Hesekiel 1:15 - Twerɛ Kronkron

¹⁵ Na merehwɛ abɔdeɛ ateasefoɔ no, na hwɛ, na nkyimiiɛ baako si asase so wɔ abɔdeɛ ateasefoɔ no nkyɛn mu, anim nnan no mu biara deɛ koro.

Akuapem Twi Nkwa Asɛm

¹⁵ Bere a merehwɛ ateasefo no, mihuu sɛ nkyimii si fam wɔ ateasefo a wɔn mu biara anim yɛ anan no nkyɛn mu.

New Revised Asante Twi Bible

¹⁵ Na merehwɛ abɔdeɛ ateasefoɔ no, na hwɛ, na nkyimiiɛ baako si asase so wɔ abɔdeɛ ateasefoɔ no nkyɛn mu, anim nnan no mu biara deɛ koro.

Asante Twi Nkwa Asɛm

¹⁵ Ɛberɛ a merehwɛ ateasefoɔ no, mehunuu sɛ ntwahonan si fam wɔ ateasefoɔ a wɔn mu biara anim yɛ ɛnan no nkyɛn mu.

KYERƐW KRONKRON

¹⁵ Na mehwɛɛ ateasefo no, na hwɛ, nkyimii biako si asase so, ateasefo no nkyɛn mu a n’anim yɛ anan;

Hesekiel 1:15 Referencias Cruzadas

1 Ahene 7:30

Na nnaka no wowɔ kɔbere mfrafraeɛ ntwahonan nnan nnan ne kɔbere mfrafraeɛ nhyɛmu dua, na ne nsisoɔ nan nnan no so wowɔ nsosɔmu nsa bi, wɔgui, dwaresɛn no ase, na nhahamma nkyekyereɛ wowɔ nkyɛn nkyɛn.

Hesekiel 1:6

wɔwowɔ anim nnan nnan, na wɔn mu biara wɔ ntaban nnan nnan.

Hesekiel 10:2

Na ɔka kyerɛɛ ɔbarima a ɔhyɛ nwera atadeɛ no sɛ: Kɔ nkyimiiɛ no ntam, Kerub no ase hɔ, na fa nnyansramma firi Kerubim no ntam hyehyɛ wo nsam ma ma, na fa pete kuro no so. Na ɔkɔɔ mu wɔ m’anim.

Hesekiel 10:9

Na mehunui, na hwɛ, na nkyimiiɛ nnan wowɔ Kerubim no nkyɛn mu, nkyimiiɛ baako wɔ Kerubim no mu biara nkyɛn mu, na nkyimiiɛ no ani te sɛ sikabereɛboɔ ani.

Hesekiel 3:13

Na metee ateasefoɔ no ntaban a ɛtwitwi mu no nne, ne nkyimiiɛ a ɛwowɔ wɔn nkyɛn mu no nne, ne ɔwosoɔ kɛseɛ nne.

Adiyisɛm 4:7

Na ɔteasefoɔ a ɔdi kan no te sɛ gyata, na ɔteasefoɔ a ɔtɔ so mmienu no te sɛ nantwie ba, na ɔteasefoɔ a ɔtɔ so mmiɛnsa no wɔ anim te sɛ onipa, na ɔteasefoɔ a ɔtɔ so nnan no te sɛ ɔkɔdeɛ a ɔtuo.