Efesofo 4:25 - KYERƐW KRONKRON

²⁵ Enti munyi atoro nkyene, na obiara nni ne yɔnko nokware, efisɛ yɛyeyɛ yɛn ho yɛn ho akwaa.

Twerɛ Kronkron

²⁵ Enti monyi atorɔ ntwene, na obiara nni ne yɔnko nokorɛ, ɛfiri sɛ yɛyeyɛ yɛn ho yɛn ho akwaa.

Akuapem Twi Nkwa Asɛm

²⁵ Munnni atoro nkyerɛ mo ho mo ho. Obiara nni nokware nkyerɛ ne nua, efisɛ, yɛn nyinaa yɛ nnipa baako wɔ Kristo nipadua mu.

New Revised Asante Twi Bible

²⁵ Enti monyi atorɔ ntwene, na obiara nni ne yɔnko nokorɛ, ɛfiri sɛ yɛyeyɛ yɛn ho yɛn ho akwaa.

Asante Twi Nkwa Asɛm

²⁵ Monnni atorɔ nkyerɛ mo ho mo ho. Obiara nni nokorɛ nkyerɛ ne nua, ɛfiri sɛ, yɛn nyinaa yɛ nnipa baako wɔ Kristo onipadua mu.

KYERƐW KRONKRON

²⁵ Enti munyi atoro nkyene, na obiara nni ne yɔnko nokware, efisɛ yɛyeyɛ yɛn ho yɛn ho akwaa.

Efesofo 4:25 Referencias Cruzadas

Kolosefo 3:9

Munnnidi atoro nnkyerɛkyerɛ mo ho efisɛ moayi onipa dedaw no ne ne nneyɛe agu,

Sakaria 8:16

Eyinom ne ade a monyɛ: Monkeka nokwasɛm nkyerɛkyerɛ mo ho; nokware ne asomdwoe na momfa mmu atɛn mo nkurow apon mu.

Mmebusɛm 12:22

AWURADE akyide ne atoro ano, na wɔn a wodi nokware sɔ n’ani.

Romafo 12:5

saa ara nso na yɛn a yɛyɛ bebree no yɛ nipadua koro, Kristo mu, na yɛn nyinaa yeyɛ yɛn ho akwaa mmiako mmiako.

Efesofo 4:15

na mmom momma yenni nokware mfa ɔdɔ mu nnyin nneɛma nyinaa mu, Kristo a ɔne eti no mu.

Mmebusɛm 12:17

Nea ɔka nokware no ka nea ɛteɛ, na ɔdansekurumfo ne, nkontompo.

Mmebusɛm 8:7

na nokware fi m’anom, na m’ano akyide ne abɔnefosɛm;

Mmebusɛm 12:19

Nokware ano tim hɔ daa, na atoro tɛkrɛma nkyɛ koraa.

Adiyisɛm 21:8

Na ahufo ne wɔn a wonnye nni ne akyideyɛfo ne awudifo ne nguamammɔfo ne adutofo ne abosonsomfo ne atorofo nyinaa benya wɔn kyɛfa wɔ ɔtare a ogya ne sufre dɛw mu no mu, ɛne owuprenu no.

Tito 1:2

daa nkwa anidaso so, nkwa a Onyankopɔn a onni atoro no de fi teteete hyɛɛ bɔ,

1 Timoteo 4:2

atorokyerɛfo nkontompo nti. Wɔn na wɔn ahonim awu.

3 Mose 19:11

Mommmɔ korɔn na munnni kusum, na obi nntwa ne yɔnko nkontompo.

Adiyisɛm 22:15

Na kurow no akyi na akraman ne adutofo ne nguamammɔfo ne awudifo ne abosonsomfo ne wɔn a wɔpɛ atoro na wodi nyinaa wɔ.

1 Timoteo 1:10

aguamammɔfo ne a wɔne mmarima da, nnipatɔnfo, atorofo, ntantofo, ne biribiara a ɛka ho a ɛne kyerɛ pa no di asi,

2 Korintofo 7:14

Na sɛ mede mo mehoahoaa me ho mekyerɛɛ no a, m’ani anwu, na mmom sɛnea yɛkaa mo nsɛm nyinaa nokwarem no, saa ara nso na yɛn ahoahoa a yɛhoahoaa yɛn ho Tito anim no ayɛ nokware.

Tito 1:12

Wɔn mu bi a ɔyɛ wɔn ankasa diyifo kae sɛ: Kretefo yɛ atorofo daa, mmoa bɔne, akwadwofo adidifo.

