ကော​လော​သဲ 2:11 - ခေတ်သစ်​မြန်မာ သမ္မာကျမ်း

¹¹ သင်တို့​သည် ခရစ်တော်​နှင့် တပေါင်းတစည်းတည်း ဖြစ်​သောကြောင့် လူ့​လက်​ဖြင့် ပြုလုပ်ရသော အရေပြားလှီးခြင်း မဟုတ်ဘဲ ခရစ်တော် ပြုလုပ်သော အရေပြားလှီးခြင်း​ကို ခံယူကြ၏။ ခရစ်တော်​သည် သင်တို့​၏ လူ့​ဗီဇစိတ် အပြစ်​ကို ဖယ်ရှား​ပြီး

Common Language Bible

¹¹ ကိုယ်​တော်​နှင့်​တစ်​လုံး​တစ်​ဝ​တည်း​ဖြစ်​လာ​ကြ သော​အ​ခါ သင်​တို့​ဇာ​တိ​သ​ဘော​တ​ရား​မှ လွတ်​မြောက်​ခြင်း​တည်း​ဟူ​သော​ခ​ရစ်​တော်​၏ အ​ရေ​ဖျား​လှီး​မင်္ဂ​လာ​ကို​ခံ​ယူ​ကြ​ပေ​သည်။ ဤ​အ​ရေ​ဖျား​လှီး​မင်္ဂ​လာ​ကား​ကာ​ယ​နှင့် ဆိုင်​သော​အ​ရေ​ဖျား​လှီး​ခြင်း​မ​ဟုတ်။-

Garrad Bible

^11-12 ထို အ ရှင် အား ဖြင့် လည်း သင် တို့ သည် ဗ တ္တိ ဇံ မင်္ဂ လာ ခံ ရာ၌ ကိုယ် တော် နှင့် အ တူ သင်္ဂြိုဟ် ခံ၍ သူ သေ တို့ အ ထဲ မှ ကိုယ် တော် ကို ရှင် ပြန် ထ မြောက် စေ တော် မူ သော ဘု ရား သ ခင့် တန် ခိုး တော် အား ယုံ ကြည် ခြင်း ကြောင့် အ တူ ရှင် ပြန် ထ မြောက် ပြီး ဖြစ် ကြ သည် နှင့် အ ညီ လူ့ လက် ဖြင့် မ ဟုတ်၊ ရုပ် တ ရား တစ် ခ န္ဓာ လုံး ကို ချွတ် ပယ် ခြင်း တည်း ဟူ သော ခ ရစ် တော့် ဆိုင် ရာ လှီး ဖြတ် ခြင်း မင်္ဂ လာ ကို ခံ ရ ကြ ပြီ။

Judson Bible

¹¹ ခ​ရစ်​တော်၏ အ​ရေ​ဖျား​လှီး​ခြင်း​အား​ဖြင့် ဇာ​တိ​ပ​က​တိ​အ​ပြစ်၏ ကိုယ်​ကို​ပယ်​ရှင်း၍၊ လက်​ဖြင့်​မ​လုပ်​သော အ​ရေ​ဖျား​လှီး​ခြင်း​ကို ထို​သ​ခင်၌ သင်​တို့​သည် ခံ​ကြ​သည်​ဖြစ်၍၊-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹¹ ခရစ်တော်​နှင့်ဆိုင်သော​အရေဖျား​လှီး​ခြင်း​အားဖြင့် သွေးသား​ဇာတိ​နှင့်ဆိုင်သော​ကိုယ်ခန္ဓာ​ကို​ချွတ်ပယ်​၍ လူ့​လက်​ဖြင့်​မ​ဟုတ်​သော​အရေဖျား​လှီး​ခြင်း​ကို ထို​သခင်​၌​ခံယူ​ကြ​၏။

ကော​လော​သဲ 2:11 Referencias Cruzadas

ရှင်မာကု 14:58

“ဤ​သူ​က ‘လူ့​လက်​ဖြင့် ဆောက်လုပ်သော ဤ​ဗိမာန်တော်​ကို ငါ​ဖြိုဖျက်​၍ လူ့​လက်​ဖြင့် မဆောက်လုပ်သော ဗိမာန်တော်​ကို သုံးရက်​အတွင်း ငါ​တည်ဆောက်မည်’ ဟူ၍ ပြောဆိုသည်​ကို အကျွန်ုပ်တို့ ကြားရပါသည်” ဟု မဟုတ်မမှန်​ထွက်ဆိုကြ၏။

