Matiye 27:19 - Bible azumeina

¹⁹ Kid’a Pilat mi nga kaka yam zlam mba ka sariyad’a tua d’a, amamba geï sunda atamu. Ti dum ala: Ang le va ki sama d’ingêr máma d’i, kayam adïd’a dan kama andjege ngola yam zla mamba.

Matiye 27:19 Referencias Cruzadas

Matiye 27:24

Ata yima Pilat wala mam ndak á le va d’uo na, wani yala nga mi i avogovogo, mi gul mbina, mi mbus abom avok ablau suma. Mi dazi ala: Buzuna hi sama d’ingêr mámina nga kan ndi, ni zla magid’a.

1 Pierre 2:22

Mam le nga tchod’a d’uo, a hum nga zla d’a kad’a avunam mbuo mi.

Jean 19:13

Kid’a Pilat mi hum zla ndatid’a, mi nde ki Jesus abua, mi kak kä yam zlam mba ka sariyad’a. Yi máma simiyêm ala Atranga, a yum ki vun Hebre-na ala Gabata.

Wana ni Zla d’a Djivi d’a Luc mi b’irita 23:47

Ata yima ma ngol ma azigarâ abom kis ma Romê-na mi wahle suma a lenina, mi gile Alona mi dala: Gagazi, sa máma ni sama d’ingêrâ.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

1 Jean 2:1

Grona, an nga ni b’irigi ahle suma wana kayam me agi lagi tchod’a d’i. Le sa adigagi mi le tchod’a ni, ei nga ki Grangâ gen Abui Alona, nala, Jesus Christ ma d’ingêrâ.

Matiye 27:4

Mi dazi ala: An le tchod’a, kayam an he sama d’ingêrâ á tchid’a. Wani azi dum ala: Ndolomi d’ei? Ni zla manga.

Matiye 2:22

Wani kid’a mi hum ala Arkelus nga mi tamula yam ambas sa Jude-d’a balum abum Herod’u d’a, mi le mandarâ á kak kur ambas ndata. Wani yam adï d’a Alona mi dumzid’a, mi i kur ambas sa Galile-d’a.

Matiye 2:19

Wani kid’a Herot mi mit dad’a, malaikana hi Salad’ina mi de Josef adïd’a avo Ezipte ala:

Matiye 1:20

Wani kid’a mi nga kur djib’era tua d’a, malaikana hi Salad’ina mi dum adïd’a ala: Ang Josef ma ad’u andjafâ hi David-na, ar ang le mandarâ á ve amanga Marie d’i, kayam gor ma nga kurutna ni kad’enga hi Muzuk ma bei tchod’a ba nid’a.

Zakari 9:9

Agi suma Jerusalem-ma, agi eregi ad’ugi akulo ki furîd’a! Agi suma Siyon-na, agi eregi ad’ugi akulo, agi lagi hur ma hapma! Gola! Amul magina nga mi djïya. Ni ma d’ingêrâ, ni ma kus ayîna, ni ma lulumana, ni ma nga nga yam korona, ni ma nga nga yam koro ma gorâ yam gor korod’ina.

Isai 53:11

Ma didina mi dala: Bugol ndak mamba, mba mi we vuta hi ndak mambid’a, tam mba d’i lum djivid’a kad’u. Yam we mamba azong man ma d’ingêrâ mba mi mbut suma ablaud’a suma d’ingêrâ, kayam mi hle tchila mazid’a kamu.

Ndumba 12:6

Mi dazi ala: Agi humugi zla manda djiviya! Ata yima sana mi mbut ma djogon vunana adigagina, an nde tan iramî nde, an dum zlad’a ni kur adïd’a.

Ad’u Tinda 31:29

An ndak á lagi va, wani Alona habungâ mi dan kama andjege ala: Ang gol tang djiviya, ang de vama djivi d’oze vama tcho mi Jakob pi.

Ad’u Tinda 31:24

Alona mi mba ata Laban ma Aram-ma andjege, mi dum adïd’a ala: Ang gol tang djivi á de vama djivi d’oze vama tcho mi Jakob.

Wana ni Zla d’a Djivi d’a Luc mi b’irita 23:41

Sariya meid’a ni d’ingêr, kayam ei fei ni wuraka yam sun mei d’a led’a, wani sama wana mi le nga tcho d’i.

Ad’u Tinda 31:11

Malaikana hAlonina mi yan kur adïd’a ala: Jakob! An humum ala: An huma!

Matiye 27:18

Kayam mi we tcha ala ni yam yungôra ba, a hum ki Jesus wana.

Sunda hi suma a sunuzinid’a 12:21

Kid’a bur ma Herot mi ngazizina mi ndaka, mi tchuk baru mam mba amula atamu, mi kak yam zlam mba amula, nga mi dazi zlad’a.

Sunda hi suma a sunuzinid’a 18:12

Kur atchogoi ndata, Galiyon ni ma te yamba kur ambas sa Akai-d’a. Kur bur máma Juif-fâ a ndjak vunazi tu yam Paul, a im ata yima ka sariyad’a.

Sunda hi suma a sunuzinid’a 18:16

Mi digizi woi ata yima ka sariyad’a.

Sunda hi suma a sunuzinid’a 18:17

Suma pet a ve Sosten ma ngolâ hi gong nga toka hi Juif-fîd’ina, a nga tom avok yima ka sariyad’a, wani Galiyon mi gol ahle ndazina ni hawa na.

Sunda hi suma a sunuzinid’a 25:6

Kid’a mam le nga burâ klavandi d’oze dogo adigazi d’uo d’a, mi tchola, mi i Sesare. Tcha ndjivinda mi kak yam zlam mam mba ka sariyad’a, mi he vuna ala a mbeï ki Paul.

Sunda hi suma a sunuzinid’a 25:10

Paul mi dum ala: An nga tchola avok zlam mba ka sariyad’a hi Sesar-ra. Djivid’a a kan sariya manda ni ka hî. An le nga vama tcho mi Juif-fâ d’i, d’igi ang tanga we tetet na.

Sunda hi suma a sunuzinid’a 25:17

Ata yi máma, azi mba ki sed’en ka hî, wani an min yina kal li. Tcha ndjivinda an kak yam zlam man nda ka sariyad’a, an he vuna ala a mbeï ki sa máma.