အမှုတော်​မှာ မိမိ​စေလွှတ်တော်မူသော​သူ​ကို ယုံကြည်ခြင်း​ပင် ဖြစ်သည်” ဟု ဖြေတော်မူ၏။

တမန်တော်ဝတ္ထု 11:18

ဤ​အကြောင်းအရာများ​ကို ထို​သူတို့​ကြားရ​သောအခါ ငြိမ်သက်သွားကြပြီး “ဤသို့​ဆို​လျှင် ဘုရားသခင်​သည် လူမျိုးခြားတို့​အား ထာဝရ​အသက်ရှင်​စေရန်​နောင်တရခြင်း​အခွင့်​ကို ပေးသနားတော်မူပြီ” ဟု ဆို​၍ ဘုရားသခင်​ကို ချီးမွမ်းကြ၏။

တမန်တော်ဝတ္ထု 16:14

သွာတိရမြို့​မှ ဘုရားသခင်​ကို ကိုးကွယ်သော လုဒိ​အမည်ရှိ အမျိုးသမီး​တစ်ဦး​သည် ကျွန်ုပ်တို့​ပြောသော​အရာများ​ကို နားထောင်​လျက်​နေ၏။ သူ​သည် ခရမ်းရောင်​အထည်များ​ကို ရောင်းသောသူ​ဖြစ်၏။ ပေါလု​ဟောပြောသော စကားများ​ကို အာရုံစိုက်​နားထောင်​ရန်​အတွက် သူ​၏​စိတ်နှလုံး​ကို ဘုရားသခင်​သည် ဖွင့်ပေးတော်မူ၏။

၁ ကော 1:8

ကျွန်ုပ်တို့​၏​သခင် ယေရှု​ခရစ်တော် ပြန်လည်​ကြွလာတော်မူမည့်​နေ့​တွင် သင်တို့​၌ အပြစ်​ကင်းနေ​စေရန်​အတွက် ကိုယ်တော်​သည် သင်တို့​ကို အဆုံး​တိုင်အောင် ခိုင်ခံ့မြဲမြံ​စေတော်မူ​လိမ့်မည်။

၂ ကော 1:15

ထိုသို့ သင်တို့​သိကြ​လိမ့်မည်​ဟု စိတ်ချယုံကြည်​သောကြောင့် ကျွန်ုပ်​သည် သင်တို့​ထံသို့ နှစ်ကြိမ် လည်ပတ်​၍ နှစ်ဆသော​ကောင်းချီး​ကို ပေးလို၏။

၂ ကော 2:3

ထို့ကြောင့် ကျွန်ုပ်​ရောက်လာ​သောအခါ ကျွန်ုပ်​ကို ဝမ်းမြောက်​စေရမည့်​သူများ​က ကျွန်ုပ်​ကို ဝမ်းနည်း​စေမည်​စိုး​သဖြင့် ယခင်​စာ​ကို ရေးပို့ခဲ့ခြင်း​ဖြစ်၏။ ကျွန်ုပ် ဝမ်းမြောက်​လျှင် သင်တို့​အားလုံး​သည်လည်း ဝမ်းမြောက်ကြမည်​ဟု ကျွန်ုပ်​စိတ်ချ​ယုံကြည်ပါ၏။

၂ ကော 7:16

ကျွန်ုပ်​သည် သင်တို့​ကို အရာရာ​၌ ယုံကြည်စိတ်ချရ​သောကြောင့် ဝမ်းမြောက်၏။

၂ ကော 9:4

ထိုသို့​မဟုတ်ဘဲ မာကေဒေါနိပြည်သား​တချို့​သည် ကျွန်ုပ်​နှင့်အတူ သင်တို့​ထံ​ရောက်လာ​၍ သင်တို့​၌ အသင့်​ပြင်ဆင်ထားခြင်း​မရှိသည်​ကို တွေ့ရ​လျှင် သင်တို့​သာမက ဤ​အမှု​၌ သင်တို့​ကို စိတ်ချယုံကြည်ထားသော ကျွန်ုပ်တို့​သည်လည်း အရှက်ကွဲရကြ​လိမ့်မည်။

ဂ​လာ​တိ 5:10

ကျွန်ုပ်​အယူ​နှင့် ကွဲလွဲသော​အယူ​ကို သင်တို့​လက်ခံမည်​မဟုတ်ကြောင်း သခင်ဘုရား​သည် ကျွန်ုပ်​ကို ယုံကြည်​စိတ်ချစေတော်မူ၏။ သင်တို့​ကို စိတ်ရှုပ်ထွေးစေသော​သူ မည်သူမဆို ပြစ်ဒဏ်​စီရင်ခံရမည်။

