Nnwom 4:2 - KYERƐW KRONKRON

² Mo mmarima mma, m’anuonyam bɛdan ahohora akosi da bɛn? Mobɛdɔ ade hunu, mubedi atoro akyi akosi da bɛn? Sela

Twerɛ Kronkron

² Mo mmarima mma, m’animuonyam bɛdane ahohora akɔsi da bɛn? Mobɛdɔ ade hunu, mobɛdi atorɔ akyi akɔsi da bɛn?

Akuapem Twi Nkwa Asɛm

² Enkosi da bɛn na mobɛdan mʼanuonyam ahohora? Enkosi da bɛn na mobɛdɔ nneɛma hunu na moadi ahoni ahuhuw akyi?

New Revised Asante Twi Bible

² Mo mmarima mma, m’animuonyam bɛdane ahohora akɔsi da bɛn? Mobɛdɔ ade hunu, mobɛdi atorɔ akyi akɔsi da bɛn?

Asante Twi Nkwa Asɛm

² Ao mmarima, ɛnkɔsi da bɛn na mo bɛdane mʼanimuonyam ahohora? Ɛnkɔsi da bɛn na mobɛdɔ nneɛma hunu na moadi ahoni huhuo akyi?

KYERƐW KRONKRON

² Mo mmarima mma, m’anuonyam bɛdan ahohora akosi da bɛn? Mobɛdɔ ade hunu, mubedi atoro akyi akosi da bɛn? Sela

Nnwom 4:2 Referencias Cruzadas

Nnwom 106:20

Na wɔsakraa wɔn anuonyam yɛɛ no nantwi a ɔwe wura sɛso.

Nnwom 14:6

Mobɛhwete ahiafo atirimpɔw mu ara de, nanso AWURADE ne wɔn guankɔbea.

Nnwom 2:1

Adɛn nti na amanaman yɛ gyegyeegye, na aman susuw ade hunu yi?

Nnwom 3:3

Na wo, AWURADE, wone me ho kyɛm, m’anuonyam ne me werɛkyekyefo.

Nnwom 31:6

Metan wɔn a wodi atoro ahuhude akyi, na me de, mebata AWURADE ho.

Nnwom 5:6

Wosɛe wɔn a wɔka atosɛm; AWURADE kyi mogyapɛfo ne asisifo.

Nnwom 50:15

na frɛ me hiada mu, na megye wo na woahyɛ me anuonyam.

Nnwom 57:4

Me kra da agyata mu, meda wɔn a wɔhome gyaframa mu. Nnipa mma, wɔn se yɛ mpeaw ne agyan, na wɔn tɛkrɛma yɛ nkrante nnamnnam.

Nnwom 58:1

Mo atumfo, ampa ara moka asɛntrenee? Oo, nnipa mma, mubu atɛntrenee anaa?

Nnwom 58:3

Abɔnefo bɔ ko fi yafunum, wofi wɔn na yam fom kwan di atoro.

Nnwom 63:11

Na ɔhene de, n’ani begye Onyankopɔn ho; obiara a ɔka ne ntam no de bɛhyehye ne ho, na wobemua wɔn a wodi atoro ano.

Nnwom 72:2

Ma ɔmfa trenee nni wo man so, na ɔmfa atemmu nhwɛ w’amanehunufo.

2 Mose 10:3

Na Mose ne Aaron kɔɔ Farao nkyɛn kɔka kyerɛɛ no sɛ: Sɛ AWURADE, Hebrifo Nyankopɔn no, se ni: Wobɛkame wo ho asebrɛ wɔ m'anim akosi da bɛn? Ma me man nkɔ nkɔsom me.

Mmebusɛm 1:22

Da bɛn ara na mo ntetekwaa, mobɛpɛ ntetekwaasɛm akosi? Na afɛwdifo bɛpɛ wɔn fɛwdi, na nkwasea akyi nimdeɛ?

Ɔsɛnkafo 8:11

Sɛ nneyɛe bɔne ho afobu mma ntɛm nti, na nnipa mma bɔne ho atirimpɔw ayɛ wɔn koma ma.

Ɔsɛnkafo 9:3

Eyi yɛ bɔne nea wɔyɛ owia ase no nyinaa mu, sɛ nkrabea koro da hɔ ma nnipa nyinaa; enti nso na bɔne ayɛ nnipa mma koma ma, na adammɔ wɔ wɔn komam ara wɔn asetena mu, na ɛno akyi wɔkɔ awufo nkyɛn.

Yesaia 20:5

Na wɔn ho bɛpopo na wɔn ani awu, Etiopia a wɔn ani da so ne Misraim a ɛyɛ wɔn anuonyam no ho,

Yesaia 45:17

AWURADE de daa daa nkwagye agye Israel; mo ani renwu na wɔremmɔ mo ahohora bio da biara da.

Yesaia 59:4

Obiara nsamena asɛntrenee so, na obiara nni asɛm nokware so; wɔde wɔn ho to nsɛnhunu so, na wɔka nsɛnhuhuw; wonyinsɛn ɔhaw, na wɔwo mmusu.

Yeremia 2:11

So ɔman bi asakra wɔn anyame? Nso wɔn mpo de, wɔnyɛ anyame. Na me man de n’anuonyam asesa nea ɛho nni mfaso.

Yeremia 2:5

Sɛ AWURADE se ni: Bɔne bɛn na mo agyanom hui wɔ me ho a enti wofii me ho kɔɔ akyirikyiri na wokodii ahuhude akyi na wɔadannan hunu yi?

Yeremia 9:3

Na wɔdannan wɔn tɛkrɛma de yɛ wɔn ta di atoro, na wodi asase so tumi a wonni mma nokware, na wofi bɔne mu kɔ bɔne mu, na me de, wonnim me, AWURADE asɛm ni.

Hosea 4:7

Wɔkɔ so dɔ no, wɔkɔ so yɛ me bɔne; wɔn anuonyam no, mɛdan no ahohora.

Yona 2:8

Wɔn a wodi atoro ahoni akyi no, pa wɔn dom no.

4 Mose 14:11

Na AWURADE ka kyerɛɛ Mose sɛ: Ɔman yi bɛtew me ahi akosi da bɛn? Na enkosi da bɛn na wɔrennye me nni, nsɛnkyerɛnne a mayɛ wɔn mu no nyinaa akyi?

Asomafo 24:9

Na Yudafo no nso foaa no nsɛmmoa sɛ nsɛm yi te sa.

1 Korintofo 1:31

Sɛnea wɔakyerɛw sɛ: Nea ɔhoahoa ne ho no, ɔnhoahoa ne ho Awurade mu.

Efesofo 4:25

Enti munyi atoro nkyene, na obiara nni ne yɔnko nokware, efisɛ yɛyeyɛ yɛn ho yɛn ho akwaa.

1 Samuel 12:21

Na mommman nnkodi ade hunu a mfaso ne ogye nni ho no akyi, na ɛyɛ ade hunu.