Nnwom 25:3 - New Revised Asante Twi Bible

³ Ampa ara, wɔn a wɔhwɛ wo kwan no biara ani renwu, wɔn a wɔtwa nkontompo kwa no na wɔn ani bɛwuo.

Twerɛ Kronkron

³ Ampa ara, wɔn a wɔhwɛ wo kwan no biara ani renwu, wɔn a wɔtwa nkontompo kwa no na wɔn ani bɛwuo.

Akuapem Twi Nkwa Asɛm

³ Wɔn a wɔde wɔn ho to wo so no mu biara anim rengu ase da, mmom, wɔn a wɔyɛ kɔntɔnkye kwa no anim begu ase.

Asante Twi Nkwa Asɛm

³ Wɔn a wɔde wɔn ho to wo so no mu biara ani renwu da, mmom, wɔn a wɔyɛ kɔntɔnkye no anim bɛgu ase.

KYERƐW KRONKRON

³ Ampa ara, wɔn a wɔhwɛ wo kwan no biara ani renwu, wɔn a wotwa nkontompo kwa na wɔn ani bewu.

Nnwom 25:3 Referencias Cruzadas

1 Mose 49:13

Sebulon tenabea bɛkyerɛ mpoano, na wahwɛ deɛ ahyɛn gyinagyina, na ɔne Sidon abɔ hyeɛ.

1 Berɛsosɛm 10:13

Na Saulo wui ne fom a ɔfom AWURADE no, ne AWURADE asɛm a wanni soɔ no, ne sɛ nso ɔkɔbisaa samanfrɛni hɔ adeɛ hwehwɛɛ n’akyiri kwan.

Nnwom 109:3

na wɔde nitansɛm atwa me ho ahyia, na wɔne me di ako kwa.

Nnwom 119:78

Ma ahantanfoɔ ani nwu sɛ wɔbrɛɛ me ase nkontompo soɔ. Me deɛ, mɛdwene wo nsiesieeɛ ho.

Nnwom 123:2

Hwɛ, sɛdeɛ nkoa ani hwɛ wɔn wura nsa ano, sɛ afenaa ani hwɛ n’awuraa nsa ano no, sɛ yɛn ani hwɛ AWURADE yɛn Nyankopɔn ne no, kɔsi sɛ ɔbɛdom yɛn.

Nnwom 132:18

Mɛhyɛ n’atamfo aniwuo, na ɔno deɛ, n’ahenkyɛ bɛhyerɛn n’atifi.

Nnwom 22:6

Na me deɛ, meyɛ aboa, na menyɛ onipa, meyɛ nnipa ahohoradeɛ ne ɔman akyiwadeɛ.

Nnwom 27:14

Ma w’ani nna AWURADE so, hyɛ wo ho den na ma wo bo nyɛ duru, Aane, ma w’ani nna AWURADE so.

Nnwom 31:17

AWURADE mma m’anim nngu ase, na mesu mefrɛ wo. Ma abɔnefoɔ anim ngu ase, na wɔntotɔre mum Asamando.

Nnwom 31:18

Ma atorofoɔ ano mmua, wɔn a wɔka ɔteneneeni ho nsɛm a ɛyɛ den ahokyerɛ ne aniammɔho mu no.

Nnwom 33:20

Yɛn kra twɛn AWURADE, yɛn boafoɔ ne yɛn kyɛm ne no.

Nnwom 35:26

Wɔn a wɔn ani gye m’amanehunu ho nyinaa, ma wɔn ani nwu na wɔn anim ngu ase. Wɔn a wɔdi me so akokurokosɛm no, ma aniwuo ne ahohora nsi wɔn aduradeɛ!

Nnwom 37:34

Twɛn AWURADE, na fa ne kwan so, na ɔbɛma wo so, na woanya asase no atena so; sɛ wɔhye abɔnefoɔ ase a, wobɛhunu.

Nnwom 6:10

M’atamfoɔ nyinaa ani bɛwu, na wɔn ho adwiri wɔn sɛ, na wɔapatu de fɛreɛ asane.

Nnwom 62:1

Ampa, me kra yɛ komm hwɛ Onyankopɔn ara; ne nsam na menya nkwagyeɛ.

Nnwom 62:5

Ampa, me kra, yɛ komm hwɛ Onyankopɔn ara, na ne nsam na menya deɛ m’ani da soɔ.

Nnwom 69:4

Wɔn a wɔtane me kwa dɔɔso sene me tiri so nwi, m’asɛefoɔ a wɔyɛ m’atamfoɔ atorofoɔ dɔɔso, deɛ memfaeɛ no, wɔse mennane memma.

Nnwom 69:6

AWURADE, asafo AWURADE Nyankopɔn, mma wɔn a wɔtwɛn woɔ ani nnwu me ho, Israel Nyankopɔn, mma wɔn a wɔhwehwɛ woɔ no anim nngu ase, me nti.

Nnwom 71:13

Me kra ho asɛmpɛfoɔ ani bɛwu na wɔayera, ahohora ne nsopa bɛkata wɔn a wɔpɛ me bɔne so.

Yesaia 25:9

Ɛda no na wɔbɛka sɛ: Hwɛ, yɛn Nyankopɔn a yɛn ani ada ne so sɛ ɔbɛgye yɛn no nie; AWURADE a yɛn ani daa ne soɔ no nie. Momma yɛnni ahurisie, na yɛn ani nnye ne nkwagyeɛ no mu.

Yesaia 40:31

na wɔn a wɔtwɛn AWURADE no deɛ, wɔbɛnya ahoɔden foforɔ, wɔde ntaban bɛforo sɛ akɔdeɛ, wɔbɛtu mmirika, na wɔmmrɛ, wɔbɛnante, na wɔnntɔ piti.

Yesaia 49:23

Na ahemfo bɛyɛ wo mmagyegyefoɔ, na wɔn ahemmaa ayɛ wo nufomafoɔ; wɔde wɔn anim bɛbutubutu fam ama wo, na wɔatafere wo nan ase mfuturo, na woahunu sɛ me, mene AWURADE a wɔn a wɔn ani da me soɔ no ani renwuo.

Yeremia 20:11

Na AWURADE gyina m’akyiri sɛ dɔmmarima a ne ho yɛ hu, ɛno nti m’atifoɔ bɛsuntisunti, na wɔrentumi. Wɔn ani bɛwuwu sɛ, ɛfiri sɛ ɛrensi wɔn yie, ɛyɛ daa nsopa a werɛ remfire.

Kwadwom 3:25

AWURADE yɛ ma wɔn a wɔhwɛ no kwan, ma ɔkra a ɔhwehwɛ n’akyiri kwan no.

Mika 7:7

Na me deɛ, AWURADE na mehwɛ no kwan, mɛtwɛn me nkwagyeɛ Nyankopɔn no. Me Nyankopɔn bɛtie me.

Yohane 15:25

Na ɛyɛɛ hɔ, na asɛm a wɔatwerɛ no wɔn mmara mu no aba mu sɛ: Wɔtane me kwa.

Romafo 8:25

Na sɛ yɛn ani da deɛ yɛnhunu so a, yɛde boasetɔ twɛn.