Nnwom 33:4 - New Revised Asante Twi Bible

⁴ Na AWURADE asɛm tene, na ne nnwuma nyinaa wɔ nokorɛ mu.

Twerɛ Kronkron

⁴ Na AWURADE asɛm tene, na ne nnwuma nyinaa wɔ nokorɛ mu.

Akuapem Twi Nkwa Asɛm

⁴ Awurade asɛm teɛ na ɛyɛ nokware odi nokware wɔ nea ɔyɛ nyinaa mu.

Asante Twi Nkwa Asɛm

⁴ Awurade asɛm tene, na ɛyɛ nokorɛ ɔdi nokorɛ wɔ deɛ ɔyɛ nyinaa mu.

KYERƐW KRONKRON

⁴ Na AWURADE asɛm teɛ, na ne nnwuma nyinaa wɔ nokware mu.

Nnwom 33:4 Referencias Cruzadas

1 Mose 24:27

Na ɔkaa sɛ: Nhyira nka AWURADE, me wura Abraham Nyankopɔn a wamma n’adɔeɛ ne ne nokorɛ ammɔ me wura. Na me nso, AWURADE akyerɛ me me wura nuanom fie kwan.

Nnwom 119:128

Enti mebu ade nyinaa mu nsiesieeɛ nyinaa sɛ ɛtene, metane nkontompo kwan nyinaa.

Nnwom 119:75

AWURADE, mahunu sɛ w’atemmuo yɛ tenenee, na wode nokorɛdie abrɛ me ase.

Nnwom 12:6

AWURADE bɔhyɛ yɛ bɔhyɛ kronkron, te sɛ dwetɛ a wɔanane no ananeeɛ a asene fam a wɔayiyi mu mprɛnson.

Nnwom 19:8

AWURADE ahyɛdeɛ tene, ɛma akoma tɔ yam. AWURADE mmarahyɛ ho te, na ɛte ani.

Nnwom 25:10

AWURADE atempɔn nyinaa yɛ adɔeɛ ne nokorɛ ma wɔn a wɔdi n’apam ne n’adansesɛm soɔ.

Nnwom 96:13

wɔ AWURADE anim, na ɔreba, na ɔreba abɛbu asase atɛn. Ɔrebɛbu wiase atɛn tenenee mu, ne aman wɔ ne nokorɛ mu.

Mmebusɛm 30:5

Nyankopɔn asɛm nyinaa ho te, ɔyɛ ɛkyɛm ma wɔn a wɔde wɔn ho to ne soɔ.

Daniel 4:37

Afei me, Nebukadnessar, mekamfo ɔsoro hene mema no so meyi no ayɛ, sɛ ne nneyɛɛ nyinaa yɛ nokorɛ, na n’akwan yɛ atɛntenenee, na wɔn a wɔnam ahantan soɔ no, ɔtumi brɛ wɔn ase.

Mika 2:7

Yakob fie, wɔnka sɛ AWURADE honhom nni boasetɔ anaa? Yeinom ne ne nneyɛɛ anaa? Ɛnyɛ yie na me nsɛm yɛ deɛ ɔnam tee no?

Yohane 14:6

Yesu see no sɛ: Mene kwan no, nokorɛ no ne nkwa no; obi mma Agya no nkyɛn, gye sɛ ɔnam me so.

Romafo 7:12

Enti mmara no yɛ kronkron, na mmara asɛm no yɛ kronkron ne tenenee ne papa.

5 Mose 32:4

Ɔbotan no, n’adeyɛ yɛ pɛ, na n’akwan nyinaa yɛ tenenee; ɔyɛ nokorɛ Nyankopɔn na nkontompo nni ne mu; ɔteneneeni ne teefoɔ ne no.

Tito 1:2

daa nkwa anidasoɔ so, nkwa a Onyankopɔn a ɔnni atorɔ no de firi teteete hyɛɛ bɔ,