Mmebusɛm 21:8 - New Revised Asante Twi Bible

⁸ Ɔbarima a ɛso da ne soɔ kwan kyea, na deɛ ne ho teɛ adwuma yɛ tee.

Twerɛ Kronkron

⁸ Ɔbarima a ɛso da ne soɔ kwan kyea, na deɛ ne ho teɛ adwuma yɛ tee.

Akuapem Twi Nkwa Asɛm

⁸ Onipa a odi fɔ no akwan yɛ kɔntɔnkye, na nea ne ho nni asɛm no nneyɛe teɛ.

Asante Twi Nkwa Asɛm

⁸ Onipa a ɔdi fɔ no akwan yɛ kɔntɔnkye, na deɛ ne ho nni asɛm no adeyɛ tene.

KYERƐW KRONKRON

⁸ Onipa a ɛso da no so kwan kyea, na nea ne ho tew adwuma yɛ tee.

Mmebusɛm 21:8 Referencias Cruzadas

1 Mose 6:12

Na Onyankopɔn hunuu asase, na hwɛ, asɛe, ɛfiri sɛ na nnipa nyinaa asɛe wɔn akwan wɔ asase so.

Mmebusɛm 15:26

Ɔbɔne adwene yɛ AWURADE akyiwadeɛ, na nsɛm a ɛyɛ dɛ ho te.

Mmebusɛm 2:15

wɔn a wɔn atempɔn kyeakyea, na wɔn akwan danedane.

Mmebusɛm 21:9

Ɛdan atifi kokoam tena yɛ sene sɛ wo ne ɔbaa tɔkwapɛfoɔ bɛtena ɛdan mu.

Mmebusɛm 30:12

Nnipa bi wɔ hɔ a wɔn ho teɛ wɔ wɔn ara wɔn ani soɔ, nanso wɔntee wɔn ho mfirii wɔn fi mu.

Ɔsɛnkafo 7:29

Hwɛ, yei nko na mehunuu sɛ: Onyankopɔn yɛɛ onipa tee, na wɔn ara na wɔhwehwɛ tirim adwene bebree.

Ɔsɛnkafo 9:3

Yei yɛ bɔne deɛ wɔyɛ no owia yi aseɛ no nyinaa mu, sɛ nkrabea korɔ da hɔ ma nnipa nyinaa; enti nso na bɔne ayɛ adasamma akomam ma, na adammɔ wɔ wɔn akoma mu ara wɔn asetena mu, na ɛno akyiri no, wɔkɔ awufoɔ nkyɛn.

Yesaia 26:7

Ɔteneneeni kwan yɛ tee, wo na wototo ɔteneneeni tempɔn.

Yesaia 59:8

Asomdwoeɛ kwan deɛ, wɔnnim, na atɛntenenee nni wɔn akwan mu; wɔayɛ wɔn akwan nkontonkyi, obiara a ɔfa soɔ nnim asomdwoeɛ.

Daniel 12:10

Wɔbɛte nnipa bebree ho ahoa wɔn ho ama wɔapɔ, na abɔnefoɔ bɛkɔ so ara adi asɛmmɔne, na abɔnefoɔ nyinaa rente aseɛ, na mmadwemma na ɛbɛte aseɛ.

Mateo 12:33

Momma dua no nyɛ dua pa, na n’aba ayɛ aba pa; anaasɛ momma dua no nyɛ dua bɔne, na n’aba ayɛ aba bɔne; na dua no aba na wɔde hunu dua korɔ.

Mateo 5:8

Nhyira ne wɔn a wɔn akoma mu teɛ, na wɔn na wɔbɛhunu Onyankopɔn.

Asomafo 15:9

na wamma no ansono yɛne wɔn, na mmom ɔnam gyidie so tee wɔn akoma mu.

1 Korintofo 3:3

Na moda so ara yɛ honam mufoɔ. Na ɛberɛ a ahoɔyea ne aperepereɛ wɔ mo mu yi, monyɛ honam mufoɔ, na ɛnyɛ nnipasɛm na moredi yi anaa?

Tito 1:15

Adeɛ nyinaa ho te ma wɔn a wɔn ho teɛ; na wɔn a wɔn ho aba fi na wɔnnye nnie no deɛ, hwee ho nte mma wɔn, na mmom wɔn adwene ne wɔn ahonim nyinaa ho aba fi.

Tito 2:14

Ɔno na ɔde ne ho maeɛ, maa yɛn, na wagye yɛn afiri mmarato nyinaa mu, na wadwira ɔman bi ho ayɛ ɔno ara ne deɛ a wɔbɔ nnwuma pa ho mmɔden.

Tito 3:3

Ɛfiri sɛ yɛn nso, akane no na yɛyɛ nkwasea, asoɔdenfoɔ, nnipa a wɔtaa yɛ mfomsoɔ, som akɔnnɔ ne anigyedeɛ ahodoɔ, te nnebɔne ne nitan mu a wɔn ho yɛ ahi na wɔtentane wɔn ho wɔn ho.

Tito 3:5

ɛmfiri tenenee mu nnwuma a yɛayɛ mu, na mmom ɔno ara ne mmɔborɔhunu nti, na ɛmaa no faa awo foforɔ adwareɛ ne Honhom Kronkron foforɔyɛ so gyee yɛn nkwa.

1 Yohane 2:29

Sɛ monim sɛ ɔyɛ ɔteneneeni a, anka mobɛhunu sɛ obiara a ɔyɛ ade tenenee no, ɔno na Onyankopɔn awo no.

1 Yohane 3:3

Na obiara a ɔwɔ ne ho anidasoɔ yi no, ɔte ne ho sɛdeɛ ɔno ho teɛ.