Ɔsɛnkafo 7:12 - New Revised Asante Twi Bible

¹² Na nyansa nwunu ase tena te sɛ sika nwunu ase tena, na nimdeɛ yɛ mfasoɔ, na nyansa gye ne wura nkwa.

Twerɛ Kronkron

¹² Na nyansa nwunu ase tena te sɛ sika nwunu ase tena, na nimdeɛ yɛ mfasoɔ, na nyansa gye ne wura nkwa.

Akuapem Twi Nkwa Asɛm

¹² Sɛnea nimdeɛ yɛ bammɔ no, saa ara na sika nso te; nanso nhumu ho ade a eye ne sɛ: nea ɔwɔ nimdeɛ no bɔ ne nkwa ho ban.

Asante Twi Nkwa Asɛm

¹² Sɛdeɛ nimdeɛ yɛ banbɔ no saa ara na sika nso teɛ, nanso nhunumu ho adeɛ a ɛyɛ ne sɛ: deɛ ɔwɔ nimdeɛ no bɔ ne nkwa ho ban.

KYERƐW KRONKRON

¹² Na nyansa onwini ase tena te sɛ sika onwini ase tena, na nimdeɛ yɛ mfaso, na nyansa gye ne wura nkwa.

Ɔsɛnkafo 7:12 Referencias Cruzadas

Hiob 1:10

Ɛnyɛ wo na woabɔ ɔno ne ne fie ne ade a ɔwɔ nyinaa ho ban ahyia? Ne nsa ano adwuma woahyira so, na n’afieboa ase akyene asase so.

Nnwom 57:1

Hu me mmɔbɔ, Onyankopɔn, hu me mmɔbɔ, na wo na me kra dwane bɛtoa woɔ, na wo ntaban ase nwunu mu na mepɛ me dwanekɔhyɛbea kɔsi sɛ ahohia yi bɛtwa mu.

Mmebusɛm 11:4

Adedodoɔ nyɛ mma hwee abufuo da, na tenenee gye onipa firi owuo mu.

Mmebusɛm 14:20

Ohiani deɛ, ne yɔnko mpo tane no, na ɔdefoɔ adɔfo dɔɔso.

Mmebusɛm 2:11

adwempa bɛhwɛ wo so, na nteaseɛ abɔ wo ho ban,

Mmebusɛm 2:7

Ɔkora nyansa mapa ma teefoɔ, ɔyɛ ɛkyɛm ma wɔn a wɔnam pɛpɛ,

Mmebusɛm 3:18

Ɛyɛ nkwa dua ma wɔn a wɔsɔ ne mu, na nhyira ne deɛ ɔkura mu.

Mmebusɛm 8:35

Na deɛ ɔhu me no hunu nkwa, na ɔnya AWURADE hɔ anisɔ;

Mmebusɛm 9:11

Na me nti na wo nna bɛdɔɔso, na wɔde nkwa mfeɛ bɛka wo ho.

Ɔsɛnkafo 10:19

Sereɛ nti na wɔsiesie aduane, na nsa ma ateasefoɔ anigyeɛ, na sika na ɛyɛ adeɛ nyinaa.

Ɔsɛnkafo 2:13

Na mehunuu sɛ mfasoɔ wɔ nyansa mu sene nkwaseasɛm mu, sɛdeɛ hann mfasoɔ sene esum deɛ no.

Ɔsɛnkafo 7:19

Nyansa hyɛ onyansafoɔ den sene atumfoɔ du a wɔwɔ kuro mu.

Ɔsɛnkafo 9:16

Ɛnna mese: Nyansa yɛ sene mmaninyɛ, nanso wɔbu ohiani nyansa animtia, na ne nsɛm no, wɔntie.

Ɔsɛnkafo 9:18

Nyansa yɛ sene akodeɛ, na ɔdebɔneyɛni baako sɛe papa bebree.

Yesaia 30:2

Wɔsim kɔ Misraim a wɔmmisa m’anomu asɛm, sɛ wɔrekɔtwere Farao ahoɔden, na wɔakɔhyɛ Misraim nwunu mu.

Yesaia 32:2

na wɔn mu biara bɛyɛ sɛ mframa ano huntabea ne osuo ano dwanekɔbea, sɛ nkyɛkyerɛ so nsuwansuwa, sɛ asase a akyen so botan kɛseɛ nwunu.

Yesaia 33:6

Na ɔbɛyɛ wo berɛ mu ɔmannwoeɛ, nkwagyeɛ, nyansa ne nimdeɛ mmorosoɔ bɛba; AWURADE suro ne n’ademudeɛ.

Yohane 12:50

Na menim sɛ, n’ahyɛdeɛ no yɛ daa nkwa. Enti deɛ meka no, sɛdeɛ Agya no aka akyerɛ me no, saa ara na meka.

Yohane 17:3

Na yei ne daa nkwa, sɛ wɔbɛhu wo, nokorɛ Nyankopɔn koro no, ne deɛ wosomaa no no, Yesu Kristo no.

5 Mose 32:47

Na ɛnyɛ mo asɛnhunu, na mmom ɛne mo nkwa, na asɛm yi so na monam bɛma mo nna aware asase a moretwa Yordan akɔdi soɔ no so.

Filipifo 3:8

Nanso ampa ara meda so mebu nnoɔma nyinaa adehwereɛ, m’Awurade Kristo Yesu ho nimdeɛ a ɛboro soɔ no nti. Ne nti na mebuu nnoɔma no nyinaa adehwereɛ, na mebu no sɛ sumina so adeɛ, na Kristo ayɛ me mfasoɔ,

Atemmufo 9:15

Na nkasɛɛ ka kyerɛɛ nnua no sɛ: Sɛ nokorɛ mu na moresra me ngo asi me mo so hene a, ɛnneɛ mommra mmɛhyɛ me nwunu ase; na sɛ ɛnte saa a, ogya mfiri nkasɛɛ mu mmɛhye Lebanon ntweneduro no.