Ezekiyel 24:6 - Bible azumeina

⁶ Ni kayam ndata ba, Salad’a Ma didina mi dala: Ni zla d’a hohoud’a yam azì ma ngol ma tchi matna, dei ma tchor ma tchor mamba ti ndak á pat tei d’uo na, ang ko hliuna kä woi kur bei ang le togina kam ba.

Ezekiyel 24:6 Referencias Cruzadas

Ezekiyel 22:2

Ang gor sana, ang min tang ang ka sariyad’a yam azì ma ngol ma tchi mat máma. Ang le gigrit ti, ang tagam sun mam mba tcho d’a ndjendjed’a woyo.

Nahum 3:1

Ni zla d’a hohoud’a yam azì ma ngol ma tchi mat ma nga oîd’a ki zla d’a kad’a ki murud’umba ma nga mi wal ki hurumba d’uo mi na.

Nahum 3:10

Hina pet pî, a im wa magomba, grom suma gureina, a tchazi woi grak lovot ta lara ge pet, a le togina yam mam suma simiyêzi mi nde yinina, a tchuk erdjena kel mam suma nglona pet mi.

Mise 7:2

Sama d’engzeng nga kur ambasa d’i, sama irat nga d’uo mi. Azi pet ni suma a bur suma kä á tchid’ina, nge nge pî nga mi gun dauna kä yam wiyema.

Abdiyas 1:11

Agi tagid’a nga ata yima suma djangûna a kus kazi a i kal avo hatazina, ata yima andjaf ma ding máma mi le togina yam ndjondjoî d’a Jerusalem-mbina, agi lagi d’igi azi na mi.

Ezekiyel 22:27

Mat suma nglo suma kurutna a ni d’igi ngû ma nga mi kizak vama mi vuma na. A nga tchi suma woi á ndak vun mbiyo mazi ma a nga fum ki lovod’om mbuo na.

2 Amuleina 24:4

yam tchi d’a mi tchi suma bei zlad’a kazina, mi oî Jerusalem ki buzuwazid’a. Ni kayam ndata ba, Ma didina mi min vat hurum mbei d’uo ni na.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Matiye 23:35

Hina wani, buzu suma d’ingêrâ pet ma djang ngei yam andagad’ina, mi hulong kagiya, tinï ad’ud’a ata matna hi Abel ma d’ingêrâ dei, gak mba ata matna hi Zakari Barasi gorom ma agi tchum aduk yima a tinim iram vam mAlonina ki yima ngal ahle suma ngat buzunina.

Jonas 1:7

Suma le sunda kur batod’ina a nga de tazi ala: Mbeigiya, ei lei togina á we sama mi mba ki ndaka keina. A le togina; mi nde yam Jonas.

Joel 3:3

Azi le togina yam sum mana, azi he gor mandjufâ yam gaulangâ, azi gus gor weid’a süm guguzlud’a á tched’a.

Ezekiyel 24:9

Ni kayam ndata ba, Salad’a Ma didina mi dala: Ni zla d’a hohoud’a yam azì ma ngol ma tchi mat máma. An pî mba ni mol agu ma ngala ngola mi.

Ezekiyel 22:12

Suma a nga ve beged’a gumun á tchi matnina a nga kurungû, suma a nga hal beged’a ki mbinina a nga kurungû, suma a nga b’at ahlena abo ndrozinina a nga kurung mi. Wani a mar rei kanu. An Salad’a Ma didina ni de na.

Ezekiyel 11:11

Azì ma ngol ma wana mba mi mbut ni deina kagi d’i, agi mba mbud’ugi ni hliu ma kuruma d’uo mi. An mba ni kagi sariyad’a kagi gak ir hagad’a hi Israel-lîd’a.

Jeremi 6:29

A nga le vigina ngola; kawei ma ane’â mi gakud’a, mi lau woyo. A tchi tazi á le vigina ni hawa na, zozot ta atazid’a nga d’i yak kei d’i.

2 Amuleina 21:16

Manase mi tchi suma bei zlad’a kazina ngola, gak azì ma Jerusalem-ma mi oî ki buzuna, bei de zla d’a tcho d’a mam lat avo Juda-d’a ki sun nda tcho d’a mam lat avok Ma didinid’a ba.

2 Samuel 8:2

David mi dur ayîna ki suma Mowap-ma, mi kus kaziya, mi ndjarazi burâ kä andaga, mi ngazi ki ziyona nga nga hindi, mi tchi suma kur ziyo ma mbànina woyo, mi ar suma kur ziyo ma hindinina bei tchid’a; a hum tara.

Josue 10:22

Ata yi máma Josue mi dala: Agi i malagi vun zul ahinad’a, agi buzugunï amulei suma vahl ndazina woyo.

2 Amuleina 24:3

Ahle ndazina a mba hina ni yam vun ma hed’a hi Ma didinina tamba. Mi min dik suma Juda-na woi avoromu, yam tcho d’a pet ta Manase mi lata,

Ezekiyel 11:3

A nga dala: Nga ni yima min gongîyona d’uo tua, azì ma ngol ma wana ni deina, ei teid’a ni hliu ma kurâ.

Ezekiyel 22:3

Ang dum ala: Salad’a Ma didina mi dala: Gola! Ang azì ma ngol ma suma a vo buzuna woi kurung á dabang burung ma a nga tuwal fileina kurung á mbud’ung ndjendjed’ina,

Ezekiyel 24:3

Ang de zla d’a d’ogol la wanda mandjaf ma bei hum vunina, ang dazi ala: Salad’a Ma didina nga mi dagiya: Agi tinigi deina akua, agi vogi mbina kurumu,

Gat ta a hat á mbàd’id’a 23:13

Agi ngomogi kaweid’a aduk ahle magina. Ata yima agi igi o bageid’ina, agi djugud’ogi zula kä, agi ogi sud’ona kua, agi tozom yam kä mi.

Jeremi 2:22

Salad’a Ma didina mi dala: Le agi mbuzugi tagi woi ki tumuta ki sabulâ yagi ablaud’a pî, tcho magid’a mba d’i arî ndala avoron hina baba.