Wana ni Zla d’a Djivi d’a Luc mi b’irita 19:39 - Bible azumeina

³⁹ Fariziyê suma hiuna aduk ablau suma a de mi Jesus ala: Ma hat suma, ang ngop mang suma hata.

Wana ni Zla d’a Djivi d’a Luc mi b’irita 19:39 Referencias Cruzadas

Matiye 23:13

Jesus mi de kua ala: Ni zla d’a hohoud’a kagi agi suma hat gata ki Fariziyê suma lop ira. Agi suma nga dugugi vun leu d’a akulod’a woi avok sumina, agi tagid’a nga kalagi kua d’i, wani agi nga ar suma a min kal kuana á kal kua d’uo mi. [

Jacques 4:5

Ata yima mbaktumba hAlonid’a ti dala: Alona nga mi le yungôra yam muzuk ma mi heizi kurina na, agi djib’eregi ala ni hawa zu?

Jean 12:19

Kayam ndata, Fariziyêna a de tazi ala: Agi gologiya, suma pet a nga i gevemu. Agi ndak á lagi va d’uo d’a.

Jean 12:10

Wani nglo suma ngat buzuna a ndjak vunazi á tchi Lazar woyo,

Isai 26:11

Ma didina, abong nga zid’a akulo, wani azi wum nga d’i. Azi mba we zlezleû mang nga yam sum mangîd’a. Zulona mba mi laziya, akud’a mba d’i ngal mang suma djangûna woi mi.

Matiye 2:7

Ata yi máma, Herot mi yi suma ned’a gumunu, mi djobozi yam bur ma tchitchiud’a ndei woi kuana.