ဧ​ဖက် 4:12

သူတို့​၏​တာဝန်​သည် ခရစ်တော်​၏ ကိုယ်ခန္ဓာ ဟူသော အသင်းတော်​ကို တည်ဆောက်​နိုင်ရန်​အတွက် ယုံကြည်သူတို့​ကို အမှုတော်လုပ်ငန်း​အတွက် ပြင်ဆင်ပေးခြင်း ဖြစ်၏။

ဖိ​လိပ္ပိ 1:10

ဤသည်​မှာ သင်တို့​သည် အကောင်းဆုံး​ဖြစ်သော​အရာ​ကို ပိုင်းခြားသိမြင်​နိုင်​၍ ခရစ်တော် ပြန်ကြွလာမည့်​နေ့​တိုင်အောင် ဖြူစင်​ရိုးသား​ပြီး အပြစ်ဆိုဖွယ်​မရှိ​စေရန် ဖြစ်၏။

ဖိ​လိပ္ပိ 1:29

ကျွန်ုပ်​ရင်ဆိုင်ခဲ့ရသော ဆန့်ကျင်​တိုက်ခိုက်မှု​ကို သင်တို့​မြင်တွေ့ခဲ့ရပြီး လက်ရှိ​၌လည်း ကျွန်ုပ်​ရင်ဆိုင်​နေရကြောင်း သင်တို့​ကြားသိရသည့် ထို​ဆန့်ကျင်​တိုက်ခိုက်မှု​မျိုး​ကို သင်တို့​ရင်ဆိုင်​နေရ၏။ အဘယ်ကြောင့်ဆိုသော် သင်တို့​သည် ခရစ်တော်​ကို ယုံကြည်​ရမည့် အခွင့်ထူး​ကို သာမက ခရစ်တော်​အတွက် ဆင်းရဲ​ဒုက္ခ​ခံ​ရမည့် အခွင့်ထူး​ကိုလည်း ဘုရားသခင်​ထံမှ ရရှိထား​သောကြောင့် ဖြစ်၏။

ဖိ​လိပ္ပိ 2:12

ထို့ကြောင့် ချစ်ရသော​သူတို့… သင်တို့​သည် ကျွန်ုပ်​သင်တို့​နှင့်အတူ ရှိသော​အချိန်​၌​သာမက အထူး​သဖြင့် ယခု​ကျွန်ုပ်​မရှိသော​အချိန်​၌လည်း ဘုရားသခင်​ကို အမြဲတစေ နာခံခဲ့ကြ၏။ ထို​နည်းတူ ကြောက်ရွံ့​ရိုသေသော​စိတ်​ဖြင့် မိမိတို့​သည် ကယ်တင်​ခံရပြီးသော​သူများ​ဖြစ်ကြောင်း ပေါ်လွင်​စေရန် ကြိုးစား​အားထုတ်ကြလော့။

ဖိ​လိပ္ပိ 2:13

အဘယ်ကြောင့်ဆိုသော် ဘုရားသခင်​နှစ်သက်စေမည့်​အရာ​ကို ဆောင်ရွက်လိုသော​စိတ်ဆန္ဒ​ရှိရန်​နှင့် ဆောင်ရွက်နိုင်စွမ်း​ရှိရန် သင်တို့​အထဲ​၌ သက်ဝင်လှုပ်ရှားနေသော​အရှင်​သည် ဘုရားသခင်​ဖြစ်တော်မူ​သောကြောင့်​ဖြစ်၏။

ဖိ​လိပ္ပိ 2:16

ထာဝရ​အသက်​ကို ပေးသည့် နှုတ်ကပတ်​တရားတော်​ကို မြဲမြံ​စွာ စွဲကိုင်ကြလော့။ ထိုသို့ ပြု​လျှင် ကျွန်ုပ်​ကြိုးစားအားထုတ်​၍ လုပ်ဆောင်ခဲ့​သမျှ​သည် အချည်းနှီး​မဟုတ်​သောကြောင့် ခရစ်တော်​ပြန်ကြွလာသည့်​အချိန်​၌ ဂုဏ်ယူ​ဝင့်ကြွား​နိုင်​လိမ့်မည်။

ကော​လော​သဲ 2:12

သင်တို့​သည် နှစ်ခြင်း​မင်္ဂလာ​ခံယူခြင်း​ဖြင့် ထို​သခင်​နှင့်အတူ သင်္ဂြိုဟ်ခံရကြ၏။ ခရစ်တော်​ကို သေခြင်း​မှ ရှင်ပြန်ထမြောက်စေတော်မူသော ဘုရားသခင်​၏ တန်ခိုးတော်​ကို ယုံကြည်​သဖြင့် သင်တို့​သည် ခရစ်တော်​နှင့်အတူ ထမြောက်စေတော်မူခြင်း​ကို ခံကြရ၏။

