ကော​လော​သဲ 1:16 - ခေတ်သစ်​မြန်မာ သမ္မာကျမ်း

¹⁶ အဘယ်ကြောင့်ဆိုသော် သားတော်​သည် ကောင်းကင်​ပေါ်၊ မြေကြီး​ပေါ်၌ ရှိသော မျက်စိ​ဖြင့် မြင်ရသော​အရာ၊ မမြင်ရသော​အရာ​ဟူသမျှ ရာဇပလ္လင်​ဖြစ်စေ၊ အုပ်စိုးပိုင်ခွင့်​ဖြစ်စေ၊ အုပ်ချုပ်မှုများ​ဖြစ်စေ၊ အာဏာစက်များ​ဖြစ်စေ အရာ​အားလုံးတို့​ကို ဖန်ဆင်းတော်မူ​သောကြောင့် ဖြစ်၏။ အရာ​အားလုံး​သည် ထို​သားတော်​အတွက်​လည်းကောင်း၊ ထို​သားတော်​အားဖြင့်​လည်းကောင်း ဖန်ဆင်းခံကြရ၏။

Common Language Bible

¹⁶ အ​ဘယ်​ကြောင့်​ဆို​သော်​ထို​သား​တော်​အား​ဖြင့် ဘု​ရား​သ​ခင်​သည်​ကောင်း​ကင်​လော​က​ရှိ​တန် ခိုး​ရှင်​များ​နှင့် အာ​ဏာ​ပိုင်​များ​အ​ပါ​အ​ဝင် ကောင်း​ကင်​နှင့်​ကမ္ဘာ​မြေ​ပေါ်​ရှိ​မျက်​စိ​ဖြင့် မြင်​နိုင်​သော​အ​ရာ၊ မ​မြင်​နိုင်​သော​အ​ရာ ဟူ​သ​မျှ​ကို​ဖန်​ဆင်း​တော်​မူ​သော​ကြောင့် တည်း။ ဘု​ရား​သ​ခင်​သည်​ထို​သ​ခင်​၏ အ​ဖို့​အ​လို့​ငှါ​ထို​သ​ခင်​အား​ဖြင့်​စ​ကြ ဝ​ဠာ​တစ်​ခု​လုံး​ကို​ဖန်​ဆင်း​တော်​မူ​၏။-

Garrad Bible

¹⁶ နတ် ဘု ရင် များ၊ နတ် မင်း များ၊ အုပ် စိုး ရှင် များ၊ အာ ဏာ ရှင် များ မှ စ၍ ကောင်း ကင် နှင့် မြေ ကြီး ရှိ ရူ ပ၊ အ ရူ ပ အ ရာ ခပ် သိမ်း ကို ကိုယ် တော်၌၊ ကိုယ် တော် ဖြင့်၊ ကိုယ် တော့် အ ဖို့ ဖန် ဆင်း၍ ထား တော် မူ၏။

Judson Bible

¹⁶ အ​ကြောင်း​မူ​ကား၊ ထို​သား​တော်​သည် ကောင်း​ကင်​ပေါ်၊ မြေ​ကြီး​ပေါ်​မှာ​ရှိ​သ​မျှ​သော ရူ​ပ​အ​ရာ၊ အ​ရူ​ပ​အ​ရာ၊ ရာ​ဇ​ပ​လ္လင်​ဖြစ်​စေ၊ အ​စိုး​ရ​ခြင်း​တန်​ခိုး​ဖြစ်​စေ၊ အ​ထွတ်​အ​မြတ်​ဖြစ်​စေ၊ အာ​ဏာ​စက်​ဖြစ်​စေ၊ ခပ်​သိမ်း​သော​အ​ရာ​တို့​ကို ဖန်​ဆင်း​တော်​မူ၏။ ထို​သ​ခင်​အား​ဖြင့်​လည်း​ကောင်း၊ ထို​သ​ခင်​အ​ဖို့ အ​လို​ငှာ​လည်း​ကောင်း၊ ခပ်​သိမ်း​သော​အ​ရာ​တို့​သည် ဖန်​ဆင်း​လျက်​ဖြစ်​ကြ၏။-

မြန်​​​မာ့​​​စံ​​​မီ​​​သမ္မာ​​​ကျမ်း​​

¹⁶ အကြောင်းမူကား ကောင်းကင်​ဘုံ​၌​လည်းကောင်း၊ မြေကြီး​ပေါ်၌​လည်းကောင်း ရှိသမျှ​သော​မြင်​ရ​သည့်​အရာ​နှင့်​မ​မြင်ရ​သည့်​အရာ​များ၊ ရာဇပလ္လင်​များ​ဖြစ်စေ၊ စိုးပိုင်ခွင့်​များ​ဖြစ်စေ၊ အုပ်ချုပ်မှု​များ​ဖြစ်စေ၊ အာဏာစက်​များ​ဖြစ်စေ သား​တော်​အားဖြင့် ဖန်ဆင်း​ခြင်း​ခံရ​၏။ ခပ်သိမ်း​သော​အရာ​တို့​သည် သား​တော်​အားဖြင့်​လည်းကောင်း၊ သား​တော်​အတွက်​လည်းကောင်း ဖန်ဆင်း​ခြင်း​ခံရ​၏။

