Nnwom 18:12 - New Revised Asante Twi Bible

¹² Hann a ɛdi n’anim no nnyansramma firi ne mununkum no mu bae.

Twerɛ Kronkron

¹² Hann a ɛdi n’anim no nnyansramma firi ne mununkum no mu bae.

Akuapem Twi Nkwa Asɛm

¹² Hann kɛse hyerɛn wɔ nʼanim, na omununkum a mparuwbo ne anyinam wɔ mu fii ne ho hyerɛn mu bae.

Asante Twi Nkwa Asɛm

¹² Hann kɛseɛ hyerɛn wɔ nʼanim, na omununkum a asukɔtweaa ne anyinam wɔ mu firii ne ho hyerɛn mu baeɛ.

KYERƐW KRONKRON

¹² Hann a edi n’anim no nyansrama fii, ne mununkum no mu bae.

Nnwom 18:12 Referencias Cruzadas

Nnwom 104:2

Ɔfira hann sɛ ntoma, ɔtrɛ ɔsoro mu sɛ ntomadan tam,

2 Mose 19:9

Na AWURADE ka kyerɛɛ Mose sɛ: Hwɛ, me deɛ, mereba wo nkyɛn mununkum tumm mu, na sɛ me ne wo kasa a, ɔman no ate, na wo nso wɔagye wo adi akɔsi daa. Na Mose kaa ɔman no nsɛm no kyerɛɛ AWURADE.

Yesaia 50:3

Mede tumm mekata ɔsoro, na mede ayitoma meyɛ ne nkataho.

Mateo 17:2

Na ɔsakyeraa wɔ wɔn anim, na n’anim hyerɛnee sɛ owia, na ne ntadeɛ yɛɛ fitaa sɛ hann.

Mateo 17:5

Na ɔgu so rekasa no, hwɛ, mununkum hyɛnhyɛn bi bɛkataa wɔn so, na hwɛ, ɛnne bi firi mununkum no mu kaa sɛ: Oyi ne me dɔba a ɔsɔ m’ani. Montie no!

Yosua 10:11

Na wɔredwane afiri Israel anim na wɔkɔduruu Bet-horon asianee mu no, AWURADE totoo aboɔ akɛseɛ firi soro guguu wɔn so de kɔduruu Aseka maa wɔwuwui, wɔn a asukɔtweaa no kunkumm wɔn no dɔɔso sene wɔn a Israelfoɔ no kunkumm wɔn nkrantɛ ano no.

Adiyisɛm 16:21

Na asukɔtweaa akɛseɛ a ɛte sɛ dwetikɛseboɔ firi soro guguu nnipa so, na asukɔtweaa no haw nti nnipa kaa Nyankopɔn ho abususɛm ɛfiri sɛ na ɔhaw no so kɛse.