Nnwom 18:8 - New Revised Asante Twi Bible

⁸ Wisie tu firii ne hwenem, na ogya a ɛhye adeɛ firii n’anomu, nnyansramma dɛre firii ne mu.

Twerɛ Kronkron

⁸ Wisie tu firii ne hwenem, na ogya a ɛhye adeɛ firii n’anomu, nnyansramma dɛre firii ne mu.

Akuapem Twi Nkwa Asɛm

⁸ Wusiw fii ne hwene mu; ogyaframa fii nʼanom, na nnyansramma dɛw fii mu.

Asante Twi Nkwa Asɛm

⁸ Wisie firii ne hwene mu; ogyaframa firii nʼanom, na egyasramma dɛre firii mu.

KYERƐW KRONKRON

⁸ Owusiw tu fii ne hwenem, na ogya a ɛhyew ade fii n’anom, nyansrama fii ne mu dɛwee.

Nnwom 18:8 Referencias Cruzadas

1 Mose 19:28

Na ɔdanee n’ani kyerɛɛ Sodom ne Gomora ne kanko no asase nyinaa, na ɔhwɛe, na hwɛ, asase no so wisie foroo sɛ fononoo mu wisie.

Hiob 41:19

Agyatɛnee firi n’anomu, ogya nturituriiɛ fifiri mu.

Nnwom 104:32

Ɔno na ɔhwɛ asase na ɛwosoɔ, ɔka mmepɔ na ɛfiri wisie.

Nnwom 11:6

Ɔbɛma asraman aduru abɔnefoɔ, ogya ne sɔfe ne mframa a ɛderɛ ne wɔn kuruwa mu kyɛfa.

Nnwom 21:9

Wobɛyi wo ho adi ayɛ wɔn sɛ ogya fononoo, AWURADE de n’abufuo bɛmene wɔn, na ogya ahye wɔn.

Nnwom 50:3

Yɛn Nyankopɔn bɛba, na ɔrenyɛ komm. Ogya di n’anim rehye adeɛ, na ahum atu huu atwa ne ho ahyia.

Nnwom 74:1

Onyankopɔn, adɛn nti na woasum yɛn agu koraa, na w’abufuo rehye w’adidibea nnwan?

Yesaia 24:18

na deɛ ɔdwane firi ehu nkateɛ ho no bɛtɔ eku mu, na deɛ ɔforo firi eku no mu no, wɔde fidie bɛyi no. Na wɔhinihini soro mpomma, na asase nnyinasoɔ wosowoso.

Daniel 7:10

Ogya te sɛ asubɔnten sene firi n’anim bae, mpem mpem som no, na mpemdu mpemdu buburugyaa gyina n’anim, wɔtenaa ase sɛ wɔrebu atɛn, na wɔbuebuee nwoma no mu.

3 Mose 10:2

Na ogya firii AWURADE anim bɛhyee wɔn, na wɔwuwuu AWURADE anim.

Amos 4:11

Mebutuu mo mu binom sɛdeɛ mebutuu Sodom ne Gomora no, na moyɛɛ sɛ gyentia a wɔatu afiri ogya mu; nanso moansane amma me nkyɛn, AWURADE asɛm nie.

4 Mose 11:1

Na ɔman no yɛɛ sɛdeɛ wɔrenwiiwii wɔn amaneɛ ho, AWURADE aso mu; na AWURADE teeɛ no, ne bo hurui, na AWURADE gya bɛsɔɔ wɔn mu hyee nsraban no ano ano.

4 Mose 16:35

Na ogya firi AWURADE nkyɛn bɛhyee mmarima ahanu aduonum a wɔde aduhwam no baeɛ no.

5 Mose 29:20

AWURADE rempene mfa nkyɛ no, na ɛno de AWURADE abufuo ne ne ninkuntwe bɛpunu onipa ko no, na nseɛ a wɔatwerɛ no nwoma yi mu no nyinaa bɛduru no, na AWURADE bɛpepa ne din afiri asase so.

Adiyisɛm 11:5

Na sɛ obi pɛ sɛ ɔha wɔn a, ogya firi wɔn anomu bɛmene wɔn atamfoɔ, na sɛ obi pɛ sɛ ɔha wɔn a, ɛtwa sɛ wɔku no saa ara.