Hosea 2:15 - Twerɛ Kronkron

¹⁵ na mafiri hɔ mama no ne bobe nturo, na Akor bonhwa no, mayɛ no anidasoɔ pono, na ɔbɛgye so wɔ hɔ sɛ ne mmabaaberɛ mu ne ɛda a ɔfiri Misraim asase so foro baeɛ no.

Akuapem Twi Nkwa Asɛm

¹⁵ Mɛsan de ne bobe mfuw ama no. Mɛyɛ no Sɛkyɛ Bon, anidaso pon. Ɛhɔ na ɔbɛto dwom sɛnea na ɔyɛ ne mmabun bere mu no ne bere a ofii Misraim no.

New Revised Asante Twi Bible

¹⁵ na mafiri hɔ mama no ne bobe nturo, na Akor bonhwa no, mayɛ no anidasoɔ pono, na ɔbɛgye so wɔ hɔ sɛ ne mmabaaberɛ mu ne ɛda a ɔfiri Misraim asase so foro baeɛ no.

Asante Twi Nkwa Asɛm

¹⁵ Mɛsane de ne bobe mfuo ama no. Mɛyɛ Akɔr bɔnhwa no, anidasoɔ ɛkwan. Ɛhɔ na ɔbɛto dwom sɛdeɛ na ɔyɛ ne mmabunu berɛ mu no ne ɛberɛ a ɔfirii Misraim no.

KYERƐW KRONKRON

¹⁵ na mafi hɔ mama no ne bobe nturo, na Akor bon no, mayɛ no anidaso pon, na obegye so wɔ hɔ ne mmabaabere mu, ne ɛda a ofi Misraim asase so foro bae no.

Hosea 2:15 Referencias Cruzadas

1 Ahene 16:31

Na ɛyɛɛ hare maa no sɛ ɔbɛnante Nebat ba Yeroboam bɔne mu, na ɔkɔfaa Sidonfoɔ hene Etbaal babaa Isebel waree, na ɔkɔ kɔsomm Baal na ɔsɔree no.

Nnwom 106:12

Ɛnna wɔgyee ne nsɛm diiɛ, wɔtoo n’ayeyie dwom.

Nnwom 129:1

Wɔahiahia me ho pii firi me mmɔfraase, ma Israel nka ɛ,

Yesaia 65:10

Na Saron bɛdane nnwankuo adidibea, na Akor bonhwa no ayɛ anantwie dabea ama me man a wɔhwehwɛ m’akyiri kwan no.

Yesaia 65:21

Na wɔbɛsisi adan atena mu, na wɔayeyɛ bobe nturo adi mu aba.

Yeremia 2:1

Na AWURADE asɛm baa me nkyɛn sɛ:

Yeremia 2:2

Kɔ na kɔpae gu Yerusalem aso mu sɛ: Sɛ AWURADE seɛ nie: Mekae wo mmabaaberɛ mu adɔeɛ, w’ayeforɔ berɛ mu dɔ no, m’akyiri a wodiiɛ wɔ ɛserɛ soɔ, asase a wɔnnua so adeɛ no so.

Yeremia 29:11

Na me deɛ, menim adwene ko a meredwene mo ho, AWURADE asɛm nie, asomdwoeɛ adwene, na ɛnyɛ bɔne deɛ, sɛ merema mo awieeɛ pa ne anidasoɔ.

Yeremia 3:4

Afei deɛ womfrɛɛ me sɛ: M’agya, me mmabaaberɛ mu adamfoɔ ne wo.

Yeremia 32:15

Na sɛ asafo AWURADE, Israel Nyankopɔn, seɛ nie: Wɔbɛtɔ adan ne mfuo ne nturo asase yi so bio.

Kwadwom 3:21

Mede yei mehyɛ m’akoma mu, yei ho na mɛtwɛn ara:

Hesekiel 16:22

Na w’akyiwadeɛ ne w’adwamanneɛ nyinaa mu no, woankae wo mmabaaberɛ nna no a na woda adagya na wonnam kwaterekwa bɔ wo ho adapaa, wo mogya mu no.