၂ သက် 1:11

ထို့ကြောင့် ကျွန်ုပ်တို့​ဘုရားသခင်​သည် သင်တို့​ကို ခေါ်တော်မူခြင်း​နှင့် ထိုက်တန်သူများ​ဖြစ်စေတော်မူ​ရန် သင်တို့​အတွက် ကျွန်ုပ်တို့​အစဉ် ဆုတောင်းကြ၏။ သင်တို့​သည် ကိုယ်တော်​၏ တန်ခိုးတော်​ကြောင့် ကောင်းမှု​ပြုလိုသော​ဆန္ဒ​နှင့် ယုံကြည်ခြင်း​က လှုံ့ဆော်သော​အမှု​ကို ပြီးမြောက်​စေတော်မူ​ရန် ကျွန်ုပ်တို့​ဆုတောင်း၏။

၂ သက် 3:4

သင်တို့​သည် ကျွန်ုပ်တို့​၏ ညွှန်ကြားချက်များ​ကို ယခု လုပ်ဆောင်​နေ​သကဲ့သို့ ဆက်​၍​လည်း လုပ်ဆောင်မည်​ဟု သခင်ဘုရား​က ကျွန်ုပ်တို့​ကို ယုံကြည်စိတ်ချ​စေတော်မူ၏။

ဖိ​လေ​မုန် 1:21

သင်​သည် ကျွန်ုပ်​၏​တောင်းဆိုမှု​ကိုပင် ကျော်လွန်​၍ နာခံ​လုပ်ဆောင်မည်​ဟု စိတ်ချယုံကြည်​လျက် သင့်​ထံ ကျွန်ုပ်​စာရေးလိုက်၏။

ဟေ​ဗြဲ 10:35

ထို့ကြောင့် သခင်ဘုရား​အပေါ် သင်တို့​၏ စိတ်ချယုံကြည်မှု​ကို မစွန့်ပစ်ကြနှင့်။ ၎င်း​သည် သင်တို့​အား ကြီးမားသော​ဆုလာဘ်​ကို ခံစားစေ​လိမ့်မည်။

ဟေ​ဗြဲ 12:2

ကျွန်ုပ်တို့​၏​ယုံကြည်ခြင်း​ကို စတင်​ဖြစ်တည်စေ​၍ ပြီးပြည့်စုံစေသော ယေရှု​၏​အကြောင်း​ကို အစဉ်​တွေးတော​ဆင်ခြင်ကြစို့။ ကိုယ်တော်​သည် မိမိ​ရှေ့​၌ရှိသော ဝမ်းမြောက်စရာ​အကြောင်း​ကြောင့် အရှက်​ကို မှတ်ယူတော်မမူဘဲ လက်ဝါးကပ်တိုင်​၏​ဝေဒနာ​ကို သည်းခံတော်မူ၏။ ယခု​တွင်မူ ဘုရားသခင်​၏ ရာဇပလ္လင် လက်ယာတော်​ဘက်​၌ ထိုင်တော်မူ၏။

၁ ပေ 5:10

သို့သော် ဘုရားသခင်​သည် သင်တို့​ကို ခရစ်တော်​နှင့် တပေါင်းတစည်းတည်း​ဖြစ်​စေလျက် မိမိ​၏​ထာဝရ​တည်သော​ဘုန်းအသရေတော်​ကို မျှဝေ​ခံစား​စေရန် ရွေးကောက်တော်မူ၏။ ထို​ကျေးဇူးတော်​အပေါင်း​၏​အရှင် ဘုရားသခင်​ကိုယ်တော်တိုင်​သည် ခဏတာ ဆင်းရဲဒုက္ခ​ခံပြီးသော သင်တို့​အား ပြီးပြည့်စုံစေ​၍ ကြံ့ကြံ့ခိုင် ရပ်တည်​မြဲမြံစေတော်မူ​လိမ့်မည်။

၂ ပေ 3:10

သို့သော် ထာဝရဘုရား​၏​နေ့ရက်​သည် သူခိုး​ကဲ့သို့ ရောက်လာ​လိမ့်မည်။ ကောင်းကင်​သည် မြည်ဟည်း​၍ ပျောက်ကွယ်​လိမ့်မည်။ လောကဓာတ်တို့​သည် အလွန်​ပူပြင်း​၍ ပျက်ပြယ်သွားကြ​လိမ့်မည်။ ကမ္ဘာ​မြေကြီး​နှင့် ကမ္ဘာမြေ​ပေါ်တွင် ပြုလုပ်ထား​သမျှ အရာ​အားလုံး​သည် ပျောက်ကွယ်သွား​လိမ့်မည်။