ကော​လော​သဲ 1:16 Referencias Cruzadas

ရှင်ယောဟန် 1:10

ထို​အရှင်​သည် မိမိ​ဖန်ဆင်း​တော်မူခဲ့သော​ကမ္ဘာလောက​သို့ ကြွလာ၏။ သို့သော်လည်း ကမ္ဘာလောကသားတို့​သည် ထို​အရှင်​ကို မသိကြပေ။

ရှင်ယောဟန် 1:3

ဘုရားသခင်​သည် ထို​နှုတ်ကပတ်တော်​အားဖြင့် အရာ​အားလုံး​ကို ဖန်ဆင်းတော်မူ၏။ ထိုသို့​ဖန်ဆင်းတော်မူခြင်း​နှင့် ကင်းလွတ်သော​အရာ တစ်စုံတစ်ခု​မျှ မရှိပေ။

ရော​မ 11:36

အရာခပ်သိမ်းတို့​သည် ဘုရားသခင်​ထံတော်မှ လာ၏။ အရာခပ်သိမ်းတို့​သည် ဘုရားသခင်​၏ တန်ခိုးတော်​ကြောင့် ဖြစ်တည်၏။ အရာခပ်သိမ်းတို့​သည် ဘုန်းတော်​အတွက်​ဖြစ်ကြ၏။ ဘုရားသခင်​သည် ထာဝရ​ဘုန်းကြီးတော်မူပါစေ။ အာမင်။

ရော​မ 8:38

သေခြင်း​ဖြစ်စေ၊ ရှင်ခြင်း​ဖြစ်စေ၊ ကောင်းကင်တမန်​ဖြစ်စေ၊ နတ်မင်း​ဖြစ်စေ၊ လက်ရှိအရာ​ဖြစ်စေ၊ နောင်​အရာ​ဖြစ်စေ၊ တန်ခိုးအာဏာများ​ဖြစ်စေ၊ အထက်​အရာ​ဖြစ်စေ၊ အောက်​အရာ​ဖြစ်စေ မည်သည့်​ဖန်ဆင်းခံ​ကမျှ ကျွန်ုပ်တို့​၏​သခင် ယေရှု​ခရစ်တော်​အားဖြင့် ရရှိသော ဘုရားသခင်​၏ ချစ်ခြင်းမေတ္တာ​နှင့် ကျွန်ုပ်တို့​ကို ကွဲကွာ​စေနိုင်မည်​မဟုတ်ကြောင်း ကျွန်ုပ်​ယုံကြည်၏။

ရော​မ 9:5

အာဗြဟံ၊ ဣဇာက်​နှင့် ယာကုပ်​တို့​သည် သူတို့​၏ ဘိုးဘေးများ​ဖြစ်၏။ ခရစ်တော်​ကိုယ်တိုင်​သည်လည်း လူသား​အနေဖြင့် သူတို့​၏ အမျိုး​ဖြစ်၏။ ခရစ်တော်​သည် အရာခပ်သိမ်း​ကို အုပ်စိုး​၍ ထာဝရ​မင်္ဂလာရှိသော ဘုရားသခင်​လည်း ဖြစ်တော်မူ၏။ အာမင်။

၁ ကော 8:6

ကျွန်ုပ်တို့​အတွက်​မှာမူ အရာခပ်သိမ်း​ကို ဖန်ဆင်းတော်မူသော အဖ​ဘုရားသခင် တစ်ဆူတည်း​သာ​ရှိ၏။ ကျွန်ုပ်တို့​သည် ကိုယ်တော်​အတွက် အသက်ရှင်ကြ၏။ ထို့ပြင် ကျွန်ုပ်တို့​အတွက် ယေရှု​ခရစ်တော်​ဟူသော သခင်​တစ်ပါးတည်း​သာ ရှိ​၍ အရာခပ်သိမ်း​သည် ထို​အရှင်​အားဖြင့် ဖြစ်လာပြီး ကျွန်ုပ်တို့​သည်လည်း ထို​အရှင်​အားဖြင့်​သာ အသက်ရှင်ကြ၏။

ဧ​ဖက် 1:10

ထို​အကြံအစည်တော်​သည် အချိန်ကျ​သောအခါ ကောင်းကင်​နှင့် မြေကြီး​၌ ရှိသမျှသော​အရာ​အားလုံး​ကို ခရစ်တော်​၏ အာဏာစက်​အောက်​၌ ပေါင်းစည်း​စေရန် ဖြစ်၏။

