Josue 15:8 - Bible azumeina

⁸ Ti kal i kur hor ra Ben-Hinom-mba abot ma sutna hi Jebus-sâ, nala, Jerusalem, ti kal gak ti i yam ahina d’a nga avok hor ra Hinom-mba abo ma fladegena, ti kal i avun dabid’a hi hor ra Refa-d’a abo ma norâ.

Josue 15:8 Referencias Cruzadas

Josue 18:16

Ti sulugot kä avun dabid’a hahina d’a ngagad’a yam hor ra Bet-Hinom-mba d’ara, ti hleï kur hor ra Refa-d’a abo ma norâ, ti kal ti i kur hor ra Hinom-mba avo Jebus abo ma sutna, ti kal gak ti i En-Rogel.

Josue 15:63

Andjafâ hi Juda-na ad’engêzi ndak nga á dik suma Jebus suma a nga kaka Jerusalem-ma woi d’i. Ni kayam ndata ba, suma Jebus-sâ a nga kaka aduk andjafâ hi Juda-na avo Jerusalem gak ini.

Suma ka sariyad’a 19:10

Wani atchad’a ndjuvut mi min nga á bur ri, mi tchol mi i gak mi mbaza avun Jebus, nala, Jerusalem, ki koro mama mbà kaneka kamu, kamamba mi.

Josue 18:28

Sela, Elef, Jebus sa a yat ala Jerusalem-mba, Gibeya ki Kiriyat. Azì ma nglona ni dogo yam fid’i kazì mazi ma gureina mi. Wana nandaga d’a a hat djona mandjafâ hi Benjamin-na ad’u adezezi ad’u adezezid’a.

2 Amuleina 23:10

Josiyas mi b’lak yima Tofet ma nga avun hor ra Hinom-mba, kayam sa mi ngal gorom mandjuf foze gorom mba atcha kakud’a á he ngola malo ma Molo’â d’uo d’a.

Suma ka sariyad’a 1:21

Suma hi Benjamin-na a dik nga suma Jebus suma a nga kaka Jerusalem-ma woi d’i. Suma Jebus-sâ a nga kaka Jerusalem ki suma hi Benjamin-na gak ini.

Jeremi 19:14

Kid’a Jeremi mi tcholï Tofet ata yima Ma didina mi sunum kua á djok vuna mi mbad’a, mi i tchol kur gulumuna hi gong nga kud’ora hi Ma didinid’a, mi de mi suma ata yi mámina ala:

Jeremi 19:6

Ma didina mi dala: Kayam ndata, burâ nga mi mba, kur bur máma a mba yi yima wana ala Tofet toze Hor ra Ben-Hinom-mba d’uo d’a, wani a mba yum ala Hor ra a Tchi Suma Kuad’a.

Jeremi 19:2

Ang i kur hor ra Ben-Hinom mba go ki vun agrek ma Azlungina. Ata yi máma ang de zla d’a an mba ni dangzid’a ki deleng akulo.

Isai 17:5

A mba mbut ni d’igi sana mi tok awu ma nga tchola akulo kasema kä na, d’igi sama dut awuna mi dut yam awuna abom na, d’igi sana mi tchi helena kur hor ra Refa-d’a na mi.

2 Sunda Hamuleinid’a 28:3

Mi ngal dubang ma his djivid’ina kur hor ra Hinom-mba, mi ngal groma kakud’a d’igi he d’a hawa d’a ngala na. Ni sun nda ndjendjed’a handjaf suma Ma didina mi digizi woi adjeu avok Israel-lîna a lata.

2 Samuel 5:22

Suma Filistê-na a hulongî kua d’ei, a ndjar kä woi kur hor ra Refa-d’a.

2 Samuel 5:18

Suma Filistê-na a mba ndjar kä woi kur hor ra Refa-d’a.

Suma ka sariyad’a 1:8

Suma hi Juda-na a nde Jerusalem durâ, a hlad’u, a tchi suma kurâ woi ki mbigeu d’a fiyaka, a ngal azina woi kakud’a mi.

1 Sunda Hamuleinid’a 11:4

David ki Israel-lâ pet, a i ngui Jerusalem mba a yat ala Jebus-sa, kayam suma Jebus suma a nga kaka yam andaga ndatina a nga kaka kat tua.

Nehemi 11:30

Zanowa, Adulam kazì ma nguyuma, Lakis kazì ma nguyuma ki Azeka kazì ma nguyuma mi. A tinï ad’ud’a kaka Berseba dei gak mba kur hor ra Hinom-mba.