Marik 16:20 - Bible azumeina

²⁰ Hina, mam suma hata a buzuk i ata yina pet, a tchi wal Zla d’a Djivid’a. Salad’a nga mi le sunda ki sed’eziya, nga mi tak zla ndata woi ala ni zla d’a gagazid’a kahle suma atchap suma azi nga lazina mi.]

Marik 16:20 Referencias Cruzadas

Sunda hi suma a sunuzinid’a 14:3

Paul azi ki Barnabas a le burâ ngola kur Ikoniyum. A nga tchi wal zlad’a hi Salad’id’a ki hur ma ade’esâ. Salad’a tamba nga mi le glangâsâ yam zla mam mba sumad’a ala ni gagazi. Mi hazi ad’enga á lahle suma simata kahle suma ndandalâ mi.

Hebre-na 2:4

Ata yi máma, Alona tamba mi le glangâsâ zlapa ki sed’ezi kahle suma simata kahle suma atchapma kahle suma ndandalâ teteng, yam he d’a hawad’a hi Muzuk mam ma bei tchod’a ba na d’a mi b’rawat mi suma yam min mambid’a.

Romê-na 15:19

yam ad’enga hahle suma simata kahle suma atchapma, yam ad’enga hi Muzuk ma bei tchod’ina mi. Hina, an tchi wal Zla d’a Djivid’a hi Christ-sa ngola tinï Jerusalem dei gak mba yam andaga d’a nguyuta gak mba yam andaga d’a Iliri-d’a.

Sunda hi suma a sunuzinid’a 5:12

Suma a sunuzina a lahle suma simata kahle suma atchapma ngola aduk suma. Suma he gagazid’a a nga toka tu ad’u azangâ hi Salomon-na.

Sunda hi suma a sunuzinid’a 4:30

Ang mat abong á sut suma tugud’eid’a, á lahle suma simata kahle suma ndandalâ ki simiyê azong mang ma bei tchod’a ba na Jesus.

2 Korente-na 6:1

Kayam ami nAlona ndrom suma sunda, ami nga tchenegiya: Ar agi gologi suma d’a Alona mi vagizid’a d’igi vama hawana na d’i.

Marik 16:19

Bugol la Salad’a Jesus mi dazi zla ndata dad’a, a hlum sä akulo, mi kak ata Alona bigam mba ndjufa.

Wana ni Zla d’a Djivi d’a Luc mi b’irita 1:1

Teyofil, suma ablaud’a a hal lovota á b’ir yam ahle suma a le adigeina.

Wana ni Zla d’a Djivi d’a Luc mi b’irita 1:2

Azi b’ir wa ahle suma azi wazi ki irazi kad’u tinda dei na, azi ni suma a mbut suma a tchi wal zlad’a hAlonid’ina. Azi vami ad’u ahle ndazina mi.

Hebre-na 2:3

le ei golei sut ta ngol ndata ta ni, ei mba prud’i woi ni nana ge? Salad’a tamba mi de zla sut ndata woi avogo, suma a humut avunama a deizi djivi mata mi.