Luka 8:5 - Twerɛ Kronkron

⁵ Ogufoɔ bi firii adi kɔguu n’aba. Na ɔreguo no, ebi kɔguu kwankyɛn; na wɔtiatiaa so, na ewiem nnomaa bɛsosɔe.

Akuapem Twi Nkwa Asɛm

⁵ “Da bi, okuafo bi kɔɔ nʼafum koguu aba. Ogui no, aba no bi koguu ɔkwan mu maa nnipa tiatiaa so na nnomaa nso bɛsosɔwee.

New Revised Asante Twi Bible

⁵ Ogufoɔ bi firii adi kɔguu n’aba. Na ɔreguo no, ebi kɔguu kwankyɛn; na wɔtiatiaa so, na ewiem nnomaa bɛsosɔe.

Asante Twi Nkwa Asɛm

⁵ “Ɛda bi, okuafoɔ bi kɔɔ nʼafuom kɔguu aba. Ɔguiɛ no, aba no bi kɔguu ɛkwan mu maa nnipa tiatiaa so na nnomaa bɛsosɔeɛ.

KYERƐW KRONKRON

⁵ Ogufo bi fii adi koguu n’aba. Na ɔregu no, ebi koguu kwankyɛn; na wotiatiaa so, na wim nnomaa bɛsosɔwee.

Luka 8:5 Referencias Cruzadas

1 Mose 15:11

Na nnomaa a wɔdi nam bɛsisii mmoa afunu no so, na Abram pamm wɔn.

Nnwom 119:118

Wobu wɔn a wɔfom w’ahyɛdeɛ nyinaa animtia, na nkontompo nko ne wɔn nsisie.

Mateo 13:37

Na ɔbua see wɔn sɛ: Deɛ ɔgu aba pa no ne onipa ba no;

Mateo 5:13

Mone asase so nkyene. Na sɛ nkyene dɛ yera a, ɛdeɛn na wɔde bɛhyɛ no nkyene? Ɛnyɛ mma hwee bio, gye sɛ wɔhwie gu, na nnipa tiatia so.

Marko 4:15

Na yeinom ne wɔn a wɔwɔ kwankyɛn no: Faako a wɔgu asɛm no, sɛ wɔnya te a, ntɛm ara Satan ba, na ɔbɛyi asɛm a wɔagu wɔ wɔn mu no.

Luka 8:4

Na nkurɔfokuo pii boaboaa wɔn ano ne wɔn a wɔfiri nkuro no nyinaa mu baa ne nkyɛn no, ɔbuu wɔn bɛ sɛ:

Luka 8:6

Na ebi kɔguu ɔbotan so; na ɛfifiriiɛ no, ɛhyee, ɛfiri sɛ ɛnni fonwunu ntira.

Hebrifo 2:1

Yei nti ɛsɛ sɛ yɛsɔ nnoɔma a yɛateɛ no mu den ma no boro soɔ, na yɛamfiri ho da bi.