1 Samuel 25:29 - Bible azumeina

²⁹ Le sa hle yam akulo á diging á tchangû ni, Ma didina Alo mangâ mba mi ngomong ata yima ngeid’a gevem aduk suma. Wani mba mi dur mang suma djangûna sä woi hina dei d’igi sana mi dur sana ki mbiud’a na.

1 Samuel 25:29 Referencias Cruzadas

Jean 17:21

kayam azi pet a kak tu, d’igi ang Abun nga kuruna, an nga kurung na mi, kayam azi kak zlapa tu ki ei mi. Hina wani, suma duniyad’a a mba he gagazid’a ala ni ang ba sununïya.

Malatchi 3:17

Ma didin ma ad’engêm kal petna mi dala: An mba ni mbud’uzi sum mana kur bur ma an mba ni tak ad’eng manda woi kuana, an mba ni wazi hohowozi d’igi sana mi we gorom ma mi sunuma hohowom na.

Jeremi 10:18

Kayam Ma didina mi dala: Ki tchetchem wanda, an nga ni yo suma a nga kaka kur ambasina, an nga ni tchuguzi woi abua, an nga ni hebezi ped’et tala a sut tuo d’a.

Sawal la giled’a 116:15

Ma didina hurum nga mi hat yam matna hi suma a hum gagazinina heî.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Jean 17:23

An nga kuruziya, ang nga kurun mi, kayam azi kak tu ndak memet. Hina wani, suma duniyad’a a mba wala ni ang ba sununïya, ang nga le kazi d’igi ang nga le kan na mi.

Sawal la giled’a 66:9

Ni ma ngomei ei boi nga d’uo na, ni ma arei asei ka nga azlard’eid’a d’uo mi na.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

Gat ta a hat á mbàd’id’a 33:29

Agi Israel-lâ, agi lagi furîd’a! Ni nge ba, d’igi agi suma Ma didina mi sud’ugina na ge? Mam mi mbarei magi d’a ndjunugid’a, ni mbigeu magi d’a kus ayîna mi. Magi suma djangûna a mba tchuk kä avorogiya, agi mba b’lagagi yi mazi ma ndingâ woyo.

Ad’u Tinda 15:1

Bugol ahle suma lena, Ma didina mi nde tam mbei ir Abram, mi dum ala: Abram, ang le mandar ri; an ni mbarei manga, wurak manga mba d’i zul avok ngola.

Jean 14:19

Ar ndjö, suma duniyad’a a mba wan nduo d’a, wani agi mba wan kayam an nga karid’a, agi mba kagagi karid’a mi.

2 Samuel 4:8

a mbaza ki yam Isebäl mi David avo Hebron, a dum ala: Amulâ, ang gol yam Isebäl Saul goroma wana. Mang ma djangû ma min á tchangâ, Ma didina mi hle ini atchugula salana amul mana ki Saul azi kandjavamu.

Sawal la giled’a 54:3

Alo mana, yam simiyêngû, ang sud’unu, ang kan sariya manda kad’eng manga.

Wana ni mbaktumba hi Job-pa 27:22

A mba yed’em ki yeûd’a bei wum hohowomu, mam mba mi ring á sut tam abod’u.