Isai 38:8 - Bible azumeina

⁸ Gola! Angusa mi duk yam yima tin asema hi Ahas-sâ ni dogo. Ki tchetchemba, Ma didina mba mi hulong kafata bugol yam yima tin asem ma dogo máma. Afata ti hulong bugol, ti nde yam yima tin asem ma dogo ma angusa mi tchol kua avo’â mi.

Isai 38:8 Referencias Cruzadas

Matiye 16:1

Fariziyêna azi ki Sadusiyêna a mba ata Jesus. A kugum ala mi tagazi vama simat ma mi tcholï akulona.

2 Sunda Hamuleinid’a 32:24

Kur atchogoi ndata Ezekiyas mi ve tugud’eid’a á matna. Mi tchen Ma didina. Ma didina mi hulongôm zla d’a ded’a, mi tagam vama simata.

2 Sunda Hamuleinid’a 32:31

Kayam ndata, ata yima suma te yam suma Babilon-na a sunï suma gevem á wad’ud’a yam ahle suma yoyou suma a le kur ambas mambina, Alona mi aram mbei á kugum á we zla d’a kurumba.

Suma ka sariyad’a 6:17

Zedeyon mi hulong dum ala: Le ang wan hohowonu ni, ang tagan vama tak mala ni ang ba, nga dan zlad’a na.

Isai 7:11

Ang djop Ma didina Alo mangâ yam vama tak ma kä ad’u andagad’a yiyi’â d’oze ma sä kur akulod’a deina.

Isai 38:9

Wana ni mbaktum mba Ezekiyas amul ma Juda-na mi b’irit yam tugud’ei d’a lumba ki tchol mam mba akulod’a: