Hosea 7:2 - Twerɛ Kronkron

² Na wɔnka no wɔn akoma mu sɛ mekaa wɔn bɔneyɛ nyinaa; afei wɔn nneyɛɛ atwa wɔn ho ahyia, ɛgu m’anim.

Akuapem Twi Nkwa Asɛm

² Na wonhu sɛ mekae wɔn nnebɔne nyinaa. Wɔn bɔne bunkam wɔn so; egu mʼanim bere biara.

New Revised Asante Twi Bible

² Na wɔnka no wɔn akoma mu sɛ mekaa wɔn bɔneyɛ nyinaa; afei wɔn nneyɛɛ atwa wɔn ho ahyia, ɛgu m’anim.

Asante Twi Nkwa Asɛm

² Na wɔnhunu sɛ mekae wɔn nnebɔne nyinaa. Wɔn bɔne bunkam fa wɔn so; ɛgu mʼanim ɛberɛ biara.

KYERƐW KRONKRON

² Na wɔnka wɔn komam sɛ mekaa wɔn bɔneyɛ nyinaa; afei wɔn nsɛnnii atwa wɔn ho ahyia, egu m’anim.

Hosea 7:2 Referencias Cruzadas

Hiob 34:21

Na n’ani wɔ onipa akwan so, na ɔhunu n’anammɔntutuo nyinaa.

Nnwom 10:11

Ɔse no n’akomam sɛ: Nyankopɔn werɛ afi, ɔde n’ani ahunta ɔrenhunu ara da.

Nnwom 25:7

Nkae me mmɔfraase bɔne ne me mfomsoɔ, na mmom kae me sɛdeɛ w’adɔeɛ teɛ, AWURADE, w’ayamyie nti.

Nnwom 50:22

Mo a mo werɛ firi Onyankopɔn no, monnwene yei ho ɛ, na mantete mo asinasini a ɔgyefoɔ biara nni hɔ.

Nnwom 9:16

AWURADE ayi ne ho adi, wabu atɛn, ɔde ɔbɔnefoɔ nsam nneyɛɛ atoatoa no.

Nnwom 90:8

Wode yɛn amumuyɛ asi w’anim, wode yɛn kokoam bɔne aba w’anim hann no mu.

Yesaia 1:3

Nantwie nim ne wura, na afunumu nim ne wura adididaka, na Israel deɛ, ɔnnim, me man nni nteaseɛ.

Yesaia 26:16

O AWURADE, ahohia mu wɔhwehwɛɛ wo, wɔbɔɔ mpaeɛ berɛ a woreka wɔn anim no.

Yesaia 44:19

na obiara nnwene ho, na nimdeɛ biara nni hɔ, na nhunumu biara nni hɔ na wɔaka sɛ: Mahye ɛfa ogya mu, na mato ne nsramma so paanoo, na makye so nam adi; na nkaeɛ no, memfa menyɛ akyiwadeɛ? Dua sini na menkoto no anaa?

Yesaia 5:12

Na wɔwɔ sankuten ne bɛnta, ne mpintin ne atɛntɛbɛn ne nsa wɔ wɔn apontoɔ aseɛ, na AWURADE nneyɛɛ deɛ, wɔnhunu, na ne nsa ano adwuma nso, wɔnhunu.

Yeremia 14:10

Sɛ AWURADE ka wɔ ɔman yi ho nie: Saa ara na wɔpɛ sɛ wɔwɔ ntwɛtwɛdɛ, wɔansi wɔn nan kwan; enti AWURADE nso ani nsɔ wɔn; afei na wakae wɔn amumuyɛ rebɛtua wɔn bɔne so ka.

Yeremia 16:17

Na m’ani hwɛ wɔn akwan nyinaa, ɛnhunta me, na wɔn amumuyɛ nso, ɛso nkataa m’anim.

Yeremia 17:1

Yuda bɔne no, wɔde dadeɛ twerɛdua ne hyerɛmmoɔ ano na atwerɛ, wɔakurukyire no wɔn akoma apono so ne wɔn afɔrebukyia mmɛn so,

Yeremia 2:19

Wo bɔne bɛtwe w’aso, na wo nsaneakyire atwi w’anim, na hunu na hwɛ sɛ gya a wogyaa AWURADE wo Nyankopɔn, ne me ho hu a wonnie no so aba ne awerɛhoɔ. AWURADE, asafo AWURADE asɛm nie.

Yeremia 32:19

Wo a woso, agyinatuo mu na w’adeyɛ dɔɔso. Wo a w’ani bue hwɛ nnipa mma akwan nyinaa, sɛ wobɛma obiara sɛdeɛ n’akwan ne ne nneyɛɛ abateɛ no.

Yeremia 4:18

Wo kwan ne wo nneyɛɛ na ama yeinom aba wo soɔ, yei ne w’atemmuo na ɛyɛ nwono na ɛduru w’akoma mu pɛɛ.

Yeremia 44:21

Aduhwam a mo ne mo agyanom, mo ahemfo ne mo mmapɔmma ne asase no so nkurɔfoɔ no hyee no Yuda nkuro mu, ne Yerusalem mmorɔno soɔ no, ɛnyɛ ɛnonom na AWURADE akae, na afɔre ahyɛne n’adwene mu.

Hesekiel 21:29

Ɛberɛ a wɔhunu adehuhuo ma woɔ na wɔrehyɛ wo nkɔntorɔ no, wɔde wo bɛto abɔnefoɔ atɔfoɔ a wɔn da aduro, awieeɛ amumuyɛ berɛ mu no kɔn ho.

Hosea 12:2

Na AWURADE ne Yuda anya asɛm, na ɔreba abɛtwe Yakob aso sɛdeɛ n’akwan teɛ; sɛdeɛ ne nneyɛɛ teɛ no na ɔbɛtua no ka.

Hosea 4:9

Na wɔbɛyɛ ɔman no sɛdeɛ wɔbɛyɛ ɔsɔfoɔ no, na mɛba mabɛtwe wɔn aso, wɔn bɔne nti, na mama wɔn nneyɛɛ asane abɛbua wɔn atifi.

Hosea 6:2

Nnanu akyiri no ɔbɛma yɛanya nkwa, da a ɛtɔ so mmiɛnsa no ɔbɛma yɛasɔre na yɛanya n’anim nkwa.

Hosea 8:13

M’ayɛyɛdeɛ afɔdeɛ a wɔbɔ no, ɛnam nko na wɔkum die; AWURADE ani nsɔ; afei ɔbɛkae wɔn amumuyɛ na wabɛtwe wɔn aso, wɔ wɔn bɔne ho; Misraim na wɔbɛsane akorɔ.

Hosea 9:15

Wɔn bɔne nyinaa wɔ Gilgal, na ɛhɔ na mefiri metanee wɔn; wɔn nneyɛɛ bɔne nti mɛpamo wɔn afiri me fie, merenna so mennɔ wɔn; wɔn mmapɔmma nyinaa yɛ atuatefoɔ nko.

Hosea 9:9

Wɔama ɔsɛeɛ a wɔasɛe no mu adɔ sɛ Gibea nna no mu, ɔbɛkae wɔn amumuyɛ, ɔbɛtwe wɔn aso, wɔn bɔne ho.

Amos 8:7

AWURADE aka Yakob ahokyerɛ ntam sɛ: Me werɛ remfiri wɔn nneyɛɛ nyinaa da biara da!

Yona 1:2

Sɔre kɔ Ninewe kuro kɛseɛ no mu, na pae mu ma wɔnhu sɛ wɔn bɔne aforo aba m’anim.

4 Mose 32:23

Na sɛ moanyɛ saa a, hwɛ, na moayɛ AWURADE bɔne, na monhunu yie sɛ, mo bɔne bɛyi mo ama.

Luka 12:2

Na biribiara nni hɔ a ɛso akata a wɔrenyi soɔ, anaa ahunta a wɔrenhunu.

1 Korintofo 4:5

Enti mommpere ho mmmu biribiara ho atɛn kɔsi sɛ ɛberɛ no bɛduru ansa na Awurade bɛba; ɔno na ɔde deɛ ahunta sum mu bɛba hann mu, na wayi akoma mu agyina adi; ɛno ansa na Onyankopɔn de obiara ayeyie bɛma no.

5 Mose 32:29

Sɛ wɔyɛ anyansafoɔ a, anka wɔbɛte yei ase, na wɔahunu wɔn awiekyire.

Hebrifo 4:13

Na abɔdeɛ biara nni hɔ a ɛnna adie Nyankopɔn anim, na ade nyinaa ho da hɔ, na ɛso abue, deɛ yɛne no wɔ asɛm no anim.