Nnwom 139:18 - New Revised Asante Twi Bible

¹⁸ Sɛ merekan a, ɛdɔɔso sene anwea, menyane a, meda so mewɔ wo ho ara.

Twerɛ Kronkron

¹⁸ Sɛ merekan a, ɛdɔɔso sene anwea, menyane a, meda so mewɔ wo ho ara.

Akuapem Twi Nkwa Asɛm

¹⁸ Sɛ mise mɛkan a, ne dodow bɛboro mpoano nwea, sɛ minyan a, me ne wo wɔ hɔ ara.

Asante Twi Nkwa Asɛm

¹⁸ Sɛ mese mɛkan a, ne dodoɔ bɛboro mpoano anwea, sɛ menyane a, me ne wo wɔ hɔ ara.

KYERƐW KRONKRON

¹⁸ Sɛ merekan a, ɛdɔɔso sen nwea, minyan a, meda so mewɔ wo ho ara.

Nnwom 139:18 Referencias Cruzadas

Nnwom 139:3

Wohwehwɛ me nanteɛ ne me nna mu, na wonim m’akwan nyinaa mu yie.

Nnwom 17:15

Me deɛ, mɛhwɛ w’anim tenenee mu, menyane a, me ho bɛtɔ me sɛ mahu woɔ.

Nnwom 3:5

Mekɔdae na medae; manyane, na AWURADE kura me mu.

Nnwom 40:12

Na bɔne a wɔnnim ano atwa me ho ahyia, m’amumuyɛ asɔ me mu a ɛmma menhunu adeɛ bio, ɛdɔɔso sene me tiri so nwi, na m’akoma agya me.

Nnwom 40:5

AWURADE, me Nyankopɔn, w’anwanwadeɛ ne w’adwene, woama no adɔɔso ama yɛn, wɔrentumi mfa biribiara nto wo ho; anka mɛka na makasa ho, ɛdɔɔso sene sɛ wɔbɛtumi akan.

Nnwom 40:6

Wompɛ afɔrebɔ ne ayɛyɛdeɛ, woasiesie aso de ama me, wommisa ɔhyeɛ afɔdeɛ ne bɔne ho afɔdeɛ.

Yesaia 26:19

W’awufoɔ bɛnya nkwa, wɔn afunu bɛsɔre; monnyane nto ahurisie dwom, mo a mote mfuturo mu! Na wo bosuo yɛ hann bosuo, na asase bɛyi nsamanfoɔ agu.

Daniel 12:2

Na wɔn a wɔadeda fam dɔteɛ mu no bebree bɛnyane, ebinom bɛkɔ daa nkwa mu, na ebinom akɔ ahohoradeɛ ne daa ahiyie mu.

1 Tesalonikafo 5:10

Ɔno na ɔwu maa yɛn sɛ yɛnyane oo, yɛwu oo, yɛne no ntena nkwa mu.