Josue 18:28 - Bible azumeina

²⁸ Sela, Elef, Jebus sa a yat ala Jerusalem-mba, Gibeya ki Kiriyat. Azì ma nglona ni dogo yam fid’i kazì mazi ma gureina mi. Wana nandaga d’a a hat djona mandjafâ hi Benjamin-na ad’u adezezi ad’u adezezid’a.

Josue 18:28 Referencias Cruzadas

2 Samuel 21:14

A tos asoga Saul ki asoga goroma Jonatan kasoga suma a gabazi akulo ndazina kur ambas sa Benjamin-nda avo Sela, kur zula hi Saul abum Kis-sa. A lahlena pet suma amulâ mi he vuna kazina. Ni hina tua ba, Alona hurum vat tei yam suma kur ambasina.

Josue 15:8

Ti kal i kur hor ra Ben-Hinom-mba abot ma sutna hi Jebus-sâ, nala, Jerusalem, ti kal gak ti i yam ahina d’a nga avok hor ra Hinom-mba abo ma fladegena, ti kal i avun dabid’a hi hor ra Refa-d’a abo ma norâ.

Wana ni mbaktumba hi Oze-d’a 10:9

Ma didina mi dala: Agi Israel-lâ, agi lagi tchod’a avo Gibeya adjeu dei, gak ini agi nga igi avogovok kur tchod’a. Na ni ayîna mi nde nga yam suma tchona avo Gibeya d’uo zu?

Isai 10:29

A sulugot kä aduk ahinad’a, a dala: Ar ei buri Geba, suma Rama-na a zlaga, suma kur Gibeya d’a hi Saul-la a ringâ.

2 Samuel 5:8

Kur bur máma David mi dala: Nge nge pî ma min dur Jebus-sâ, mbeî mi kalî kur b’irlim ma djang mbina kä ad’u andagad’ina á tchi suma duka ki suma dileî suma an David ni noyôzina woyo! Ni kayam ndata ba, a nga dala. Suma duka ki suma dileîd’a a mba kal kur gong nga kud’ora hi Ma didinid’a d’i.

1 Samuel 10:26

Saul mi i avo hatam Gibeya. Suma d’engzeng suma Alona mi zud’uzina, a tinim avo.

Josue 18:16

Ti sulugot kä avun dabid’a hahina d’a ngagad’a yam hor ra Bet-Hinom-mba d’ara, ti hleï kur hor ra Refa-d’a abo ma norâ, ti kal ti i kur hor ra Hinom-mba avo Jebus abo ma sutna, ti kal gak ti i En-Rogel.

Josue 15:63

Andjafâ hi Juda-na ad’engêzi ndak nga á dik suma Jebus suma a nga kaka Jerusalem-ma woi d’i. Ni kayam ndata ba, suma Jebus-sâ a nga kaka aduk andjafâ hi Juda-na avo Jerusalem gak ini.

Ndumba 33:54

Agi b’rawagi ambasa ni ki togina ad’u andjavagiya. Suma ablauna, agi hazi yina ngola ad’u ablau mazid’a; suma akid’eina, agi hazi yina akid’eid’a ad’u akid’ei mazid’a. Andjaf ma lara pî, mba mi fe ni vama nde kam ki toginina. Agi mba fagizi djona nad’u andjafâ habuyogina.

Ndumba 26:54

Suma ablauna, a mba hazi yina ngola yam ablau mazid’a; suma akid’eina, a mba hazi yina akid’eid’a yam akid’ei mazid’a. Nge nge pî, a mba hum yina nata ndum mba a ndumumba.

Ndumba 26:38

Wana ni Benjamin groma ad’u andjavaziya: Suma Bela-na nandjafâ hi Bela-na, suma Asbel-lâ nandjafâ hi Asbel-lâ, suma Ahiram-ma nandjafâ hi Ahiram-ma,

Josue 18:27

Rekem, Jirpel, Tarala,

Josue 19:1

Wana nandaga d’a a hat ki togina á mbàd’a mandjafâ hi Simeon-na ad’u adezezi ad’u adezezid’a: Andaga mazid’a ti kal aduka hi suma hi Juda-nid’a.

2 Samuel 5:6

Amulâ David ki sum mama a i á dur Jerusalem. Suma Jebus suma a nga kaka kur ambas ndatina, a de mi David ala: Ang mba kal ka hî d’i, kayam ni suma duka ki suma dileîd’a tazi go ba, a mba diging ngeyo! A de nala: David mba mi kal ka hî d’i!

2 Samuel 23:29

Helep Bäna ma Netofa-na goroma; Itai Ribai ma Gibeya d’a Benjamin-nda goroma;

Jeremi 6:1

Ma didina mi dala: Agi suma Benjamin-na, agi buzugugi woi avo Jerusalem, agi bugi adifa avo Tekowa, agi pagi drapo d’a taka akulo avo Bet-Hakerem, kayam ndaka ki b’lak ka ngola a tcholï abo ma norâ.

Suma ka sariyad’a 1:21

Suma hi Benjamin-na a dik nga suma Jebus suma a nga kaka Jerusalem-ma woi d’i. Suma Jebus-sâ a nga kaka Jerusalem ki suma hi Benjamin-na gak ini.

Suma ka sariyad’a 19:10

Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi.

1 Sunda Hamuleinid’a 8:28

Wana ni suma avok sum mazina kur atchogoi mazid’ina, a ni suma a kak Jerusalem-ma mi.