1 Mose 1:2 - Twerɛ Kronkron

² Na asase da hɔ hunu a ɛnni bɔbea biara, na esum wɔ ebunu ani. Na Nyankopɔn honhom butu nsuo no ani.

Akuapem Twi Nkwa Asɛm

² Na asase yɛ basaa a na ɛda mpan, na sum kata bun no ani, na Onyankopɔn Honhom butuw nsu no ani.

New Revised Asante Twi Bible

² Na asase da hɔ hunu a ɛnni bɔbea biara, na esum wɔ ebunu no ani. Na Onyankopɔn honhom butu nsuo no ani.

Asante Twi Nkwa Asɛm

² Na asase yɛ sakasaka ne hunu. Na esum kata nsubunu no ani. Na Onyankopɔn honhom butu nsuo no ani.

KYERƐW KRONKRON

² Na asase da hɔ hunu a enni bɔbea biara na Onyankopɔn honhom butuw nsu no ani.

1 Mose 1:2 Referencias Cruzadas

Hiob 26:14

Hwɛ, yeinom ne n’akwan ano ano, na ɛho asomusɛm bi nko na yɛteɛ, na ne mmaninyɛ prannaa a ɛbom no, hwan na ɔbɛhunu mu?

Hiob 26:7

Ɔno na ɔtrɛ ɔsoro a ɛbirie no mu ahunumu, na ɔde asase sɛne deɛ biribi nnie.

Hiob 38:9

na mede mununkum meyɛɛ ne nkataho, ne sum kabii nso meyɛɛ n’aboomu,

Hiob 41:32

Ɔma ɔkwan hyerɛn di n’akyi, ma wɔbu ebunu a ɛhuro no sɛ ɛdwono.

Nnwom 104:30

Wosoma w’ahome ba, na wode bɔ wɔn, na woma asase ani yɛ foforɔ.

Nnwom 104:6

Wode ebunu kataa so sɛ atadeɛ, nsuo gyinaa mmepɔ so,

Nnwom 136:6

Deɛ ɔde asase trɛɛ nsuo soɔ no, na n’adɔeɛ wɔ hɔ daa.

Nnwom 148:7

Monyi AWURADE ayɛ mfiri asase so, nsuboa ahodoɔ ne abunu nyinaa;

Nnwom 33:6

AWURADE de n’asɛm na ɛyɛɛ ɔsoro, na ɔde n’anomu honhom yɛɛ emu asafo nyinaa.

Mmebusɛm 8:24

Abunu nni hɔ no, na wɔawo me, nsutire a ɛba nsuo pii nni hɔ no;

Yesaia 31:5

Sɛdeɛ nnomaa a wɔtuo yɛ no, saa na asafo AWURADE bɛbɔ Yerusalem ho ban, ɔbɛbɔ ho ban agye no nkwa, ɔbɛsiane ho, na wahu no mmɔbɔ.

Yesaia 45:18

Na sɛ AWURADE a ɔbɔɔ ɔsoro na ɔnwonoo asase na ɔyɛeɛ no seɛ nie, (ɔne Nyankopɔn), (ɔno na ɔde sii hɔ); wammɔ no hunu na ɔnwonoo no sɛ wɔntena so: Mene AWURADE, na obiara nni hɔ bio.

Yeremia 4:23

Mehwɛɛ asase, na hwɛ, na ɛyɛ sakasaka ne amamfo. Na mehwɛɛ ɔsoro, na ne hann nni hɔ.

Nahum 2:10

Hwɛ, Ninewe sɛdeɛ woada mpan, woayɛ hunu na woadane amamfo, na w’akoma ahodwo na wo nankoroma hinhim, w’asene mu nyinaa yɛ wo ya, ne sɛdeɛ w’anim asiam fitaa.

2 Korintofo 4:6

Ɛfiri sɛ ɛyɛ Onyankopɔn a ɔkaa sɛ hann mfiri esum mu nhyerɛn no na wahyerɛn yɛn akoma mu, sɛ Nyankopɔn animuonyam a ɛwɔ Kristo anim no ho nimdeɛ hyerɛn.

5 Mose 32:11

Sɛdeɛ ɔkɔdeɛ hwanyan ne buo na ɔtu bɔ ne mma ho mpɛmpɛ no, ɔtrɛɛ ne ntaban mu faa no, ɔsoaa no ne ntakra so.