Yoel 3:12 - New Revised Asante Twi Bible

¹² Amanaman nsɔre ntu mmra Yehosafat bonhwa no mu; na ɛhɔ na mɛtena ase abu amanaman a wɔfiri afa nyinaa atɛn.

Twerɛ Kronkron

¹² Amanaman nsɔre ntu mmra Yehosafat bonhwa no mu; na ɛhɔ na mɛtena ase abu amanaman a wɔfiri afa nyinaa atɛn.

Akuapem Twi Nkwa Asɛm

¹² “Wɔnkanyan aman no; wontu nteɛ nkɔ Yehosafat bon no mu, efisɛ ɛhɔ na mɛtena na mabu aman a atwa ahyia no nyinaa atɛn.

Asante Twi Nkwa Asɛm

¹² “Wɔnkanyane aman no; wɔntu ntene nkɔ Yehosafat bɔnhwa no mu, ɛfiri sɛ ɛhɔ na mɛtena na mabu aman a atwa ahyia no nyinaa atɛn.

KYERƐW KRONKRON

¹² Amanaman nsɔre ntu mmra Yehosafat bon no mu; na ɛhɔ na mɛtena ase mabu amanaman a wofi afa nyinaa atɛn.

Yoel 3:12 Referencias Cruzadas

2 Berɛsosɛm 20:26

Na da a ɛtɔ so nnan no, wɔboaboaa wɔn ano wɔ Beraka Bonhwa no mu, ɛfiri sɛ ɛhɔ na wɔhyiraa AWURADE, enti na wɔfrɛ ɛhɔ din sɛ “Beraka-Bonhwa” de bɛsi nnɛ.

Nnwom 7:6

AWURADE, sɔre w’abufuo mu, ma wo ho so tia m’ahohiahiafoɔ aniɛden, na nyane ma me, wo a woahyɛ atemmuo.

Nnwom 96:13

wɔ AWURADE anim, na ɔreba, na ɔreba abɛbu asase atɛn. Ɔrebɛbu wiase atɛn tenenee mu, ne aman wɔ ne nokorɛ mu.

Nnwom 98:9

AWURADE anim, na ɔreba abɛbu asase atɛn. Ɔbɛbu wiase atɛn, tenenee mu, ne aman wɔ atɛntenenee mu.

Yesaia 2:4

Na ɔbɛbu amanaman no ntam atɛn, na ɔbɛdi nnipa bebree ntam asɛm, na wɔde wɔn nkrantɛ abobɔ nsɔ, ne wɔn mpea ayɛ aderɛ. Ɔman bi remmma afena so ntia ɔman foforɔ, na wɔrensua akodie bio.

Yesaia 22:1

Adehunu bonhwa no ho atemmusɛm. Ɛdeɛn na ɛreyɛ woɔ na wo nnipa nyinaa aforo kɔ adan atifi yi?

Yesaia 3:13

AWURADE asɔre redi asɛm, na wabɛgyina hɔ rebu aman atɛn;

Hesekiel 30:3

Na ɛda no abɛn, ɛda no abɛn ama AWURADE, mununkum da, ɛbɛyɛ amanaman berɛ.

Hesekiel 39:11

Na ɛda no, mɛma Gog baabi wɔ Israel a ɛbɛyɛ n’asieeɛ. Ɛwɔ akwantemfoɔ bonhwa a ɛwɔ ɛpo no anim fam, na ɛbɛsi akwantemfoɔ kwan, na ɛhɔ na wɔbɛsie Gog ne n’asafo yuu no nyinaa, na wɔafrɛ hɔ sɛ: Gog asafo yuu no bonhwa.

Yoel 3:14

Nnipa yuu, nnipa yuu wɔ atemmuo bonhwa no mu; ɛfiri sɛ AWURADE da no abɛn, atemmuo bonhwa no mu.

Yoel 3:2

mɛboaboa amanaman nyinaa ano, na mede wɔn bɛsiane aba Yehosafat bonhwa no mu, na me ne wɔn adi asɛm wɔ hɔ, me man ne m’agyapadeɛ Israel a wɔabɔ wɔn apete amanaman mu, na wɔakyɛ m’asase no mu nti.

Mika 4:3

Na ɔbɛbu aman pii mu atɛn, na waka aman akɛseɛ a ɛwɔ akyirikyiri no anim, na wɔde wɔn afena abobɔ nsɔ, na wɔde wɔn mpea ayeyɛ nnerɛ; ɔman bi remma afena so ntia ɔman bi, na wɔrensua akodie bio.

Sakaria 14:4

Na ɛda no ne nan bɛsisi Ngo-Bepɔ a ɛda Yerusalem ntentensoɔ apueeɛ fam no so, na Ngo-Bepɔ mfimfini bɛpae mmienu afiri apueeɛ fam akɔsi atɔeɛ fam, na ayɛ bonhwa kɛseɛ pa ara, na bepɔ no fa bɛtwe akɔ atifi fam, na ɔfa akɔ anafoɔ fam.

Adiyisɛm 19:11

Na mehunuu sɛ ɔsoro abue, na hwɛ, ɔpɔnkɔ fitaa bi nie, na deɛ ɔte ne soɔ no, wɔfrɛ no Ɔseadeɛyɛ ne Ɔnokwafoɔ, na ɔbu atɛn, na ɔtu sa wɔ tenenee mu.