Ma tchi wala 4:1 - Bible azumeina

¹ An we djop vun ma suma a nga djobom mi suma yam andagad’a ka hina kua. Gola! Suma a nga djobozi vunazina a nga tchiya, sama mba mi d’igilizi irazina mi nga d’i. Suma a nga djobozi vunazi burâ ki burîna a nga kad’enga kaziya, wani sama mi mba á d’igilizi irazina mi nga d’i.

Ma tchi wala 4:1 Referencias Cruzadas

Ma tchi wala 3:16

Wana ni vama an wum yam andagad’a ka hina: Asa’ata ti vrak balum sariya d’a ka d’a irata, asa’ata ti vrak balum d’ingêra mi.

Ma tchi wala 5:8

Djivi d’a yam ambasid’a ni yam suma pet, amulâ pî mi fe djivi mamba ni kur asinena mi.

Isai 5:7

Guguzlud’a hi Ma didin ma ad’engêm kal petnid’a ni Israel-lâ. Guguzlu d’a djivi d’a mam pat ta tam lum djivid’a heî kata ni suma Juda-na. Mi tin hurum ala azi mba le ni sun nda d’ingêra; gol wani, azi nga tchi ni suma! Mi halî d’ingêra; gol wani, mi humî tchi ma hohoud’a zang!

Jacques 5:4

Gola! Agi wuragagi nga beged’a hi suma a le sunda kur asinegina d’i. Wurak mazi d’a kagid’a ki tchina hi suma a nga fet awu maginina, mi kal gak mi nde sä hum Ma didin ma ad’engêm kal petna.

Matiye 26:56

Wani ahle ndazina a le hina pet ná ndak vun b’ira hi suma djok vun Alonid’a memet. Ata yi máma, mam suma hata pet a aramu, a ringâ.

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Hor ma tchina 1:2

Nga d’i tchi andjege, simina nga mi djang kä irad’u. Aduk suma a le katna pet, sama mi b’lengêt hurutna nga d’i. Buniyôtna pet a mbut ni suma a mbud’ut iratna, a mbut ni suma djangû matna mi.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Sawal la giled’a 42:9

Ma didina, ang tagan djivi manga faleya, ar an hle sawal manga andjege á tcheneng ang Alo ma han arid’ina.

Sawal la giled’a 42:3

Alo man ma arina zlam nga d’i lan heî. Ni mindja ba, an mba ni kal kur gong mamba á wum iram ge?

Sawal la giled’a 12:5

ki suma a nga dala: Ami mba kuzumi ayîna ki vunamiya, ami nga ki vunami á de zlad’a; ni nge ba, mba mi te kami ge na mi.

Wana ni mbaktumba hi Job-pa 35:9

Suma a nga tchi abo djop vun ma suma nga djobozizi ngolâ heîna, a nga yi sama ndjunda abo murud’um mba suma ablaud’a a nga lazizid’a.

Isai 59:7

Asegi nga mi tin kä ta d’i á le tchod’a, agi nga b’ad’agi tagi á tchi sama bei zlad’a kama. Djib’er magid’a ni djib’er ra tchod’a, hurumba ki b’laka ni sun magi d’a led’a.

Malatchi 3:18

Ata yi máma agi mba wagi wal la an mba ni wal ir suma d’ingêrâ ki suma tchona woid’a, ir suma a nga lan sundina ki suma a nga lan sunda d’uo na.

Malatchi 2:13

Wana ni vama ding ma agi nga luma: Agi nga tchigi ata yima ngal ahle suma ngat buzuna hi Ma didinina ki simina iragi ki yor tad’a mi, kayam mam nga mi tin iram yam he d’a hawa magi d’a ngat buzuna d’i, nga mi ve va abogi d’uo mi.

Ma tchi wala 7:7

Djop vuna nga mi mbut sama ned’a lilid’a, he d’a hawa d’a gumunda nga d’i b’lak yam sana mi.

Zla d’a d’ogolâ 28:3

Sama hou ma mi kid’eî ir sama kid’akina, mi ni d’igi alo ma se ki babarâ ma mi b’lak ahlena woi kakazeîna na.

Sawal la giled’a 142:4

Ata yima djib’er manda nga ata yat tuo na, ang nga we lovot manda. Lovot ta an nga ni tit kuad’a, a gun nga dauna kä avoronu.

Sawal la giled’a 80:5

Ma didina, Alo ma ad’engêng kal petna, ang hurung mba zal hina gagak mindja á hulong humba mi sum mangâ ge?

Sawal la giled’a 69:20

Ang we ngul la azi nga ngulunda, ang we mbut ta azi nga mbud’un zulonid’a, ang we mang nga azi nga mangân ndeid’a, ang we man suma djangûna pet mi.

