Sunda hi suma hi Levi-nid’a 26:13 - Bible azumeina

¹³ An ni Ma didina Alo magi ma buzugugï woi kur ambas sa Ezipte-d’ina tala agi kagagi magumei mazina d’uo d’a. An kus djuk ma kelegina woyo, an aragi agi tid’igi yagi akulo herengîleng.

Sunda hi suma hi Levi-nid’a 26:13 Referencias Cruzadas

Ezekiyel 34:27

Agu ma abageina mba mi vud’a, andagad’a mba d’i wul ahlena mi. Fata an mba ni kuzuzi djuk ma kelezina woi ni prud’uzi woi abo suma azi nga lazi sun nda magombid’a, azi mba kak ki halasa yam andaga mazid’a, azi mba wala an ni Ma didina mi.

Sawal la giled’a 116:16

Ma didina, an nga ni tchenengû, kayam an nazong mangâ, an ni wei manga gorotna. Ni ang ba, bud’un ziyo ma a djinin ki na woyo.

Sunda hi suma hi Levi-nid’a 25:38

kayam an ni Ma didina Alo magi ma pad’agï woi kur ambas sa Ezipte-d’a á hagi ambas sa Kanan-ndina, kayam ni kak Alo magina.

Buzuk ka Abud’a 20:2

An ni Ma didina Alo mang ma pad’angî woi kur ambas sa Ezipte-d’a ata yima a lang magomba kuana.

Jeremi 2:20

Ma didina mi dala: Agi kuzugi djuk ma kelegina woi nadjeu dei, agi bud’ugi vun ma djin ma adigeina woyo, agi dagi ala: Ami min lang sunda d’uo d’a. Kayam ndata, agi igi akulo yam yima ndingâ, ad’u agu ma lara ma angusâ agi grivigi kä ad’um á mbud’ugi tagi gaulangâ mi.

Sunda hi suma hi Levi-nid’a 25:55

Agi Israel-lâ, agi ni magumei man suma an buzugugï woi kur ambas sa Ezipte-d’ina, kayam an nAlo magina.

Isai 51:23

An mba ni hum mbei abo suma a lak ndakina, suma a dak ala: Ndak klup huruk kä, ami tchilami kagu na. Ata yi máma ndak mbut huyogok ni d’igi andagad’a na, d’oze d’igi ir palumba na á tit kagu.

Sunda hi suma hi Levi-nid’a 25:42

Kayam azi ni magumei man suma an buzuguzï woi kur ambas sa Ezipte-d’ina, ar ang guzuzi woi d’igi a gus magumeina woi na d’i.

Buzuk ka Abud’a 6:7

an mba ni yogi á mbud’ugi sum mana, an mba ni arî Alo magina mi. Agi mba wagi ala an ni Ma didina Alo magi ma pad’agi woi kur sun nda anek ka Ezipte-na a tinigizi kagid’ina.

Ezekiyel 30:18

Fata an kus ad’enga hi Ezipte-nid’a woi ni d’el ad’eng nga azi subur tazi kata woid’a, afata mba d’i mbut nduvunda yam Tapanes. D’ugula mba d’i duk yam suma Tapanes-sâ, a mba yo yugunei mazina magomba mi.

Wana ni mbaktumba hi Oze-d’a 11:4

An tanazï ki ziyo ma we hohoud’a, ni ki kindjing ma od’a ba, ni mbazïya, ni an ba ni hlazi dju’â woi keleziya, ni an ba ni hazi tena mi.

Buzuk ka Abud’a 14:8

Ma didina mi b’al hur Faron amul ma Ezipte-na kiki á dik ad’u Israel-lâ. Israel-lâ a buzu’î ad’u ad’enga hAlonid’a.

Isai 9:3

Kayam djuk ma kelezina, ki totogo d’a a tozi pepelezi ki d’a, ki tatatagam ma a nga djobozi ki vunazina, ang kuzuzi woi d’igi ang b’lak suma Madiyan-na woi adjeu na.

Jeremi 28:2

Ma didin ma ad’engêm kal petna, Alona hi Israel-lîna, mi dala: An kus dju’â hamul ma Babilon-nina woyo!

Jeremi 28:4

Ma didina mi de kua ala: An mba ni hulongî Jekoniya Jojakim goroma amul ma Juda-na ki suma pet suma a yozi ka hî avo Juda a i ki sed’ezi Babilon-na ka hî, kayam an nga ni kus dju’â hamul ma Babilon-nina woyo.

Nahum 1:13

Ki tchetchemba, an nga ni kus djuk mazina woi kelegi á tchugugi akulo ad’u ad’enga hi magi suma djangûnid’a, an nga ni tchalagi erdje ma a djinigi ki na woi mi.