လုကာ 2:21

ရှစ်ရက်​ပြည့်​သောအခါ သူငယ်​ကို အရေပြားလှီးခြင်း​မင်္ဂလာ​ပေး​၍ ယေရှု​ဟု အမည်ပေးကြ၏။ ထို​အမည်​မှာ ကိုယ်ဝန်မဆောင်မီ​ကပင် ကောင်းကင်တမန်​ပေးထားသော​အမည် ဖြစ်၏။

တမန်တော်ဝတ္ထု 17:24

ဘုရားသခင်​သည် ကမ္ဘာလောက​နှင့်တကွ ကမ္ဘာပေါ်​တွင် ရှိသမျှသော​အရာတို့​ကို ဖန်ဆင်းတော်မူ​၍ ကောင်းကင်​နှင့်​မြေကြီး​တို့​၏​အရှင်သခင်​ဖြစ်သောကြောင့် လူ့​လက်​ဖြင့် ဆောက်လုပ်သော ဘုံဗိမာန်တို့​တွင် စံမြန်းတော်မမူ။

တမန်တော်ဝတ္ထု 7:48

သို့သော် အမြင့်မြတ်ဆုံးသော​ဘုရား​သည် လူသားတို့​လက်​ဖြင့် ဆောက်လုပ်သော​အိမ်တော်​တွင် မစံမြန်းပေ။ ထိုသို့ ထာဝရဘုရား​က ပရောဖက်​တစ်ပါး​အားဖြင့် ဟောသည်​မှာ

ရော​မ 2:29

ဂျူးလူမျိုး​အစစ်အမှန်​မှာ ဘုရားသခင်​ရှေ့တော်​တွင် အတွင်း​စိတ်နှလုံး​မှန်ကန်သော​သူ​ဖြစ်၏။ စစ်မှန်သော အရေပြားလှီးခြင်း​မင်္ဂလာ​သည်လည်း စာ​ဖြင့်​ရေးထားသော​ပညတ်တရား​အားဖြင့်​မဟုတ်ဘဲ ဝိညာဉ်တော်​အားဖြင့် စိတ်နှလုံး​၌​အရေပြားလှီးခြင်း​ဖြစ်၏။ ထိုသို့သော​သူ​သည် လူတို့​ထံမှ​မဟုတ်ဘဲ ဘုရားသခင်​ထံမှ​လာသော ချီးမွမ်းခြင်း​ကို​ခံရ၏။

ရော​မ 6:6

ကျွန်ုပ်တို့​၏​ဘဝ​တွင် အပြစ်တရား​၏ ကြီးစိုးခြင်း​ကို ဖျက်ဆီး​ရန်​အတွက် အပြစ်ရှိသော ကျွန်ုပ်တို့​၏ လူဟောင်း​သည် ခရစ်တော်​နှင့်အတူ အသေခံခဲ့ကြောင်း​ကို ကျွန်ုပ်တို့​သိကြ၏။ ထို့ကြောင့် ကျွန်ုပ်တို့​သည် အပြစ်တရား​၏ ကျေးကျွန် မဟုတ်တော့ပေ။

ရော​မ 7:24

ဪ… စိတ်ပျက်ဖွယ်​ကောင်းလေစွ။ သေခြင်းတရား​ကြီးစိုးသော ဤ​ဘဝ​မှ ကျွန်ုပ်​ကို မည်သူ​ကယ်တင်မည်နည်း။

၂ ကော 5:1

ကျွန်ုပ်တို့​၏ ကိုယ်ခန္ဓာ​သည် ဤ​ကမ္ဘာ​ပေါ်တွင် ကျွန်ုပ်တို့​နေထိုင်သော ယာယီ​တဲ​နှင့် တူ၏။ ဤ​ယာယီ​တဲ ပျက်စီးသွား​လျှင် ကောင်းကင်ဘုံ​၌ လူ့​လက်​ဖြင့် မဆောက်လုပ်ဘဲ ဘုရားသခင်​ဖန်ဆင်းတော်မူသည့် ထာဝရ​အိမ်​နှင့် တူသော​ကိုယ်ခန္ဓာ​သစ်​ရှိကြောင်း​ကို ကျွန်ုပ်တို့​သိကြ၏။

၂ ကော 5:17

မည်သူမဆို ခရစ်တော်​နှင့် တပေါင်းတစည်းတည်း​ဖြစ်လျှင် အသစ်​ဖန်ဆင်းခံရသူ​ဖြစ်၏။ ထို​သူ​၏ ဘဝဟောင်း​သည် ပြီးဆုံး​၍ ဘဝသစ်​သည် အစပြု၏။

