Nahum 2:10 - Twerɛ Kronkron

¹⁰ Hwɛ, Ninewe sɛdeɛ woada mpan, woayɛ hunu na woadane amamfo, na w’akoma ahodwo na wo nankoroma hinhim, w’asene mu nyinaa yɛ wo ya, ne sɛdeɛ w’anim asiam fitaa.

Akuapem Twi Nkwa Asɛm

¹⁰ Wɔabɔ Ninewe korɔn, wɔayɛ no pasaa! Koma botow, na nkotodwe wosowosow, nnipa ho popo na wɔn anim hoa.

New Revised Asante Twi Bible

¹⁰ Hwɛ, Ninewe sɛdeɛ woada mpan, woayɛ hunu na woadane amamfo, na w’akoma ahodwo na wo nankoroma hinhim, w’asene mu nyinaa yɛ wo ya, ne sɛdeɛ w’anim asiam fitaa.

Asante Twi Nkwa Asɛm

¹⁰ Wɔabɔ Ninewe korɔno, wɔayɛ no pasaa! Akoma boto, na nkotodwe woso woso, nnipa ho popo na wɔn anim to hoa.

KYERƐW KRONKRON

¹⁰ Ao Niniwe, hwɛ sɛ wasi ada mpan, na wayɛ hunu ne amamfo, na wo koma ahodwow, na w’anankoroma hinhim, w’asen mu nyinaa yɛ wo yaw, na w’anim nso asinsiam fitaa.

Nahum 2:10 Referencias Cruzadas

1 Mose 1:2

Na asase da hɔ hunu a ɛnni bɔbea biara, na esum wɔ ebunu ani. Na Nyankopɔn honhom butu nsuo no ani.

Nnwom 22:14

Wɔahwie me agu sɛ nsuo, na me nnompe nyinaa ahwinhwan n’akwaa so. M’akoma ayɛ sɛ akraa, anane wɔ me yam.

Yesaia 14:23

Na mede no bɛyɛ mpɛsɛ agyapadeɛ ne nsuo atareɛ, na mede ɔsɛeɛ praeɛ mapra no, asafo AWURADE asɛm nie.

Yesaia 21:3

Enti m’asene mu ka me dwɛɛdwɛɛ, ɛkyem aka me sɛ ɔwofoɔ kyem; yea a ɛyɛ me nti, mente asɛm, me ho a ɛyera me nti, menhunu adeɛ,

Yesaia 24:1

Hwɛ, AWURADE bɛsɛe asase ama no ada mpan, na wadane ani abutu, na wabɔ ɛsofoɔ apete,

Yeremia 30:6

Mommisa ɛ, na monhwɛ, sɛ ɔbarima bɛko awoɔ anaa? Adɛn nti na mehunu mmarima nyinaa nsa sɛ ɛsisi wɔn asene, sɛ ɔbaa a ɔrewoɔ deɛ, na obiara anim ayɛ fitaa yi?

Yeremia 49:23

Damasko deɛ nie: Wɔakum Hamat ne Arpad aniwuo, ɛfiri sɛ wɔate asɛmmɔne bi; wɔn akoma atu; sɛ ɛpo a ahuru, ɛntumi nyɛ komm.

Yeremia 51:62

na ka sɛ: AWURADE, wo na woakasa atia ha yi sɛ wobɛtutu, a obiara rentena mu, ɛfiri nnipa so kɔsi afieboa so, na adane daa amamfo ara nko!

Yeremia 8:21

Me man babaa kuro nti mayɛ samoo, mayɛ kusuu, ahodwirie akuta me.

Hesekiel 21:7

Na sɛ wɔbisa wo sɛ: Ɛdeɛn ho na woresi apini a? Ka sɛ: Akwansosɛm ntira, ɛfiri sɛ ɛreba, na akoma nyinaa bɛnane, na nsa nyinaa mu agogo, na honhom nyinaa ano akum, na anankoroma nyinaa adanedane nsuo. Hwɛ, ɛreba na abɛyɛ hɔ, AWURADE Nyankopɔn asɛm nie.

Hesekiel 31:15

Sɛ AWURADE Nyankopɔn seɛ nie: Da a ɔsiane kɔɔ Asamando no, memaa abooboodie bae, ne nti memaa ebunu so katae, na mesii ne nsubɔntene ano, na wɔsiankaa nsuo bebree no; na memaa Lebanon firaa ne so birisi tumm, na ne nti ewiem nnua nyinaa botoe.

Yoel 2:6

Aman ho dwiri wɔn wɔn anim, nnipa nyinaa anim sinsiam.

Nahum 2:2

(Na AWURADE de Yakob kɛseyɛ resane aba sɛ Israel kɛseyɛ; ɔno a afomfafoɔ afom no afa, na wɔasɛe no bobe mman).

Nahum 3:7

Na obiara a ɔbɛhu woɔ no bɛdwane wo, na waka sɛ: Ninewe adane akurofo! Hwan na ɔbɛdi ne ho abooboo? Ɛhe na mɛhwehwɛ awerɛkyekyefoɔ mama woɔ?

Sefania 3:6

Matwitwa amanaman agu, wɔn abantenten atifi adanedane afo, mama wɔn mmorɔno so adeda mpan a obiara ntwam soɔ, wɔasɛesɛe wɔn nkuro a onipa nni mu, na obiara nte mu.

Yosua 2:11

Na yɛteeɛ no, yɛn akoma tuiɛ, na home bi rensɔre bio obiara mu wɔ mo anim, ɛfiri sɛ AWURADE mo Nyankopɔn no, ɔno ne Onyankopɔn wɔ nyameso ɔsoro ne asase so ɛfam.

Yosua 7:5

Na Ai mmarima no kunkumm wɔn mu nnipa bɛyɛ aduasa nsia, na wɔtaa wɔn Ai kuro pono no akyi de kɔɔ Sebarim, na wɔbobɔɔ wɔn asianee no mu. Na ɔman no akoma tui, na ɛyɛɛ sɛ nsuo.