Hesekiel 16:60

Na me deɛ, mɛkae m’apam a me ne wo pamm no wo mmabaaberɛ mu no, na mɛma daa apam atim hɔ ama wo.

Hesekiel 16:8

Na mebɛsianee wo ho na mehunuu wo, na hwɛ, ɛyɛ wo berɛ, ɔdɔ berɛ; na mede me ntaban metrɛɛ wo so, na mekataa w’adagya so, na mekaa wo ntam, na me ne wo yɛɛ apam, AWURADE Nyankopɔn asɛm nie, na woyɛɛ me deɛ.

Hesekiel 28:25

Sɛ AWURADE Nyankopɔn seɛ nie: Sɛ menya boa Israel fie ano firi aman a wɔapete wɔn mu no mu a, mɛyi me kronkronyɛ adi wɔ wɔn mu amanaman no ani so, na wɔbɛtena wɔn asase a mede maa m’akoa Yakob no so.

Hesekiel 28:26

Na wɔbɛtena so dwoodwoo, asi adan, ayeyɛ bobe nturo, na wɔatena ase dwoodwoo, ɛfiri sɛ mɛyɛ atemmudeɛ, wɔn a wɔatwa wɔn ho ahyia bu wɔn animtia no nyinaa mu, na wɔahunu sɛ mene AWURADE wɔn Nyankopɔn.

Hosea 11:1

Israel yɛ aberanteɛ no, na medɔ no, na Misraim na mefrɛɛ me ba firiiɛ.

Hosea 12:13

Na AWURADE nam odiyifoɔ so yii Israel firii Misraim bae, na ɔnam odiyifoɔ so hwɛɛ wɔn.

Hosea 12:9

Nso mene AWURADE wo Nyankopɔn de firi Misraim asase so; mɛma woatena ntomadan mu bio sɛ afahyɛ nna no mu.

Hosea 13:4

Nso mene AWURADE wo Nyankopɔn de firi Misraim asase so, na wonnim Onyankopɔn biara sɛ me nko, na ɔgyefoɔ biara nni m’akyi.

Hosea 2:12

Na mɛsɛe ne bobe ne ne borɔdɔma a ɔkaa sɛ: Yeinom ne m’apɛdeɛ a m’adɔfoɔ de maa me no ne no; na mɛyɛ no kwaeɛ ama wiram mmoadoma adi.

Amos 9:14

Na mɛdane me man Israel nnommumfa no, na wɔabɛkyekyere nkuro agoago no atena mu, na wɔatɛ bobe nturo na wɔanom mu nsa, na wɔayɛ nturo na wɔadi mu aba.

Sakaria 9:12

Monsane mmra aban a ɛyɛ den no mu, mo nneduafoɔ a mowɔ anidasoɔ. Ɛnnɛ yi mpo mereka makyerɛ wo sɛ mmɔho na mede mahyɛ w’ananmu.

4 Mose 21:17

Ɛberɛ no mu na Israel too dwom yi sɛ: Asubura, tue! Monnye no so!

Yohane 10:9

Mene ɛpono no; sɛ obi fa me so kɔ mu a, wɔbɛgye no nkwa, na ɔbɛkɔ mu, na ɔbɛfiri adi, na ɔbɛnya adidibea.

Asomafo 14:27

Na wɔbaeɛ na wɔfrɛɛ asafo no boaa ano no, wɔkaa deɛ Onyankopɔn de wɔn akɔyɛ nyinaa ne sɛdeɛ wabue gyidie pono ama amanaman mufoɔ no.

Yosua 7:26

Na wɔhɔree ne so abosie kɛseɛ a ɛwɔ hɔ de bɛsi nnɛ yi. Na AWURADE dane firii n’abufuhyeɛ no ho. Ɛno nti wɔfrɛ hɔ sɛ Akor bonhwa de bɛsi nnɛ yi.

Atemmufo 8:34

Na Israelfoɔ no ankae AWURADE wɔn Nyankopɔn a ɔyii wɔn firii wɔn atamfoɔ nyinaa nsam hyiaeɛ no,