Yesaia 48:6 - New Revised Asante Twi Bible

⁶ Woate; hwɛ yei nyinaa; na wo nso worenka nkyerɛ? Merema woate nsɛm foforɔ afiri sɛsɛɛ, ne deɛ wɔakora a wonhunuiɛ no;

Twerɛ Kronkron

⁶ Woate; hwɛ yei nyinaa; na wo nso worenka nkyerɛ? Merema woate nsɛm foforɔ afiri sɛsɛɛ, ne deɛ wɔakora a wonhunuiɛ no;

Akuapem Twi Nkwa Asɛm

⁶ Moate eyinom nyinaa; monhwɛ wɔn nyinaa. Morennye wɔn nto mu ana? “Efi saa bere yi de rekɔ mɛka nsɛm foforo akyerɛ mo, ɛfa nneɛma a ahintaw a munnim ho.

Asante Twi Nkwa Asɛm

⁶ Moate yeinom nyinaa; moahunu ne nyinaa. Morennye nto mu anaa? “Ɛfiri saa ɛberɛ yi de rekorɔ mɛka nneɛma foforɔ akyerɛ mo, nneɛma a ahinta a monnim.

KYERƐW KRONKRON

⁶ Woate; na afei hwɛ eyi nyinaa; na wo nso worenka nkyerɛ? Merema woate nsɛm foforo afi sesɛɛ, ne nea wɔakora so a wunhui no;

Yesaia 48:6 Referencias Cruzadas

Nnwom 107:43

Obiara a ɔyɛ onyansafoɔ no, ma no mmu yeinom, na ma wɔnwene AWURADE adɔeɛ ho.

Nnwom 119:13

Mede m’ano maka w’anomu atemmuo nyinaa.

Yesaia 21:10

M’adeɛ a wɔaporeɛ ne m’ayuporeeɛ ase ba! Deɛ mate no asafo AWURADE, Israel Nyankopɔn, anomu no, na maka makyerɛ woɔ yi.

Yesaia 42:20

Wahunu nnoɔma pii, nso ɔnhwɛ, wɔabue n’aso, nso ɔnte asɛm.

Yesaia 42:8

Mene AWURADE, me din ne no, na meremfa m’animuonyam mma obi, na m’ayeyie nso, meremfa mma ahoni.

Yesaia 42:9

Akane deɛ no, hwɛ, aba mu, na nnoɔma foforɔ na merekyerɛ, ɛnnya mfifiriiɛ yi merema moate.

Yesaia 43:19

Hwɛ, mereyɛ ade foforɔ bi, afei na ɛrefifire, monhunu? Mɛbɔ ɛserɛ so kwan, mɛma nsubɔntene aba anwea pradada so.

Yesaia 48:7

afei na wɔabɔ, na ɛmfiri tete, na wontee da gye nnɛ, na woanka sɛ: Hwɛ, menim dada.

Yeremia 2:31

Mo, nnɛɛmma, montie AWURADE asɛm. Madane ɛserɛ so ama Israel, anaasɛ asase a aduru sum kabii? Ɛdeɛn nti na me man ka sɛ: Yɛafa yɛn ho adi, yɛremma wo nkyɛn bio?

Yeremia 33:3

Frɛ me, na mɛgye wo so, na maka wo nsɛm akɛseɛ ne nnoɔma a ahunta a wonhunuiɛ.

Yeremia 50:2

Monka no amanaman mu, momma wɔnte na monsi frankaa, momma wɔnte, na mommfa nsuma, monka sɛ: Wɔafa Babel, wɔakum Bel aniwuo, wɔayɛ Merodak pasaa, wɔahyɛ n’ahoni aniwuo, wɔayɛ n’abosom pasaa.

Amos 3:6

Anaasɛ wɔhyɛne totorobɛnto kuro mu a ɔman mmɔ binim? Anaasɛ bɔne bi ba kuro bi mu a ɛnyɛ AWURADE na ɔma no baeɛ?

Mika 6:9

AWURADE nne refrɛ kuro no, na wɔn a wɔsuro no no yɛ anyansafoɔ, montie ntea ne deɛ ɔhyɛeɛ no.

Mateo 10:27

Deɛ meka mekyerɛ mo esum mu no, monka no hann mu, na deɛ mote no mo aso mu no, mompae mu nka no adan atifi.

Yohane 15:15

Memfrɛ mo nkoa bio, ɛfiri sɛ akoa nnim deɛ ne wura reyɛ; na mafrɛ mo nnamfo, ɛfiri sɛ nnoɔma a mate no m’Agya nkyɛn nyinaa maka makyerɛ mo.

Asomafo 1:8

na mmom sɛ Honhom Kronkron no nya ba mo so a, mobɛnya ahoɔden, na moayɛ m’adansefoɔ Yerusalem ne Yudea nyinaa ne Samaria de akɔpem asase ano nohoa.

1 Korintofo 2:9

na mmom sɛdeɛ wɔatwerɛ sɛ: Deɛ ani nhunuiɛ, na aso nteeɛ na ɛmmaa onipa akoma mu da ne nnoɔma a Onyankopɔn asiesie ama wɔn a wɔdɔ no no.

Adiyisɛm 1:19

Twerɛ deɛ wohunu, ne deɛ ɛwɔ hɔ, ne deɛ yei akyiri no ɛrebɛba:

Adiyisɛm 4:1

Yei akyiri no, mehwɛe, na hwɛ, wɔahini ɛpono ɔsoro, na ɛnne a metee kane sɛ totorobɛnto a ɛne me kasaeɛ no se: Foro bra ha na mɛkyerɛ wo deɛ ɛtwa sɛ yeinom akyiri no ɛba.