ဂ​လာ​တိ 2:20

ကျွန်ုပ်​သည် ခရစ်တော်​နှင့်အတူ လက်ဝါးကပ်တိုင်​၌ သတ်ခြင်း​ခံရပြီ။ သို့ဖြစ်၍ ကျွန်ုပ်​သည် အသက်​မရှင်တော့ဘဲ ခရစ်တော်​သာလျှင် ကျွန်ုပ်​ထဲ၌ အသက်ရှင်တော်မူ၏။ ယခု​ကိုယ်ခန္ဓာ​၌ ကျွန်ုပ်​အသက်ရှင်သည်​မှာ ကျွန်ုပ်​ကို ချစ်​၍ ကျွန်ုပ်​အတွက် အသက်ပေးတော်မူသော ဘုရားသခင်​၏ သားတော်​ကို ယုံကြည်ခြင်း​ဖြင့် အသက်ရှင်ခြင်း ဖြစ်၏။

ဂ​လာ​တိ 5:24

ယေရှု​ခရစ်တော်​၏ လူတို့​သည် လူ့​ဗီဇစိတ်​ကို ထို​ဗီဇစိတ်​၏ ပြင်းပြခြင်း၊ တပ်မက်ခြင်း​တို့​နှင့်အတူ လက်ဝါးကပ်တိုင်​ပေါ်တွင် သတ်ကြလေပြီ။

ဧ​ဖက် 4:22

သို့ဖြစ်၍ ဖြားယောင်းတတ်သော အလို​ရမ္မက်များ​ကြောင့် ပျက်စီးယိုယွင်းသည့် သင်တို့​၏ လူဟောင်း ဖြစ်သော ယခင်​ပြုမူနေထိုင်ပုံ​ကို စွန့်လွှတ်ကြလော့။

ဖိ​လိပ္ပိ 3:3

ထို​သူတို့​သည် အရေပြားလှီးခြင်း​မင်္ဂလာ​ကို ခံယူထား​သောကြောင့် မိမိတို့​ကိုယ်ကိုယ် ဘုရားသခင်​၏ လူများ​ဟု ထင်တတ်ကြ၏။ သို့သော် ကျွန်ုပ်တို့​သာလျှင် ဘုရားသခင်​၏ စစ်မှန်သော​လူများ​ဖြစ်ကြ၏။ ကျွန်ုပ်တို့​သည် ဝိညာဉ်တော်​၏ အကူအညီ​ဖြင့် ဘုရားသခင်​ကို ကိုးကွယ်​၍ လူ့​အားထုတ်မှု​အပေါ် အားမကိုးဘဲ ယေရှု​ခရစ်တော် ပြုပေးသော အမှု​အပေါ် အားကိုးကြ၏။

ကော​လော​သဲ 3:5

ထို့ကြောင့် တရား​နှင့်​မညီသော မေထုန်​ပြုခြင်း၊ စက်ဆုပ်​ညစ်ညမ်းခြင်း၊ ကိလေသာ​စိတ် ပြင်းပြခြင်း၊ မကောင်းမှု​ကို တပ်မက်ခြင်း၊ ရုပ်တုကိုးကွယ်ခြင်း​ဟူသော လောဘ​လွန်ကြူးခြင်း စသည့် လောကီ​ဆိုင်ရာ​အကျင့်တို့​ကို အဆက်ဖြတ်ကြလော့။

ဟေ​ဗြဲ 9:11

ခရစ်တော်​သည် ယခု ကျွန်ုပ်တို့​ခံစားရ​သည့် ကောင်းကျိုးများ​နှင့်​သက်ဆိုင်သော ယဇ်ပုရောဟိတ်မင်း​အဖြစ် ကြွလာတော်မူပြီ။ ကိုယ်တော်​သည် ဤ​ကမ္ဘာလောက​ရှိ လူတို့​လက်​ဖြင့် ပြုလုပ်သော တဲတော်​ထက် ပို​၍ ကြီးမြတ်​ပြည့်စုံသည့် ကောင်းကင်ဘုံ​ရှိ တဲတော်​သို့ ဝင်တော်မူ၏။

ဟေ​ဗြဲ 9:24

ခရစ်တော်​သည် စစ်မှန်သော​အရာ​၏ ပုံတူ​သာ​ဖြစ်သည့် လူတို့​လက်​ဖြင့် ပြုလုပ်ထားသော သန့်ရှင်းရာ​ဌာနတော်​ထဲသို့ ဝင်တော်မမူဘဲ ကျွန်ုပ်တို့​ကိုယ်စား ဘုရားသခင်​ရှေ့တော်​၌ ထင်ရှား​ရန် ကောင်းကင်ဘုံ​သို့ ဝင်တော်မူ၏။