ဧ​ဖက် 6:12

အဘယ်ကြောင့်ဆိုသော် ကျွန်ုပ်တို့​သည် အသွေးအသား ရှိသောသူတို့​နှင့် ရင်ဆိုင်​တိုက်ခိုက်နေကြသည် မဟုတ်။ ကောင်းကင်​အရပ်​ရှိ ဝိညာဉ်ဆိုးများ၊ အမှောင်​လောက​ကို အစိုးရသော​မင်းများ၊ အုပ်ချုပ်သူများ၊ အာဏာရှိသူများ​နှင့် ရင်ဆိုင်​တိုက်ခိုက်နေကြခြင်း ဖြစ်၏။

ဖိ​လိပ္ပိ 2:10

ဤသို့​ပြုတော်မူခြင်း​မှာ ကောင်းကင်ဘုံ​၌​လည်းကောင်း၊ မြေကြီး​ပေါ်၌​လည်းကောင်း၊ မြေကြီးအောက်​၌​လည်းကောင်း ရှိကြသည့် သတ္တဝါ​အားလုံး​သည် ယေရှု​ခရစ်တော်​ကို ရိုသေသော​အားဖြင့် ဒူးထောက်​၍

ကော​လော​သဲ 1:15

သားတော်​သည် မျက်စိ​ဖြင့်​မမြင်ရသော ဘုရားသခင်​၏ ပုံသဏ္ဌာန်တော်​ဖြစ်ပြီး ဘုရားသခင်​ဖန်ဆင်းတော်မူ​သမျှသော အရာ​အားလုံး​တွင် သားဦး​ဖြစ်တော်မူ၏။

ကော​လော​သဲ 1:20

လက်ဝါးကပ်တိုင်​၌ သွန်းသော သားတော်​၏​သွေးတော်​ဖြင့် ရန်​ကို ငြိမ်းစေ​၍ ကောင်းကင်ဘုံ​၌​ရှိသော အရာ​ဖြစ်စေ၊ မြေကြီး​ပေါ်​၌​ရှိသော အရာ​ဖြစ်စေ အရာ​အားလုံး​ကို မိမိ​နှင့် ပြန်လည်​သင့်မြတ်​စေရန် အလိုရှိတော်မူ၏။

ကော​လော​သဲ 2:10

သင်တို့​သည် ခရစ်တော်​နှင့် တပေါင်းတစည်းတည်း​ဖြစ်​၍ ပြည့်စုံသော​အနေအထား​သို့ ရောက်လာကြ​သောကြောင့် ဖြစ်၏။ ထို​ခရစ်တော်​သည် အုပ်စိုးမှု​နှင့် အာဏာစက်​အပေါင်းတို့​ကို အစိုးရတော်မူ၏။

ကော​လော​သဲ 2:15

အုပ်စိုးမှု​နှင့် အာဏာစက်များ​၏ တန်ခိုး​ကို ဖယ်ရှား​ပြီးလျှင် လက်ဝါးကပ်တိုင်​တွင် အောင်ပွဲခံ​၍ လူရှေ့​သူရှေ့​တွင် အရှက်​ရစေတော်မူ၏။

ဟေ​ဗြဲ 1:2

ဤ​နောက်ဆုံးသော​နေ့ရက်များ​တွင်​မူ ဘုရားသခင်​သည် မိမိ​သားတော်​မှတစ်ဆင့် ကျွန်ုပ်တို့​အား စကား​ပြောတော်မူ၏။ ဘုရားသခင်​သည် သားတော်​ကို အရာ​အားလုံး​၏ အမွေခံ​ဖြစ်စေတော်မူ​ပြီး ထို​သားတော်​အားဖြင့် စကြဝဠာ​ကို ဖန်ဆင်းတော်မူ၏။

ဟေ​ဗြဲ 2:10

ဘုရားသခင်​သည် အရာခပ်သိမ်း​ကို ဖန်ဆင်း​၍ အုပ်စိုးတော်မူသော​အရှင်​ဖြစ်တော်မူ၏။ ကိုယ်တော်​သည် သားသမီး​များစွာ​ကို ဘုန်းစည်းစိမ်​ခံစား​ရာသို့ ခေါ်ဆောင်လို​သောကြောင့် ထို​သူတို့​ကို ကယ်တင်​ရန် ယေရှု​အား ဆင်းရဲဒုက္ခ​ခံစားစေခြင်း​အားဖြင့် ပြီးပြည့်စုံသော​ကယ်တင်ရှင်​ဖြစ်စေသည်​မှာ သင့်လျော်ပေ၏။

၁ ပေ 3:22

ခရစ်တော်​သည် ကောင်းကင်ဘုံ​သို့ တက်ကြွတော်မူ​ပြီး ဘုရားသခင်​၏​လက်ယာတော်​ဘက်​၌ ထိုင်​လျက် ကောင်းကင်တမန်များ၊ အာဏာစက်များ၊ တန်ခိုးရှင်များ​ကို အုပ်စိုးတော်မူ၏။