1 Berɛsosɛm 12:2 - Twerɛ Kronkron

² taduakurafoɔ a wɔtumi de nifa ne benkum to aboɔ ne agyan tadua soɔ.

Akuapem Twi Nkwa Asɛm

² Na wɔn nyinaa yɛ agyantowfo antoamfomfo. Na wotumi de wɔn nsa benkum ne nifa nyinaa tow agyan ne ahwimmo. Na wɔn nyinaa yɛ Saulo abusuafo a wofi Benyamin abusuakuw mu.

New Revised Asante Twi Bible

² taduakurafoɔ a wɔtumi de nifa ne benkum to aboɔ ne agyan tadua soɔ.

Asante Twi Nkwa Asɛm

² Na wɔn nyinaa yɛ agyantofoɔ toamfomfoɔ. Na wɔtumi de wɔn nsa benkum ne nifa nyinaa to agyan ne ahwimmoɔ. Na wɔn nyinaa yɛ Saulo abusuafoɔ a wɔfiri Benyamin abusuakuo mu.

KYERƐW KRONKRON

² takurafo a wotumi de nifa ne benkum tow abo ne agyan.

1 Berɛsosɛm 12:2 Referencias Cruzadas

1 Berɛsosɛm 12:29

ne Benyamin mma, Saulo nuanom, mu mpensa; na ɛde bɛsi berɛ no mu na wɔn mu dodoɔ ara adi Saulo fie nokorɛ;

1 Berɛsosɛm 12:3

Saulo nuanom a wɔfiri Benyamin mu: Gibeani Semaa mma Ahieser a ɔdi tire ne Yoas ne Asmawet mma Yesiel ne Pelet ne Beraka ne Anatotni Yehu,

1 Berɛsosɛm 8:40

Na Ulam mma yɛ mmarima ahoɔdenfoɔ a wɔtumi wɔn ho, wɔkuntunu tadua, na wɔwɔ mma bebree ne mma mma ɔha aduonum. Yeinom nyinaa yɛ Benyamin mma asefoɔ.

Nnwom 78:9

Efraim mmabanin, taduakurafoɔ, bɛmmatofoɔ, wɔdane wɔn ani ɔko da.

Atemmufo 20:16

Dɔm yi nyinaa mu mmarima a wɔayi wɔn ahanson yɛ abenkum, wɔn nyinaa tumi to enwi mu ntɔmmoɔ a ɛmfom.

Atemmufo 3:15

Ɛnna Israel mma no su frɛɛ AWURADE, na AWURADE maa ɔgyefoɔ bi so maa wɔn, Gera ba Ehud, Benyaminni a ɔyɛ abenkum no. Na Israelfoɔ no de ayɛyɛdeɛ nam ne so kɔmaa Moabhene Eglon.

1 Samuel 17:49

Na Dawid tenee ne nsa hyɛɛ kotokuo no mu yii ɔboɔ wɔ mu, na ɔtoo ntɔmmoɔ no bɔɔ Filistini no moma so, na ɔboɔ no hyɛnee ne tirim, na ɔhwee ase maa n’anim butuu fam.