Efesofo 4:9 - KYERƐW KRONKRON

⁹ (Na sɛ ose: Ɔforo kɔɔ soro a, ɛnne na ɛnyɛ nea ɔrekyerɛ ara ne sɛ osian kɔɔ asase ase hɔnom ana?

Twerɛ Kronkron

⁹ (Na sɛ ɔse: Ɔforo kɔɔ soro a, ɛnneɛ na ɛnyɛ deɛ ɔrekyerɛ ara ne sɛ ɔsianee kɔɔ asase ase hɔnom ansa?

Akuapem Twi Nkwa Asɛm

⁹ Afei sɛ “ɔkɔɔ ɔsoro” no nkyerɛase ne dɛn? Ase kyerɛ sɛ, nea edi kan no, ɔkɔɔ fam wɔ asase ase pɛɛ.

New Revised Asante Twi Bible

⁹ (Na sɛ ɔse: Ɔforo kɔɔ soro a, ɛnneɛ na ɛnyɛ deɛ ɔrekyerɛ ara ne sɛ ɔsianee kɔɔ asase ase hɔnom ansa?

Asante Twi Nkwa Asɛm

⁹ Afei sɛ “ɔkɔɔ ɔsoro” no nkyerɛaseɛ ne sɛn? Aseɛ kyerɛ sɛ, deɛ ɛdi ɛkan no, ɔkɔɔ fam, asase ase pɛɛ.

KYERƐW KRONKRON

⁹ (Na sɛ ose: Ɔforo kɔɔ soro a, ɛnne na ɛnyɛ nea ɔrekyerɛ ara ne sɛ osian kɔɔ asase ase hɔnom ana?

Efesofo 4:9 Referencias Cruzadas

1 Mose 11:5

Na AWURADE sane bɛhwɛɛ kurow ne abantenten a nnipa mma reto no.

Nnwom 139:15

Me nnompe anhintaw wo, bere a wɔyɛɛ me ahintawee mu na wɔnwenee me anwonwa kwan so, asase mu tɔnn no.

Nnwom 63:9

Na wɔn a wɔpɛ me kra asɛe no no besian akɔ asase ase tɔnn.

Nnwom 8:5

Na woama aka no kakra na wasɛ Onyame, wode anuonyam ne nidi na abɔ no abotiri.

2 Mose 19:20

Na AWURADE sian baa Sinai bepɔw so wɔ bepɔw no atifi; na AWURADE frɛɛ Mose kɔɔ bepɔw no atifi, na Mose foro kɔe.

Mmebusɛm 30:4

Hena na waforo akɔ soro na wasian? Hena na okura mframa ne nsam? Hena na ɔbɔ nsu boaa, ntama mu? Hena na ɔde asase ano nyinaa sisii hɔ? Sɛ wunim a, ne din de dɛn? Na ne ba din de dɛn?

Yesaia 44:23

Ɔsoro, monto anigye dwom, na AWURADE na wayɛ; asase ase ase noho, mommɔ ose, mompaepae ahurusi dwom mu, mmepɔw, kwae ne emu nnua nyinaa. Na AWURADE agye Yakob, na wahyɛ ne ho anuonyam, Israel mu.

Hesekiel 31:14

Ɛyɛɛ saa na nsu ho nnua nyinaa mu biara amma ne ho so, ne korɔn nti, na anyiyi ne ntɛntɛnoa, amununkum mu, na wɔn atumfo amma wɔn ho so annyina wɔn ahantan mu, wɔn a wɔnom nsu nyinaa, efisɛ wɔde wɔn nyinaa ama owu akɔ asase ase tɔnn, nnipa mma nyinaa mu, akɔ wɔn a wosian kɔ amoa mu no nkyɛn.

Mateo 12:40

Na sɛnea Yona dii bonsu yam nnansa awia ne anadwo no, saa ara nso na Onipa Ba no bedi asase ase nnansa awia ne anadwo.

Yohane 20:17

Yesu see no sɛ: Nka me, na minnya menkɔɔ ɔsoro m’Agya nkyɛn ɛ. Na kɔ me nuanom nkyɛn kɔka kyerɛ wɔn sɛ: Merebɛkɔ ɔsoro, m’Agya ne mo Agya ne me Nyankopɔn ne mo Nyankopɔn nkyɛn.

Yohane 3:13

Na obi mforoo soro, gye nea ofi soro sianee no, Onipa Ba a ɔwɔ ɔsoro no.

Yohane 6:33

Na Onyankopɔn abodoo ne nea osian fi soro ba na ɔma wiase nkwa no.

Yohane 6:38

efisɛ misian mifi soro mebae, ɛnyɛ sɛ merebɛyɛ nea m’ankasa mepɛ, na mmom nea ɔsomaa me no apɛde.

Yohane 6:41

Ɛnna Yudafo no nwiinwii ne ho sɛ waka sɛ: Mene abodoo a esian fii soro no,

Yohane 6:51

Mene abodoo a nkwa wɔ mu a misian mifii soro mebae no; sɛ obi di abodoo yi bi a, ɔbɛtena ase daa. Na abodoo a mede bɛma wiase no ne me honam.

Yohane 6:58

Eyi ne abodoo a efi soro sian bae no, ɛnte sɛ nea mo agyanom dii na wowuwui no; nea odi abodoo yi bɛtena ase daa.

Yohane 6:62

Na afei, sɛ muhu Onipa Ba no sɛ ɔrekɔ ɔsoro, faako a ɔwɔ kan no nso ɛ?

Yohane 8:14

Yesu bua see wɔn sɛ: Sɛ midi m’ankasa me ho adanse mpo a, m’adanse no yɛ nokware, efisɛ minim faako a mifi ne faako a merekɔ; na mo de, munnim nea mifi ne nea merekɔ.

Hebrifo 2:7

Woama aka kakra na wato abɔfo, wode anuonyam ne nidi abɔ no abotiri, [na wode no asi wo nsa ano nnwuma so,]

Hebrifo 2:9

Na mmom, yehu Yesu, nea bere tiawa bi mu, wɔbrɛɛ no ase sen abɔfo no, sɛnea ɔbɛfa Onyankopɔn adom so bɛka owu ahwɛ ama nnipa nyinaa. Seisei esiane owu amanehunu nti, wɔde anuonyam ne nidi abɔ no abotiri.