Nnwom 19:8 - Twerɛ Kronkron

⁸ AWURADE ahyɛdeɛ tene, ɛma akoma tɔ yam. AWURADE mmarahyɛ ho te, na ɛte ani.

Akuapem Twi Nkwa Asɛm

⁸ Awurade ahyɛde teɛ; ɛma koma mu anigye. Awurade ɔhyɛ nsɛm mu da hɔ; na ebue ani.

New Revised Asante Twi Bible

⁸ AWURADE ahyɛdeɛ tene, ɛma akoma tɔ yam. AWURADE mmarahyɛ ho te, na ɛte ani.

Asante Twi Nkwa Asɛm

⁸ Awurade ahyɛdeɛ tene; ɛma akoma mu anigyeɛ. Awurade ɔhyɛ nsɛm mu da hɔ; na ɛbue ani.

KYERƐW KRONKRON

⁸ AWURADE ahyɛde teɛ, ɛma koma tɔ yam, AWURADE mmarahyɛ ho tew, na ɛtew ani.

Nnwom 19:8 Referencias Cruzadas

1 Mose 26:5

ɛfiri sɛ Abraham tiee me nne, na ɔdii me nsiesieeɛ, me mmara nsɛm, m’ahyɛdeɛ ne me mmara so.

2 Ahene 17:37

Na ahyɛdeɛ ne atemmudeɛ ne mmara ne ɛmom a ɔtwerɛ maa mo no, monni so nyɛ no mo nna nyinaa, na monnsuro anyame foforɔ.

Nehemia 8:12

Ɛnna ɔman no nyinaa kɔ kɔdidiiɛ na wɔnomeeɛ, na wɔde bi kyekyɛe, na wɔnyaa anigyeɛ kɛseɛ pa ara, ɛfiri sɛ wɔtee nsɛm a wɔka kyerɛɛ wɔn no ase.

Nehemia 9:13

Nso wosiane baa Sinai bepɔ so, na wofiri soro ne wɔn kasae, na womaa wɔn tenenee atemmudeɛ ne nokorɛ mmara, ahyɛdeɛ ne mmara nsɛm a ɛyɛ.

Nnwom 105:45

sɛ wɔnhwɛ n’ahyɛdeɛ nyɛ, na wɔnni ne mmara so. Monyi AWURADE ayɛ!

Nnwom 111:7

Ne nsa ano nneyɛɛ yɛ nokorɛ ne atemmuo, n’ahyɛdeɛ nyinaa tim hɔ pintinn.

Nnwom 119:105

W’asɛm yɛ me nan ase kanea, ne me kwan so hann.

Nnwom 119:12

Nhyira ne wo, AWURADE, kyerɛkyerɛ me w’ahyɛdeɛ.

Nnwom 119:121

Mayɛ atemmuo ne tenenee, nnya me mma wɔn a wɔhyɛ me soɔ.

Nnwom 119:128

Enti mebu ade nyinaa mu nsiesieeɛ nyinaa sɛ ɛtene, metane nkontompo kwan nyinaa.

Nnwom 119:130

Wo nsɛm mu bue ma hann, ɛma nkwaseafoɔ hunu nyansa.

Nnwom 119:14

W’adansesɛm kwan mu na m’ani gyeɛ, sɛdeɛ ɛgye ahonyadeɛ bi ho.

Nnwom 119:143

Ahohia ne ahoyera ato me, nanso wo mmara nsɛm ne m’adɔdeɛ.

Nnwom 119:16

W’ahyɛdeɛ ho na me ho sɛpɛ me, me werɛ remfiri wo nsɛm.

Nnwom 119:171

M’ano bɛworo w’ayeyie, sɛ wokyerɛkyerɛ me w’ahyɛdeɛ.

Nnwom 119:24

W’adansesɛm yɛ m’adɔdeɛ, na ɛyɛ m’agyinatufoɔ.

Nnwom 119:40

Hwɛ, mafe wo nsiesieeɛ, ma mennya wo tenenee mu nkwa.

Nnwom 119:54

W’ahyɛdeɛ adane me nnwom, m’ahɔhoyɛ fie mu.

Nnwom 119:80

Ma m’akoma nyɛ pɛ w’ahyɛdeɛ mu, na m’anim angu ase.

