Luka 12:13 - Twerɛ Kronkron

¹³ Na onipa bi a ɔfiri nkurɔfokuo no mu see no sɛ: Kyerɛkyerɛfoɔ, kasa kyerɛ me nua na ɔne me nkyɛ awunnyadeɛ.

Akuapem Twi Nkwa Asɛm

¹³ Obi fi nnipa no mu ka kyerɛɛ Yesu se, “Kyerɛkyerɛfo, ka kyerɛ me nua na ɔne me nkyɛ agyapade a yɛn agya de agyaw yɛn no.”

New Revised Asante Twi Bible

¹³ Na onipa bi a ɔfiri nkurɔfokuo no mu see no sɛ: Kyerɛkyerɛfoɔ, kasa kyerɛ me nua na ɔne me nkyɛ awunnyadeɛ.

Asante Twi Nkwa Asɛm

¹³ Obi firi nnipa no mu ka kyerɛɛ Yesu sɛ, “Ɔkyerɛkyerɛfoɔ, ka kyerɛ me nua na ɔne me nkyɛ agyapadeɛ a yɛn agya de agya yɛn no mu.”

KYERƐW KRONKRON

¹³ Na onipa bi a ofi nkurɔfokuw no mu see no sɛ: Kyerɛkyerɛfo, kasa kyerɛ me nua na ɔne me nkyɛ awunnyade.

Luka 12:13 Referencias Cruzadas

Nnwom 17:14

AWURADE, fa wo nsa bɛgye me firi nnipa nsam, nnipa a wɔn nkwa kyɛfa yɛ wiase deɛ, fa deɛ wɔasiesie ama wɔn hyɛ wɔn yafunu ma; ma wɔn mma nya no mmorosoɔ, na wɔnnya bi mma wɔn mmotafowa.

Hesekiel 33:31

Na wɔbɛba wo nkyɛn sɛdeɛ ɔman bi ba, na wɔatenatena ase w’anim sɛ me man, na wɔatie wo nsɛm, nso wɔrenni so, na wɔn anomu adɔkɔdɔkɔsɛm na wɔredie; wɔn akoma di wɔn mfasoɔ akyi.

Luka 12:12

ɛfiri sɛ dɔn no ara mu na Honhom Kronkron bɛkyerɛ mo deɛ ɛsɛ sɛ moka.

Luka 12:14

Na ɔbisaa no sɛ: Onipa, hwan na ɔde me sii mo so sɛnnifoɔ anaa ɔdekyɛfoɔ?

Luka 6:45

Onipa pa firi nnepa a waboaboa ano n’akoma mu no mu na ɔyi adepa adie, na onipa bɔne firi nnebɔne a waboaboa ano n’akoma mu no mu na ɔyi adebɔne adie; na ɛfiri deɛ ayɛ akoma ma aboro soɔ no mu na ano ka.

1 Timoteo 6:5

mansotwe a ɛsɛ nnipa a wɔn adwene mu asɛeɛ, na nokorɛ abɔ wɔn a wɔsusu sɛ onyamesom pa yɛ adepɛdeɛ.