1 Pierre 3:20 - Bible azumeina

²⁰ Azi ni muzu’â hi suma a hum nga vun Alona adjeu d’uo ata yima mi ve tam tatâ kur burâ hi Noe-na kid’a mi nga mi min batod’ina. Kur bato ndata suma tcha, nala, klavandi, a fe suta aduk mbiyo ma kus máma.

1 Pierre 3:20 Referencias Cruzadas

2 Pierre 2:5

Alona mi ar nga duniya d’a adjeud’a hawa d’i, wani mi sut ni Noe ma tchi wal la d’ingêrîna ki suma kid’iziyana hol ata yima mi kus mbina yam suma tcho suma kur duniya ndatina.

Hebre-na 11:7

Ni yam he gagazid’a ba, Noe mi hum zla d’a Alona mi dum yam vama suma a wum nga d’uo tua na. Noe mi ge yam kä avok Alona, mi min batod’a á sut suma avo hatama. Ni hina ba, mi ka sariya d’a matna yam suma yam andagad’ina. Alona mi mbud’um sama d’ingêrâ yam he gagazi mamba.

Ad’u Tinda 6:3

Kayam ndata, Ma didina mi dala: An mba ni ar Muzuk mana mba mi kak ki sana gak didin ndi; kayam mam mi sana mba mi mid’a, mba mi le bizad’a ni kis yam dok mbà.

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

Ad’u Tinda 8:18

Noe mi nde woi kur batod’a kamamba ki groma kamiyôzina.

Ad’u Tinda 6:13

Alona mi de mi Noe ala: An min dap suma woyo; ni kayam asa’at mazid’a ba, andagad’a mbut vama b’laka, an nga ni b’lagazi woi zlapa kandagad’a.

Matiye 7:14

Kayam lovot ta i kur arid’id’a tad’enga heî, vun agre’â mi ni mbed’et mi, suma fatna a nakid’eid’a mi.

Ad’u Tinda 7:13

Kur bur máma Noe mi kal kur batod’a kamamba ki groma, nala, Sem, Ham ki Jafet kamiyôzina mi.

2 Pierre 3:15

Agi djib’eregi ala ve tad’a hi Saleinid’a ni sut magid’a d’igi wiyei ma od’a Paul mi b’irigizi kur ne d’a Alona mi humzid’a na.

Romê-na 9:22

Alona mi min á tak ayî mama, á simat ad’eng mamba woi mi. Kayam ndata, le mi ve tam tatâ yam suma a ndak yam ayî mama suma mi minizi á b’lak keina ni, vama ndolong ang kua ni me ge?

Wana ni Zla d’a Djivi d’a Luc mi b’irita 12:32

Jesus mi had’azi kua ala: Agi ades ma gorâ, ar agi lagi mandar ri, kayam ni djivid’a ir Abugi á hagi leu mamba.

Isai 30:18

Kayam ndata, Ma didina nga mi djup á vagi sumad’a, mba mi tchol akulo á wagi hohowogi mi, kayam Ma didina nAlo ma d’ingêrâ. Suma a tin huruzi kama pet a nga le furîd’a!

Ad’u Tinda 8:1

Wani Alona mi djib’er yam Noe azi kazureina kambureina ki d’uwarâ pet suma a nga ki sed’em kur batod’ina, mi sir simetna yam andagad’a, mbina mi hulong ngara kä.

Efes-sâ 5:26

Mi mbuzut tei yed’et ki mbina, nala, zlad’a hAlonid’a, mi tinit irat vat mAlona mi.

Ad’u Tinda 6:8

Wani Noe ni sama djivina avok Ma didina.

Sunda hi suma a sunuzinid’a 2:41

Suma a ve zla mambina, a lazi batemba. Kur bur máma a fe suma kazi kua d’igi dudubud’a hindi na.

1 Pierre 1:9

kayam agi mba fagi dabid’a hi he gagazi magid’id’a, nala, sut magid’a.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

1 Pierre 2:25

Kayam adjeu agi ni d’igi tumiyô suma a vit teina na, wani ki tchetchemba, agi hulongôgi wa gen Ma pol ma ngomogina.

1 Pierre 3:19

Kur muzuk máma, mi i tchi wala mi muzuk ma teteng ma nga kur dangeinina.

1 Pierre 4:19

Kayam ndata, suma a fe ndaka yam minda hAlonid’ina, ar a i avogovok kur djivi d’a led’a, a he tazi abo Ma d’engzeng ma lahlena petna mi.