Nnwom 119:92

Sɛ wo mmara anyɛ m’adɔdeɛ a, anka masɛe m’amaneɛ mu.

Nnwom 12:6

AWURADE bɔhyɛ yɛ bɔhyɛ kronkron, te sɛ dwetɛ a wɔanane no ananeeɛ a asene fam a wɔayiyi mu mprɛnson.

Nnwom 13:3

Hwɛ na gye me so, AWURADE, me Nyankopɔn, te m’ani, na manna owuo nna,

Nnwom 40:8

Deɛ mepɛ ne sɛ mɛyɛ deɛ wo, me Nyankopɔn, wopɛ, na wo mmara wɔ m’akomam.

Nnwom 93:5

W’adansesɛm yɛ nokorɛ pii; kronkronyɛ na ɛfata wo fie, AWURADE, nnasanten nyinaa.

2 Mose 18:16

Sɛ wɔnya asɛm bi a, wɔba me nkyɛn, na mesiesie onipa ne ne yɔnko ntam, na mekyerɛ wɔn Nyankopɔn ahyɛdeɛ ne ne mmara.

Mmebusɛm 2:6

Na AWURADE na ɔma nyansa, n’anomu na nimdeɛ ne nteaseɛ firi ba.

Mmebusɛm 30:5

Nyankopɔn asɛm nyinaa ho te, ɔyɛ ɛkyɛm ma wɔn a wɔde wɔn ho to ne soɔ.

Mmebusɛm 6:23

Na mmara nsɛm no yɛ kanea, na nkyerɛkyerɛ no yɛ hann, na atenetene nkaanim yɛ nkwa kwan,

Yesaia 64:5

Wohyia deɛ ɔde anigyeɛ di asɛntenenee, wɔn a wɔkae wo w’akwan soɔ no. Hwɛ, wo bo fui, na yɛyɛɛ bɔne; na ɛno mu na yɛwɔ dadaada yi, na wɔbɛgye yɛn nkwa anaa?

Yeremia 15:16

Wo nsɛm ba a, na ɛyɛ me aduane, na wo nsɛm yɛ me ahosɛpɛ ne akomatɔyam, na wɔde wo din ato me, O AWURADE, asafo Nyankopɔn.

Hesekiel 36:27

Na mede me honhom bɛhyɛ mo mu, na mama moanante m’ahyɛdeɛ so, na moahwɛ m’atemmudeɛ ayɛ.

Romafo 3:20

Ɛfiri sɛ wɔremfiri mmara nnwuma mu mmu honam biara bem n’anim; na mmara so na wɔnam hunu bɔne yie.

Romafo 7:22

Na me mu-nipa fam deɛ, m’ani gye Nyankopɔn mmara ho;

Romafo 7:7

Enti afei yɛbɛka sɛn? Mmara no yɛ bɔne anaa? Dabi da, na mmom sɛ ɛnyɛ mmara no nti a, anka mennim bɔne, na sɛ mmara anka sɛ: Mma w’ani mmmere ade a, anka mennim akɔnnɔ.

Galatifo 2:19

Na me deɛ, menam mmara no so mewu memaa mmara na matena ase mama Onyankopɔn.

Galatifo 3:21

Ɛnneɛ na mmara tia Nyankopɔn bɔhyɛ anaa? Dabi da. Sɛ wɔmaa mmara bi a ɛbɛtumi ama nkwa deɛ a, anka tenenee firi mmara mu ampa.

5 Mose 16:11

Na ma w’ani nnye AWURADE wo Nyankopɔn anim, wo ne wo babarima ne wo babaa ne w’akoa ne w’afenaa ne Lewini a ɔwɔ wo kuro apono mu ne ɔhɔhoɔ ne awisiaa ne okunafoɔ a wɔwɔ mo mu, faako a AWURADE wo Nyankopɔn bɛyi sɛ ne din ntena no;

5 Mose 16:14

na ma w’ani nnye wo nnapɔnna no mu, wo ne wo babarima, wo babaa, w’akoa, w’afenaa, Lewini, ɔhɔhoɔ, awisiaa ne okunafoɔ a wɔwɔ wo kuro apono mu.