Yesaia 33:4 - New Revised Asante Twi Bible

⁴ Na wɔtase asadeɛ sɛ osa tase adeɛ, sɛdeɛ ntutummɛ hurihuri no, saa ara na wɔhurihuri wɔ soɔ.

Twerɛ Kronkron

⁴ Na wɔtase asadeɛ sɛ osa tase adeɛ, sɛdeɛ ntutummɛ hurihuri no, saa ara na wɔhurihuri wɔ soɔ.

Akuapem Twi Nkwa Asɛm

⁴ Wɔtase mo asade, Ao amanaman, sɛnea mmoadabimma yɛ; nnipa tow hyɛ so te sɛ mmoadabi dɔm.

Asante Twi Nkwa Asɛm

⁴ Sɛdeɛ ntutummɛ tu hyɛ asase so we so nnɔbaeɛ no; saa ara na nnipa bɛto ahyɛ Asiria so.

KYERƐW KRONKRON

⁴ Na wɔtase asade sɛ ntuntummɛ tase ade, sɛnea mmoadabi huruhuruw no, saa ara na wohuruhuruw wɔ so.

Yesaia 33:4 Referencias Cruzadas

2 Berɛsosɛm 14:13

Na Asa ne nnipa a wɔka ne ho no tii wɔn kɔduruu Gerar. Na Etiopiafoɔ mu nnipa totɔe ara kɔsii sɛ wɔsaeɛ, na wɔdwerɛɛ wɔn pasaa, AWURADE ne ne dɔm anim. Na wɔfaa asadeɛ bebree pa ara.

2 Berɛsosɛm 20:25

Na Yehosafat ne ne dɔm no kɔ kɔfomm wɔn asadeɛ no, na wɔhunuu wɔn mu ahodeɛ ne ntadeɛ ne nnwinneɛ a ɛyɛ fɛ pii pa ara, na wɔtase fae a na wɔntumi nsoa, na wɔde nnansa fomm asadeɛ no, ɛfiri sɛ na ɛdɔɔso bebree.

Yesaia 33:23

Wo ntampehoma mu ago, ɛntumi nsosɔ ne hyɛn dua mu, na ɛntrɛ hyɛn ntoma mu. Ɛno na wɔbɛkyɛ asadeɛ a wɔafa no bebree mu, mpakye mpo bɛfom adeɛ afa.

Yesaia 33:3

Hooyɛ no ano na aman dwanedwane, woma wo ho so a, amanaman hwete.

Yesaia 33:5

Wɔama AWURADE so, na ɔte soro tɔnn; ɔde atemmuo ne tenenee bɛhyɛ Sion ma.

Hesekiel 25:7

hwɛ, meretene me nsa atia wo, na mede wo ayɛ amanaman asadeɛ, na matwa wo afiri aman mu, na asɛe wo afiri aman mu, na madwerɛ wo, na woahunu sɛ mene AWURADE.

Yoel 1:4

Deɛ aketekyire adi aka no, ntutummɛ adi. Na deɛ ntutummɛ adi aka no, mfuntie adi. Na deɛ mfuntie adi aka no, mmɛbɛ adi.

Yoel 2:25

Na mfirinhyia a ntutummɛ, mfuntie, mmɛbɛ ne nketekyire, me dɔm kɛseɛ a mesomaa wɔn baa mo mu no diiɛ no, mɛhyɛ no ananmu.

Yoel 2:3

Ogya hye di wɔn anim, na ogyaframa tafere di wɔn akyi; wɔn anim asase te sɛ Eden turo, na wɔn akyiri deɛ yɛ ɛserɛ pradada, na biribiara remfiri wɔn anim nkɔ.

Yoel 2:9

wɔyɛ kuro mu manyamanya, wɔtutu ɔfasuo so mmirika, wɔforo ba afie mu, wɔfa mpomma mu ba sɛ owifoɔ.