1 Korintofo 10:17

Ɛnam sɛ abodoo no yɛ biako nti yɛn a yɛyɛ bebree no yɛ nipadua koro; na yɛn nyinaa di abodoo biako no bi.

Yohane 8:44

Mo de, mo agya a mufi no mu ne ɔbonsam, na mo agya no akɔnnɔde na mopɛ sɛ moyɛ. Ɔno na ɔyɛ owudifo fi mfiase, na onnyina nokware so; efisɛ nokware nni no mu. Sɛ ɔka atosɛm a, efi n’ankasa mu na ɔka; efisɛ ɔyɛ ɔtorofo ne atoro agya.

Sakaria 8:19

Sɛ asafo AWURADE se ni: Ɔsram a ɛto so anan ne anum mu ne nea ɛto so ason mu ne nea ɛto so du mu akɔnkyen bɛyɛ Yuda fi ahosɛpɛw ne anigye ne afahyɛ pa; na nokware ne asomdwoe nko no mompɛ.

Hosea 4:2

Ntanka ne nkontompo ne awudi ne awi ne awaresɛe na ɛwɔ hɔ; wodi akakabensɛm na mogyahwiegu toa mogyahwiegu so.

Yesaia 63:8

Na ose: Me man ara ne wɔn, mma a wɔrenni atoro, na ɔyɛɛ wɔn agyenkwa.

Yesaia 9:15

Mpanyin ne anuonyamfo ne eti, na odiyifo atorokyerɛfo ne dua.

Mmebusɛm 21:6

Ademude a wɔde atoro tɛkrɛma anya yɛ ahuhuw a ehuw kɔ; wɔn a wɔhwehwɛ no hwehwɛ owu.

Mmebusɛm 6:17

ani a ɛtra ntɔn, atoro tɛkrɛma, ne nsa a ehwie mogya a edi bem gu;

Nnwom 119:29

Yi atoro kwan fi me ho, na fa wo mmara dom me.

Nnwom 52:3

Wopɛ bɔne sen papa, wopɛ atoro sen sɛ wobɛka nea ɛteɛ. Sela

Efesofo 5:30

Efisɛ yɛyɛ ne nipadua ho akwaa.

1 Ahene 13:18

Na ɔka kyerɛɛ no sɛ: Me nso meyɛ odiyifo sɛ wo, na ɔbɔfo bi de AWURADE asɛm aka akyerɛ me sɛ: Kɔsan no na ɔne wo mmra wo fi, na ommedidi na ɔnnom. Nanso atoro na odi kyerɛɛ no.

2 Mose 23:7

Twe wo ho fi atosɛm mu kɔ akyirikyiri. Na nkum nea ɔnyɛɛ bɔne bi ne ɔtreneeni, efisɛ meremmu ɔbɔnefo bem.

Nnwom 15:2

Nea ɔnantew pɛpɛɛpɛ, na odi asɛntrenee, na ɔka ne komam nokware.

Mmebusɛm 24:28

Nni wo yɔnko ho adanse hunu, na mfa w’ano nnaadaa

Efesofo 4:22

Ɛne sɛ, mo kan abrabɔ fam de, munyi onipa dedaw a ɔresɛe wɔ nnaadaa akɔnnɔ mu no nkyene,

Efesofo 4:31

Momma wonyi anobow nyinaa ne bobɔne ne abufuw ne ano kurokuro ne abususɛm, ɛne bɔnepɛ nyinaa mfi mo mu.

Kolosefo 3:8

Na afei mo de, munyi abufuw, koko bɔne, bɔnepɛ, abususɛm ne aniwusɛm nyinaa mfi mo anom ngu.

Hebrifo 12:1

Ne saa nti yɛn nso, sɛ yɛwɔ adansefo pii a wɔte sɛ mununkum a ɛte sɛɛ a atwa yɛn ho ahyia yi, momma yɛntow adesoa biara ne bɔne a ɛnkyɛ na etwa yɛn ho hyia siw yɛn kwan no ngu, na yɛmfa boasetɔ ntu akansi a ɛda yɛn anim no mu mmirika,

Yakobo 1:21

Enti munyi efi ne bɔne mmoroso nyinaa ntow nkyene, na momfa odwo nnye asɛm a wɔatɛw no mo mu a ebetumi agye mo kra no.

1 Petro 2:1

Enti munyiyi bɔnepɛ nyinaa ne nnaadaa nyinaa ne nyaatwomyɛ ne nitan ne nseku nyinaa ntotow ngu,

Atemmufo 16:11

Na ɔka kyerɛɛ no sɛ: Sɛ wɔde ntampehama foforo a wɔmfa nyɛɛ adwuma da kyere me a, ɛnna megurow mayɛ sɛ onipa biara.