Nnwom 86:11 - New Revised Asante Twi Bible

¹¹ AWURADE, kyerɛ me wo kwan, mɛnante wo nokorɛ mu; ka m’akoma bom ma no nsuro wo din.

Twerɛ Kronkron

¹¹ AWURADE, kyerɛ me wo kwan, mɛnante wo nokorɛ mu; ka m’akoma bom ma no nsuro wo din.

Akuapem Twi Nkwa Asɛm

¹¹ Awurade, kyerɛ me wʼakwan, na mɛnantew wo nokware mu; ma memfa me koma nyinaa mma wo na masuro wo din.

Asante Twi Nkwa Asɛm

¹¹ Ao Awurade, kyerɛ me wʼakwan, na mɛnante wo nokorɛ mu; ma memfa mʼakoma nyinaa mma wo na masuro wo din.

KYERƐW KRONKRON

¹¹ AWURADE, kyerɛ me wo kwan, mɛnantew wo nokware mu, ka me koma bom ma ensuro wo din.

Nnwom 86:11 Referencias Cruzadas

Hiob 34:32

deɛ mennya menhunuiɛ, wo na kyerɛ me, sɛ madi amumuyɛsɛm a, merenni bio?

Nnwom 119:30

Mafa nokorɛdie kwan, mede w’atemmudeɛ magu m’anim.

Nnwom 119:33

AWURADE, kyerɛ me w’ahyɛdeɛ kwan, na mafa so makɔsi aseɛ.

Nnwom 119:73

Wo nsa na ɛyɛɛ me na ɛsiesiee me, ma me nteaseɛ, na mensua wo mmara nsɛm.

Nnwom 25:12

Onipa biara a ɔsuro AWURADE no, ɔbɛkyerɛ no kwan a ɔmfa soɔ.

Nnwom 26:3

Na w’adɔeɛ wɔ m’ani so, na menam wo nokorɛ mu.

Nnwom 27:11

AWURADE, kyerɛ me wo kwan, na fa me fa ɔtempɔn tamaa so, m’atɛfoɔ nti.

Nnwom 5:8

AWURADE, fa wo tenenee kyerɛ me kwan, wɔn a wɔtɛ me nti, tene wo kwan wɔ m’anim.

Hosea 10:2

Wɔn akoma mu apaepae, afei ɛso bɛbua wɔn. AWURADE bɛdwiri wɔn afɔrebukyia agu, na wasɛe wɔn ahoni adum no.

Hosea 14:8

Efraim, asɛm bɛn na me ne ahoni wɔ bio? Me deɛ, mɛgye no so, na m’ani aku ne ho, me a mete sɛ pepeaa frɔmfrɔm, me so na wɔbɛhunu w’aba.

Sefania 1:5

ne wɔn a wɔsɔre ewiem nnoɔma wɔ adan atifi, ne asɔrefoɔ a wɔkeka AWURADE ntam na wɔkeka Milkom ntam

Malaki 2:6

Nokorɛ mmara daa n’anomu, na wɔanhunu n’anomu kɔntɔnkyesɛm biara; asomdwoeɛ ne tenenee mu na ɔne me nanteeɛ, na ɔdanee nnipa pii firi amumuyɛ ho.

Asomafo 2:46

Na daa wɔde akoma korɔ hyiaa mu wɔ asɔrefie, na wɔbubuu paanoo afie mu de ahosan ne akoma kronn dii wɔn aduane,

1 Korintofo 10:21

Montumi nnom Awurade kuruwa ano ne ahonhommɔne kuruwa ano; montumi nnidi Awurade pono so ne ahonhommɔne pono so.

1 Korintofo 6:17

Na deɛ ɔde ne ho bɔ Awurade ho no ne no yɛ honhom baako.

2 Korintofo 11:3

Nanso mesuro sɛ ebia, sɛdeɛ ɔwɔ no de n’aniteɛ bɛdaadaa Hawa no, saa ara nso na wɔbɛsɛe mo adwene afiri Kristo fam ahofama no ho.

Efesofo 4:21

sɛ ampa ara sɛ moate ne ho asɛm, na wɔakyerɛkyerɛ mo ne mu, sɛdeɛ Yesu mu nokorɛ teɛ no.

Kolosefo 3:17

Na biribiara a moyɛ no, kasa mu oo! nneyɛɛ mu oo! monyɛ ne nyinaa Awurade Yesu din mu mfa ne so nna Agya Nyankopɔn ase.

2 Yohane 1:4

M’ani agye kɛse, sɛ mahunu wo mma no mu bi sɛ wɔnam nokorɛ mu, sɛdeɛ yɛanya ahyɛdeɛ firi Agya no nkyɛn no.