1 Samuel 9:21 - Bible azumeina

²¹ Saul mi hulong dum ala: An ni ma Benjamin-na; andjavan nandjaf ma akid’eina aduk Israel-lâ; sum mana ni suma akid’eina aduk suma hi Benjamin-na pet mi d’uo zu? Ni nana ba, ang dan ahle ndazina hina ge?

1 Samuel 9:21 Referencias Cruzadas

1 Samuel 15:17

Samuel mi dum ala: Adjeu d’a ang gol tangî va d’uo d’a ang mbut nga amulâ yam andjafâ hi Israel-lîna d’uo zu? Ni Ma didina ba, mi tining amulâ yam Israel-lâ d’uo zu?

Efes-sâ 3:8

An ni ma kid’aka aduk suma hAlonina pet, wani Alona mi han ad’enga á tchi wal Zla d’a Djivid’a mandjaf suma dingâ yam ahle suma ndjondjoîna hi Christ suma bei dabid’a ba na,

Wana ni Zla d’a Djivi d’a Luc mi b’irita 14:11

Kayam nge nge pî ma mi hle yam akulona, a mba hulongôm yam kä, sama ge yam kä na, a mba hlum yam akulo mi.

Sawal la giled’a 68:27

Agi suma ad’u andjafâ hi Israel-lîna, agi gilegi Alona kur toka, agi gilegi Salad’a.

Wana ni mbaktumba hi Oze-d’a 13:1

Ata yima suma Efraim-ma a de zlad’ina, suma pet a le mandarâ. A hle yazi akulo yam andaga d’a Israel-la, wani a kud’or Bäl, zlad’a vaziya, a bo.

1 Samuel 18:23

Azungeîna hi Saul-lâ a dugot zla ndata ded’a mi David. David mi hulong dazi ala: Na ni agi gologi ni vama afefetna iragi á mbut amulâ akunoma zu? Anu, an ni sama houd’a, an ni sama ndak va d’uo na mi.

1 Samuel 18:18

David mi hulong de mi Saul ala: An ni nge? Zlan ni zla me ge? Andjaf abun aduk Israel-lâ ni me tala an mbut amulâ akunoma d’a ge?

1 Samuel 10:27

Wani suma zlazi nga d’uo na a nga dala: Sa máma mba mi sud’i woi ni nana ge? Kayam ndata, a golom is, a hum nga he d’a hawad’a d’i, wani Saul mi de nga zla d’i.

1 Samuel 9:22

Samuel mi yo Saul azi kazong mama, mi i ki sed’ezi kur gong nga tena, mi hazi yima kaka hi suma nglonina, kal suma dok hindi suma mam yazï á te tenina.

1 Samuel 14:51

Kis Saul abum ki Ner Apner abum ni Abiyel groma.

Sawal la giled’a 68:28

Gola! Andjafâ hi Benjamin ma gorâ ni ma nga avorozina, suma avok suma hi Juda-na kades mazina sä kamu, suma avok suma hi Zabulon-na ki suma hi Neftali-na sä blogozi mi.