Wana ni mbaktumba hi Job-pa 16:4

Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Wana ni mbaktumba hi Job-pa 6:29

An nga ni tchenegiya, agi hulongôgïya, agi lagi sun nda ata yat tuo d’a d’i; agi hulongôgïya, zla manda ni zla d’a irata.

Suma ka sariyad’a 4:3

Jabin mi nga ki pus ma kawei ma dur ayîna kikis zlengâ, mi djop vun Israel-lâ ngola gak bizad’a dok mbà. Ata yi máma Israel-lâ a nde tchi yam Ma didina ala mi ndjunuziya.

Gat ta a hat á mbàd’id’a 28:48

agi mba lagi magomba mi magi suma djangû suma Ma didina mba mi sunuzi atagina ki meid’a ki vun ma sod’a ki gandilad’a. Agi mba kid’agagi woi ata ahlena pet. Ma didina mba mi gagi djuk ma kaweina kelegi gak agi mba dabagi woyo.

Gat ta a hat á mbàd’id’a 28:33

Andjaf suma agi wazi nga yagi tu d’uo na, a mba tawu magina, a mba tahle suma agi mba fazina, a mba djobogi vunagi burâ ki burâ, a mba mired’egi kä kasezi mi.

Buzuk ka Abud’a 1:22

Wani Faron mi he vuna mi sum mama ala: Agi tchugugi gro andjof suma Hebre suma a vut awilina woi pet kur aluma. Wani agi tchugugi gro aropma woi aduk aluma d’i.

Buzuk ka Abud’a 1:16

Le agi vud’ugi arop suma Hebre-na, le agi wagi ni gor mandjufâ ni, agi tchum mbeyo; le ni gor atchad’a ni, agi arat bei tchid’a.

Zla d’a d’ogolâ 19:7

Sama houd’a b’oziyoma a nga noyômu, buniyôma a nga golom sä woi hina dei. Nga mi halazi á dazi zlad’a ki hud’a pî, nga mi fe sa d’i.

Ma tchi wala 8:9

An wahle ndazina pet, an he tan ni wahle suma suma a nga lazi yam andagad’a ka hina woi tetet. Yima dingâ mi nga, sana nga mi te yam ndrama á lum ndaka.

Jeremi 16:7

A mba fe sama b’rau tena mi suma a nga ki yor tad’ina á b’lengêzi huruzi d’i, d’oze a mba fe sama he süm guguzlud’a mi suma abuyozi a bona d’oze asuyozi a bona á b’lengêzi huruzina d’uo mi.

Hor ma tchina 1:16

Ni kayam ndata ba, an nga ni tchiya, simina nga mi djang iran kä kayam mi wal ma b’leng hur ma mi ndjunun ari mandina woi dei ki sed’enu. Grona a mbut hohoud’a, kayam ma djangûna mi fad’eng nga kala.

Wana ni mbaktumba hi Job-pa 9:24

Mi handagad’a abo suma asa’atna, mi duk ir suma ka sariyad’a woyo! Le ni mam mbuo ni, ni nge ge?

Sawal la giled’a 69:21

Ngul mazid’a b’lagan hurunu, an ve tugud’eid’a; an hal sama wan hohowona, wani sa nga d’i; an hal sama b’lengên huruna, wani an fe nga sa d’uo mi.

Sawal la giled’a 142:5

Ang gol irang ata abon ma ndjufâ, ang wala sama wana nga d’i, yima an ngei tan kuana nga d’i, sama djib’er kana nga d’uo mi.

Zla d’a d’ogolâ 29:2

Ata yima suma d’ingêrâ a zulâ, suma a kak ki furîd’a; ata yima sama asa’atna mi te yambina, suma a zamî taziya.

Hor ma tchina 1:17

Siyon ti mat abod’u, wani sama mi b’lengêt hurutna nga d’i. Ma didina mi he vuna mi suma a ngui suma hi Jakob-mina, a kak djangûna ki sed’eziya. Jerusalem ti mbut ni vama ndjendjed’a adigaziya.

Amos 3:9

Agi tchagi wala akulo yam azì ma amul ma Asdot-na, yam azì ma amul ma Ezipte-na ala: Agi togogi tagi akulo yam yima nding ma Samari-na, agi gologi siwel la gandjaud’a ki murud’um mba a nga lat ata tazid’a.

Amos 3:10

Ma didina mi dala: Azi nga we lovota á le sun nda ata yata d’i, a nga tok ahle suma a b’ad’azi abo suma kad’enga a hurumuzina kur azì mazi ma amula.