Nnwom 39:12 - Twerɛ Kronkron

¹² AWURADE, tie me mpaebɔ, na yɛ aso tie me sufrɛ. Mmua w’ano me nisuo ho, na meyɛ wo hɔhoɔ, meyɛ ɔmamfrani sɛ m’agyanom nyinaa.

Akuapem Twi Nkwa Asɛm

¹² “Awurade, tie me mpaebɔ, tie me sufrɛ; nsiw wʼaso wɔ me su ho. Me ne wo te hɔ sɛ ɔnanani, sɛnea na mʼagyanom nyinaa te no.

New Revised Asante Twi Bible

¹² AWURADE, tie me mpaebɔ, na yɛ aso tie me sufrɛ. Mmua w’ano me nisuo ho, na meyɛ wo hɔhoɔ, meyɛ ɔmamfrani sɛ m’agyanom nyinaa.

Asante Twi Nkwa Asɛm

¹² “Ao Awurade, tie me mpaeɛbɔ, tie me sufrɛ; nsi wʼaso wɔ me su ho Me ne wo te hɔ sɛ ɔhɔhoɔ, sɛdeɛ na mʼagyanom nyinaa teɛ no.

KYERƐW KRONKRON

¹² AWURADE, tie me mpaebɔ, na yɛ aso tie me sufrɛ. Mmua w’ano me nusu ho, na meyɛ wo hɔho, meyɛ ɔmamfrani sɛ m’agyanom nyinaa.

Nnwom 39:12 Referencias Cruzadas

1 Mose 21:34

Na Abraham yɛɛ ɔhɔhoɔ Filistifoɔ asase so nna pii.

1 Mose 47:9

Na Yakob ka kyerɛɛ Farao sɛ: Me hɔhobea asetena mfirinhyia mu nna yɛ mfeɛ ɔha aduasa; me nkwa mfirinhyia mu nna yɛ kakraa bi ne amaneɛ nko, ɛnnuru me nananom nkwa mfirinhyia mu nna wɔ wɔn hɔhobea asetena nna mu.

2 Samuel 16:12

Ebia AWURADE bɛhwɛ m’amanehunu, na AWURADE de papa ahyɛ me nnome a ɔredome me nnɛ yi ananmu.

2 Ahene 20:5

Sane kɔka kyerɛ Hesekia, me man so hwɛfoɔ no sɛ: Sɛ AWURADE, w’agya Dawid Nyankopɔn seɛ nie: Mate wo mpaebɔ, mahunu wo nisuo, hwɛ, me na mɛsa wo yadeɛ. Da a ɛtɔ so mmiɛnsa no wobɛforo akɔ AWURADE fie.

1 Berɛsosɛm 29:15

Na ahɔhoɔ ne amamfrafoɔ ne yɛn wɔ w’anim, sɛ yɛn agyanom nyinaa. Yɛn nna te sɛ sunsum asase so, na anidasoɔ biara nni hɔ.

Hiob 13:28

Na onipa deɛ, ɔporɔ sɛ dufɔkyeɛ, sɛ ntoma a nweweboaa redie.

Hiob 16:20

Me nnamfo mpo di me ho fɛw, nanso Onyankopɔn na m’ani porepore nisuo ma no.

Nnwom 102:1

Ao, AWURADE, tie me mpaebɔ, na ma me sufrɛ nnuru w’anim.

Nnwom 116:3

Owuo nhoma kyekyeree me, na Asamando ahohia too me, mehunuu ahodwan ne awerɛhoɔ.

Nnwom 119:19

Meyɛ ɔhɔhoɔ asase so, mfa wo mmara nsɛm nhunta me.

Nnwom 119:54

W’ahyɛdeɛ adane me nnwom, m’ahɔhoyɛ fie mu.

Nnwom 56:8

Wo na woabu me kyini a mekyini yi ano, fa me nisuo gu wo kotokuo mu. Ɛnni wo nwoma mu anaa?

Nnwom 90:9

Na yɛn nna nyinaa atwam kɔ w’abufuo mu, yɛahwere yɛn mfeɛ sɛ asomusɛm bi.

3 Mose 25:23

Na wɔnntɔn asase no korakora, ɛfiri sɛ asase no yɛ me dea na moyɛ me nkyɛn ahɔhoɔ ne atubrafoɔ.

2 Korintofo 5:6

Enti yɛhyɛ yɛn ho den daa, na yɛnim sɛ yɛte fie wɔ nipadua mu yi, yɛnte fie wɔ Awurade nkyɛn;

Hebrifo 11:13

Gyidie so na yeinom nyinaa wuwuiɛ a wɔn nsa anka bɔhyɛ no, na mmom wɔhunuu akyirikyiri nko gye diiɛ, yɛɛ no atuu kaa sɛ, wɔyɛ ahɔhoɔ ne amamfrafoɔ wɔ asase so.

Hebrifo 5:7

Ɔno a ne honam nna no mu ɔde mpaebɔ ne nkotosrɛ brɛɛ deɛ ɔbɛtumi agye no afiri owuo mu wɔ nteamu a emu yɛ den ne nisuo mu, na ahobrɛaseɛ suro nti wɔtiee no.

1 Petro 1:17

Na sɛ mofrɛ deɛ ɔnhwɛ nnipa anim na ɔbu atɛn sɛdeɛ obiara adwuma teɛ no sɛ Agya a, momfa suro mmɔ mo bra mo ahɔhobea tena bea yi mu,

1 Petro 2:11

Adɔfo, metu mo fo sɛ ahɔhoɔ ne amamfrafoɔ, sɛ monyi mo ho mfiri honam akɔnnɔ a ɛne ɔkra ko no ho,