Yesaia 47:9 - New Revised Asante Twi Bible

⁹ Na nnoɔma mmienu yi bɛba wo so amonom, da koro, abawuo ne kunayɛ. Ɛbɛba wo so ama no aduru pɛ, wo ntafowayie dodoɔ ne wo nkaberɛkyekyerɛ a ano yɛ den no nyinaa akyiri.

Twerɛ Kronkron

⁹ Na nnoɔma mmienu yi bɛba wo so amonom, da koro, abawuo ne kunayɛ. Ɛbɛba wo so ama no aduru pɛ, wo ntafowayie dodoɔ ne wo nkaberɛkyekyerɛ a ano yɛ den no nyinaa akyiri.

Akuapem Twi Nkwa Asɛm

⁹ Saa nneɛma abien yi bɛto wo prɛko pɛ, da koro pɛ: awommawu ne kunayɛ. Saa nneɛma yi bɛba wo so pa ara, wʼabayisɛm bebrebe yi ne ntafowayi a mu yɛ den nyinaa akyi.

Asante Twi Nkwa Asɛm

⁹ Saa nneɛma mmienu yi bɛto wo prɛko pɛ, dakoro pɛ: abawuo ne kunayɛ. Saa nneɛma yi bɛba wo so pa ara, wʼabayisɛm bebrebe yi ne ntafowayie a emu yɛ den nyinaa akyi.

KYERƐW KRONKRON

⁹ Na ade abien yi bɛba wo so afrɛso, mpofirim da koro, mmasigyaw ne kunayɛ; ɛbɛba wo so ma ayɛ hu, wo ntafowayi dodow ne wo kaberɛkyere a ano yɛ den rentumi nyɛ hwee.

Yesaia 47:9 Referencias Cruzadas

Nnwom 73:19

Hwɛ sɛ wɔadane sɛ amamfo seesei ara, ehu ama wɔawie sa.

Yesaia 13:16

na wɔbɛposa wɔn mmotafowa, wɔ wɔn anim, wɔbɛfomfom wɔn afie afa, na wɔabobɔ wɔn yerenom adapaa.

Yesaia 21:9

na hwɛ, nteaseɛnam ne nnipa, apɔnkɔsotefoɔ baanu baanu na wɔreba yi. Na ɔgyee so sɛ: Ahweaseɛ oo! Babel ahwe ase! Na n’anyame ahoni nyinaa, wɔabubu agu fam.

Yesaia 47:11

Na mmusuo bɛto wo a worenhunu yi; na abuo bɛbu wo a worentumi mpata; na mpofirim na ɔsɛeɛ bɛba wo soɔ, worenni no hunkan.

Yeremia 15:9

ɔbaa a wawo nson ahodwo, watɔ piti; adeɛ nnya nsaeɛ no, na n’awia atɔ, n’ani awu na n’anim agu ase; na mɛyi wɔn nkaeɛ mama afena, wɔn atamfoɔ anim, AWURADE asɛm nie.

Yeremia 51:29

Na asase no woso na ɛpopo, ɛfiri sɛ AWURADE tirimbɔ no ba mu, Babel ho, sɛ ɔrebɛyɛ Babel asase amamfo a obiara nte soɔ.

Daniel 2:2

Ɛnna ɔhene kaa sɛ wɔnkɔfrɛ nkonyaayifoɔ, pɛadeahunufoɔ, ntafowayifoɔ ne Kaldeafoɔ mmra, na wɔmmɛkyerɛ ɔhene daeɛ no. Na wɔba bɛgyinaa ɔhene anim.

Daniel 4:7

Ɛnna nkonyaayifoɔ, pɛadeahunufoɔ, Kaldeafoɔ ne nyankonnekyerɛfoɔ baeɛ, na meyii daeɛ no kyerɛɛ wɔn, nanso wɔantumi ankyerɛ me aseɛ.

Daniel 5:30

Anadwo no ara na wɔkumm Kaldeafoɔ hene Belsasar.

Daniel 5:7

Ɔhene no teaa mu denden sɛ wɔmfa pɛadeahunufoɔ, Kaldeafoɔ ne nyankonnekyerɛfoɔ mmra. Ɔhene no bua see Babel anyansafoɔ no sɛ: Obiara a ɔbɛkenkan atwerɛ yi na wakyerɛ me aseɛ no, wɔbɛfira no ɔtankɔkɔɔ, na sika atweaban agu ne kɔn mu, na wayɛ deɛ ɔtɔ so mmiɛnsa adi ahennie yi mu tumi.

Nahum 3:4

Yei nyinaa firi Ninewe, odwamamfoɔ hoɔfɛfoɔ ntafowayifoɔ no adwamammɔ dodoɔ no, ɔno na ɔde n’adwamammɔ tɔn amanaman, na ɔde ne ntafowayie tɔn mmusuakuo.

1 Tesalonikafo 5:3

Na berɛ a wɔbɛka sɛ: Yɛwɔ asomdwoeɛ ne ahotɔ no, ɛnneɛ mpofirim na ɔsɛeɛ bɛba wɔn soɔ sɛ awoko ba ɔbaa a ɔnyem soɔ, na wɔrennya kwan nnwane.

Adiyisɛm 21:8

Na ahufoɔ ne wɔn a wɔnnye nnie ne akyiwadeyɛfoɔ ne awudifoɔ ne nnwamammɔfoɔ ne adutofoɔ ne abosonsomfoɔ ne atorofoɔ nyinaa bɛnya wɔn kyɛfa wɔ ɔtadeɛ a egya ne sɔfe dɛre mu no mu, ɛno ne owuprenu no.

Adiyisɛm 22:15

Na kuro no akyiri na akraman ne adutofoɔ ne nnwamammɔfoɔ ne awudifoɔ ne abosonsomfoɔ ne wɔn a wɔpɛ atorɔ na wɔdie nyinaa wɔ.

Rut Nwoma 1:20

Na ɔka kyerɛɛ wɔn sɛ: Mommfrɛ me Naomi, na momfrɛ me Mara, ɛfiri sɛ Tweaduampɔn ne me adi no nwononwono so sɛ!

Rut Nwoma 1:5

Na wɔn baanu no, Mahlon ne Kilion, nso wuwui, na ɛkaa ɔbaa no (Naomi) nko, ne ne mma baanu no, ne kunu wuo no akyi.