Suma ka sariyad’a 17:10 - Bible azumeina

¹⁰ Mika mi dum ala: Ang kak ki sed’enu, ang mbut ma ngat buzuna avo hatanu. An mba ni hang bege d’a hapa dogo dogo bizad’a ki bizad’a, ki baruna ki te mangâ mi. Ma hi Levi máma mi kal avo hatamu.

Suma ka sariyad’a 17:10 Referencias Cruzadas

1 Pierre 5:2

Agi pologi ades tumiyôna hAlona ma mi hagizi abogina. Agi ngomom ki hur ma djivina d’igi Alona mi min na, wani ni kad’enga d’i. Ar agi lagi sun magid’a á fe beged’a d’i, wani ni kur min magid’a.

1 Timote 6:10

Le yam beged’a ni sidei tcho d’a lara ge pet. Kur bege d’a hala suma dingâ a wal lei dei ki he gagazid’a, a nga ki djib’era d’igi azi tchi tazi kat na mi.

Jean 12:6

Mi de hina kayam mi le ni yam suma houd’a d’i, wani kayam mam mi sama kula, bid’im mba gurzud’a nga nabomu, nga mi kul bege d’a azi nga tchugut kura mi.

Matiye 26:15

Mi dazi ala: Le an hagi Jesus abogiya ni, agi mba han ni me ge? A hum bege d’a hapa dok hindi.

Ezekiyel 13:19

Agi nga mbud’un zulona aduk sum mana yam awu ors ma a nga hagizi abogi ngiyeûna kavungô ma mbruka. Ata yima agi nga kagi zlad’a mi man suma a nga hum zla d’a kad’ina, agi nga tchagi suma a ndak nga á tchid’a d’uo na, agi nga aragi suma a ndak á tchid’ina karid’a.

Isai 22:21

An mba ni tchugum baru mang nga ngola atamu, an mba ni djinim d’ik mangâ furumu, an mba ni hum ad’eng manga abom mi. Mam mba mi mbut ni suma Jerusalem-ma abuziya, suma hi Juda-na abuzi mi.

Wana ni mbaktumba hi Job-pa 29:16

An mbut nabud’a hi suma houd’a, an hal ad’u zlad’a hi sama suma a wum nga d’uo na.

2 Amuleina 13:14

Kid’a Elise mi ve tugud’eid’a á matnid’a, Jowas amul ma Israel-lâ mi i gevemu, mi hud’o kä kamu, mi nde tchina ala: Iba! Iba! Pusâ hi Israel-lîna ki suma djangâma!

2 Amuleina 6:21

Ata yima amul ma Israel-lâ mi we azigar ndazina petna, mi djop Elise ala: Abunu, an tchazi woi zu?

1 Samuel 2:36

Sama mba mi ar ad’u andjavangâ, mba mi grif kä avok ma ngat buzu máma á fe bege d’a hapa nde, d’oze avu ma mbruka. Mam mba mi dum ala: An nga ni tchenengû, ang han sunda gen suma ngat buzuna nde, kayam an fe ki tena.

Suma ka sariyad’a 17:11

Ma hi Levi máma hurum min á kak ki Mika. Mika mi golomî d’igi goroma na.

Ad’u Tinda 45:8

Ni agi ba, sununï ka hî d’i, wani nAlona ba, mi mbud’un ma sun ma ngolâ hi Faron-na, mi tinin á te yam suma avo hatama, á te yam Ezipte-na pet mi.

Suma ka sariyad’a 17:9

Mika mi dum ala: Ang tcholï ni lara ge? Mi hulong dum ala: An ni sama ad’u andjafâ hi Levi ma Betelehem-ma yam ambasa hi Juda-d’ina. An nga ni i ata yima lara ma an ndak á i kak kuana.

Suma ka sariyad’a 18:4

Mi dazi ala: Mika mi lan ahlena hina hina, nga mi wuragan beged’a. An mbut ni mam ma ngat buzuna mi.

2 Amuleina 2:12

Ata yima Elise mi we hina na, mi er ad’um akulo ala: Iba! Iba! Pusâ hi Israel-lîna ki suma djangâma! Bugola, mi we Elie d’uo d’a. Kayam ndata, mi ve baru mamba, mi hawât tei aduk mbà.