Yesaia 41:12 - New Revised Asante Twi Bible

¹² Wɔn a wɔne wo ham no, wobɛhwehwɛ wɔn, nanso worenhu wɔn; na wɔn a wɔne wo di ako no bɛyɛ sɛdeɛ wɔnyɛ hwee, na wɔasa.

Twerɛ Kronkron

¹² Wɔn a wɔne wo ham no, wobɛhwehwɛ wɔn, nanso worenhu wɔn; na wɔn a wɔne wo di ako no bɛyɛ sɛdeɛ wɔnyɛ hwee, na wɔasa.

Akuapem Twi Nkwa Asɛm

¹² Ɛwɔ mu sɛ wobɛhwehwɛ wʼatamfo de, nanso worenhu wɔn. Wɔn a wotu wo so sa no rensɛ hwee koraa.

Asante Twi Nkwa Asɛm

¹² Ɛwom sɛ wobɛhwehwɛ wʼatamfoɔ deɛ, nanso worenhunu wɔn. Wɔn a wɔtu wo so sa no rensɛ hwee koraa.

KYERƐW KRONKRON

¹² Wobɛhwehwɛ wɔn a wɔne wo ham no nanso worenhu wɔn; na wɔn a wɔne wo adi ako no bɛyɛ sɛ wɔnyɛ hwee, na wɔasa.

Yesaia 41:12 Referencias Cruzadas

Yesaia 17:14

Anwummerɛ no, na hwɛ, binimbɔ aba; adeɛ nnya nkyeeɛ no, na wɔnni hɔ bio: Yei ne yɛn dwotwafoɔ, kyɛfa ne yɛn fomfafoɔ adeɛ a wɔnya.

Yesaia 29:8

Na ɛbɛyɛ sɛ, obi a ɛkɔm de no so daeɛ, na hwɛ, ɔredidie, na ɔnyane a, ɛkɔm da so de no, anaasɛ, deɛ sukɔm de no so daeɛ, na hwɛ, ɔrenom nsuo, na ɔnyane a, na watɔ piti, na sukɔm da so de no, saa ara na amanaman bebrebe a wɔabɛtu Sion bepɔ so sa no nyinaa bɛyɛ.

Yesaia 34:12

Na wɔbɛfrɛ hɔ sɛ, Ahennie Biara Nni Hɔ, na n’asafohene nyinaa bɛyera.

Yesaia 49:25

Na sɛ AWURADE seɛ nie: Dɔmmarima nnommum mpo, wɔbɛgye, deɛ ne ho yɛ hu nso adeɛ a wafa bɛfiri mu afi, na me ara mene deɛ ɔne wo ham no bɛham, na me ara mɛgye wo mma nkwa.

Sefania 3:19

Hwɛ, me ne w’ahafoɔ nyinaa bɛdi, ɛberɛ no mu, na mɛgye asiiɛfoɔ no, na matase wɔn a wɔapam wɔn no; mɛma wɔanya animuonyam ne din wɔ asase a wɔn anim agu ase nyinaa so.