Marik 10:39 - Bible azumeina

³⁹ Azi hulong dum ala: Ami ndagamiya. Jesus mi dazi ala: Gagazi, agi mba tchagi ki kop ma kid’eî ir ma an mba ni tchuma, agi mba lagi batem mba ndak ka an mba ni lata mi.

Marik 10:39 Referencias Cruzadas

Vama ndum mbeina 1:9

Ni an wiyegina Jean ndragi ma kur ndaka zlapa ki sed’egi yam Jesus yam leud’a hAlona d’a ei nga djubut ki ve tad’id’a. An nga kur til la a yat ala Patmos-sa, kayam an tchi wal zlad’a hAlonid’a ki gagazi d’a Jesus mi ndat teid’a mi.

Sunda hi suma a sunuzinid’a 12:2

Mi tchi Jacques Jean wiyema ki mbigeu d’a fiyaka.

Kolos-sâ 1:24

Ki tchetchemba, an nga ni le furîd’a á fe ndaka hina kagi kayam an nga ni dap vun ndaka hi Christ sa ara kur hliwin yam hliwimu, nala, Tok mamba.

Jean 17:14

An hazi zla manga. Suma duniyad’a a noyôziya, kayam suma ang handji ndazina ni suma hi duniyad’ina d’i, d’igi an ni hi duniyad’ina d’uo na mi.

Jean 15:20

Agi djib’eregi yam zla d’a an dagizid’a ala: Azongâ nga mi kal salama d’uo d’a. Le azi djobon vunanu ni, a mba djobogi vunagi hina mi. Le azi ngom zla manda ni, a mba ngom zla magid’a mi.

Jean 13:37

Pierre mi dum ala: Salana, ni kayam me ba, an ndak á tit ad’ung ka tchetchem mbuo ge? An min he tan ndei kangû.

Marik 14:36

Mi de kua ala: Aba, Abunu, ahlena pet, ang ndak á laziya, ang hle kop ma ayî ma wana woi kanu. Wani ang le ni ata min manda d’i, wani ang le nata min manga.

Marik 14:31

Wani Pierre mi de zlad’a kad’enga ala: Le nda’î á matna ki sed’eng pî ni, an mba ni tin vunan kang ngi. Suma hata pet a de hina mi.

Matiye 10:25

Ma hata mi ndak á mbut d’igi sama had’ama na, azongâ mi ndak á mbut d’igi salama na mi. Le a yi samazina ala Belzebul-lu ni, a mba yi suma avo hatama tchod’a kal luo zu?

Matiye 3:6

Ata yima azi de tcho mazid’a woina, mi nga mi lazi batemba kur alum ma Jurdê-na mi.