Hiob 8:2 - Twerɛ Kronkron

² Ɛnkɔsi berɛ bɛn na wobɛka yeinom, na w’anomu nsɛm bɛyɛ sɛ mframa denden yi?

Akuapem Twi Nkwa Asɛm

² “Wobɛkɔ so aka saa nsɛm yi akosi da bɛn? Wo nsɛm yɛ mframa huhuw.

New Revised Asante Twi Bible

² Ɛnkɔsi berɛ bɛn na wobɛka yeinom, na w’anomu nsɛm bɛyɛ sɛ mframa denden yi?

Asante Twi Nkwa Asɛm

² “Wobɛkɔ so aka saa nsɛm yi akɔsi da bɛn? Wo nsɛm yɛ mframa huhuo.

KYERƐW KRONKRON

² Enkosi bere bɛn na wobɛka eyinom, na w’anom nsɛm bɛyɛ sɛ mframa dennen?

Hiob 8:2 Referencias Cruzadas

1 Ahene 19:11

Na ɔkaa sɛ: Firi adi kɔgyina bepɔ no so AWURADE anim. Na hwɛ, AWURADE twaa mu, na mframa kɛseɛ a ɛyɛ den paepaee mmepɔ na ɛbubuu abotan dii AWURADE anim; nanso na ɛnyɛ mframa no mu na AWURADE wɔ; na mframa no akyiri no asasewosoɔ, na ɛnyɛ asasewosoɔ no mu na AWURADE wɔ;

Hiob 15:2

Onyansafoɔ de nimdeɛ huuhuu bɛbua, na ɔde apueeɛ mframa ahyɛ n’afuru ma anaa?

Hiob 16:3

Nsɛnhuuhuu yi awieeɛ nie? Anaasɛ ɛdeɛn na ɛhwanyan wo ma wobua?

Hiob 18:2

Mobɛkɔ nsɛnkeka so akɔsi da bɛn? Monnwene ho, na ɛno akyiri no, yɛakasa.

Hiob 6:26

Nsɛm ho animka na modwene? Ɔwerɛhoni deɛ, ne nsɛm yɛ mframa.

Hiob 6:9

Sɛ Onyankopɔn pene na ɔpɛkyɛ me, na ɔgya ne nsa kwan na ɛtwa me ɛ!

Hiob 7:11

Enti me nso meremmua m’ano, mɛkasa me honhom ahohiahia mu, mɛsi apini m’awerɛhoɔ mu.

Hiob 8:1

Ɛnna Suhini Bildad gyee so sɛ:

2 Mose 10:3

Na Mose ne Aaron kɔɔ Farao nkyɛn kɔka kyerɛɛ no sɛ: Sɛ AWURADE, Hebrifoɔ Nyankopɔn no seɛ nie: Wobɛma wo ho so wɔ m’anim akɔsi da bɛn? Ma me man nkɔ nkɔsom me.

2 Mose 10:7

Ɛnna Farao nkoa ka kyerɛɛ no sɛ: Da bɛn ara na oyi nteetee yɛn ara nkɔsie? Ma nnipa no nkɔ nkɔsom AWURADE wɔn Nyankopɔn. Wonnya nhunuu sɛ Misraim resɛe anaa?

Mmebusɛm 1:22

Da bɛn ara na mo ntetekwaa mobɛpɛ ntetekwaasɛm akɔsie? Na afɛdifoɔ bɛpɛ wɔn afɛdie, na nkwaseafoɔ akyiri nimdeɛ?

Yeremia 5:13

Na adiyifoɔ no bɛdanedane mframa a asɛm biara nni wɔn anomu. Sɛdeɛ ɛbɛyɛ wɔn ne no.